Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightക്ഷേത്ര ഭരണം...

ക്ഷേത്ര ഭരണം സർക്കാറിന്​ നൽകിയത്​ ഹൈകോടതി; തിരുത്തി സുപ്രീംകോടതി

text_fields
bookmark_border
ക്ഷേത്ര ഭരണം സർക്കാറിന്​ നൽകിയത്​ ഹൈകോടതി; തിരുത്തി സുപ്രീംകോടതി
cancel

വർഷങ്ങൾ നീണ്ട നിയമപോരാട്ടത്തിനൊടുവിലാണ്​ ശ്രീ പത്​മനാഭസ്വാമി ക്ഷേത്രഭരണത്തിൽ തിരുവിതാംകൂർ രാജകുടുംബത്തി​​െൻറ അധികാരം അംഗീകരിച്ച്​​ സുപ്രീംകോടതി വിധി പുറത്ത്​ വന്നത്​​. ​ക്ഷേത്ര ഭരണത്തി​​െൻറ നിയന്ത്രണം പൂർണമായും സർക്കാറിന്​ നൽകാനായിരുന്നു 2011ലെ ഹൈകോടതി വിധി. 1991 ജൂലൈ 20ന്​ അവസാന രാജാവായിരുന്ന ശ്രീ ചിത്തിര തിരുനാൾ ബാലരാമവർമ മരിക്കുന്നത്​ വരെ ക്ഷേത്രഭരണം അദ്ദേഹത്തിനായിരുന്നു. എന്നാൽ, രാജാവി​​െൻറ മരണശേഷം ഭരണഘടനയുടെ 366(22) അനു​േഛദപ്രകാരം തിരുവിതാംകൂർ രാജാവ്​ സംസ്ഥാന സർക്കാറാണെന്ന​ വാദത്തി​​െൻറ അടിസ്ഥാനത്തിലായിരുന്നു ഹൈകോടതി വിധി.

ഹൈകോടതി വിധിയിലെ പ്രധാന നിരീക്ഷണങ്ങൾ
ട്രസ്​റ്റോ നിയമാനുസൃതമായ സമിതിയോ രൂപവത്​കരിച്ച്​ മൂന്ന്​ മാസത്തിനകം ക്ഷേത്രം ഏ​റ്റെടുക്കണമെന്ന്​ 2011 ജനുവരി 31ലെ വിധിയിൽ ഹൈകോടതി നിർദേശിച്ചു. ക്ഷേത്രങ്ങളും സ്വത്തുക്കളും ഏറ്റെടുത്തതിന്​ ശേഷം നിലവിലെ ആചാരനുഷ്​ഠാനങ്ങൾ പ്രകാരമുള്ള പ്രവർത്തനങ്ങൾ തുടരണം. സർക്കാർ നിയോഗിക്കുന്ന സമിതി എല്ലാ നിലവറകളും തുറന്ന്​ അമൂല്യമായ വസ്​തുക്കൾ പുറത്തെടുത്ത്​ മ്യൂസിയം സജ്ജമാക്കി അതിൽ സൂക്ഷിക്കണം. പൊതുജനങ്ങൾക്കും ഭക്​തർക്കും വിനോദ സഞ്ചാരികൾക്കും ഇവ കാണാൻ സൗകര്യപ്രദമാകും വിധം ക്ഷേത്ര പരിസരത്ത്​ തന്നെ മ്യൂസിയം സ്ഥാപിക്കണമെന്നും ഹൈകോടതി വിധിയിൽ വ്യക്​തമാക്കിയിരുന്നു. 

നിലവിൽ ഭരണം നടത്തുന്ന ഉത്രാടം തിരുനാളി​നെയും പിന്തുടർച്ചാവകാശിക​ളെയും ആറാട്ട്​ തുടങ്ങിയ ആചാരാനുഷ്​ഠാനങ്ങളിൽ പത്​മനാഭ ദാസൻ എന്ന നിലയിൽ പ​ങ്കെടുക്കാൻ അനുവദിക്കണം. ക്ഷേത്രത്തി​​െൻറ സംരക്ഷണച്ചുമതല പൊലീസിന്​ കൈമാറണം. നിലവറ തുറന്ന്​ അമൂല്യ സാധനങ്ങളുടെ ലിസ്​റ്റ്​ തയാറാക്കുന്നത്​ സത്യസന്ധരായ ഉദ്യോഗസ്ഥരാണെന്ന്​ ഉറപ്പ്​ വരുത്തണം തുടങ്ങിയ കർശന നിർദേശങ്ങളും ഹൈകോടതി നൽകിയിരുന്നു. 

സുപ്രീംകോടതി വിധി ഇങ്ങനെ
എന്നാൽ, ഇന്ന്​ പുറത്തുവന്ന സുപ്രീംകോടതി വിധി ഹൈകോടതി ഉത്തരവിനെ ദുർബലപ്പെടുത്തി. ക്ഷേത്ര ഭരണത്തിൽ രാജകുടുംബത്തി​​െൻറ അവകാശം അനുവദിച്ച്​ നൽകുകയാണ് സുപ്രീംകോടതി​ ചെയ്​തത്​​. ജില്ലാ ജഡ്​ജിയുടെ നേതൃത്വത്തിലുള്ള താൽക്കാലിക സമിതിക്കാണ്​ ക്ഷേത്രഭരണത്തി​​െൻറ ചുമതല ഇപ്പോൾ നൽകിയിരിക്കുന്നത്​. എന്നാൽ, ഇതുമായി ബന്ധപ്പെട്ട്​ സ്ഥിരം സമിതി രൂപീകരിക്കു​േമ്പാൾ  എന്തെല്ലാം നിർദേശങ്ങൾ പാലിക്കണമെന്നും സുപ്രീംകോടതി വിധിയിൽ വ്യക്​തമാക്കിയിട്ടുണ്ട്​. ഇതോടൊപ്പം ബി നിലവറയുടെ കാര്യത്തിൽ നയപരമായ നിലപാടാണ്​​ സുപ്രീംകോടതി സ്വീകരിച്ചത്​. 
ക്ഷേത്രഭരണത്തിനുള്ള സ്ഥിരം സമിതിക്ക്​ നിലവറ തുറക്കുന്ന കാര്യത്തിൽ തീരുമാനമെടുക്കാമെന്നാണ്​ വിധിയിൽ വ്യക്​തമാക്കിയത്​.

Show Full Article
TAGS:padmanabhaswamy temple travancore royal family kerala news malayalam news 
News Summary - padmanabhaswamy temple Administration-Kerala news
Next Story