ജുഡീഷ്യറി ഏത്​ രീതിയിലാണ്​ ജനാധിപത്യത്തെ പരിപാലിക്കുന്നതെന്നത്​​ പഠനവിഷയമാക്കണം -സ്​പീക്കർ

കോഴിക്കോട്​: ഭരണഘടന സംരക്ഷിക്കേണ്ട ജുഡീഷ്യറി ഏത്​ രീതിയിലാണ്​ ജനാധിപത്യത്തെ പരിപാലിക്കുന്നതെന്നത്​​ പഠനവിഷയമാക്കണമെന്ന്​ സ്​പീക്കർ പി. ശ്രീരാമകൃഷ്​ണൻ. കോടതികൾ ജനാധിപത്യത്തിൽ കരിനിഴൽ വീഴ്​ത്തു​േമ്പാൾ നിയമസഭക്ക്​ ഗൗരവമായ ഇടപെടൽ നടത്താനാകുമെന്ന്​​ സ്​പീക്കർ കൂട്ടിച്ചേർത്തു. കേരള നിയമസഭ വ​ജ്രജൂബിലി ആഘോഷങ്ങളുടെ ജില്ലതല ഉദ്​ഘാടനം നിർവഹിക്കുകയായിരുന്നു അദ്ദേഹം. 

രാജ്യത്ത്​ ഫെഡറലിസത്തി​​​​​െൻറ ചിറകരിയുകയാണ്​. ബഹുസ്വരതയാണ്​ ഇന്ത്യയുടെ സവിശേഷത. എന്നാൽ,  ഇതി​​​​​െൻറ അടിസ്​ഥാന ഘടകമായ ഫെഡറലിസം ഗുരുതരമായ ഭീഷണിയാണ്​ നേരിടുന്നത്​. നികുതി ഏകീകരണം, വിദ്യാഭ്യാസം, തീരദേശപരിപാലന നിയമം തുടങ്ങിയ വിഷയങ്ങളിലെല്ലാം ഏകപക്ഷീയ നിയമങ്ങളാണ്​ നടപ്പാകുന്നത്​. 
പല നിയമങ്ങളും കടലിലേക്ക്​  വലിച്ചെറിയപ്പെടുന്നു. ദലിത്​ പീഡനത്തിനെതിരായ നിയമം ദുർബലമാക്കുന്ന നീക്കങ്ങൾ നടക്കുന്നു. ജഡ്​ജിയുടെ മരണത്തിലെ ദുരൂഹത  അന്വേഷിക്കേണ്ടതില്ല എന്നുവരെ പറഞ്ഞുവെച്ചിരിക്കുന്നു. മക്ക മസ്​ജിദ്​ സ്​ഫോടന കേസിലും ഏകപക്ഷീയ നടപടിയാണുണ്ടായത്​. 

രാജ്യത്തെ വിസ്​മയിപ്പിച്ച സഭയാണ്​ കേരള നിയമസഭ. സമൂഹത്തെ ബാധിക്കുന്ന നിരവധി  പ്രശ്​നങ്ങളിൽ ഒറ്റക്കെട്ടായി ശബ്​ദമുയർത്താനും മതേതരത്വത്തി​​​​​െൻറ കാവലാളായി നിലയുറപ്പിക്കാനും സഭക്ക്​ സാധിച്ചു. നിയമനിർമാണത്തിൽ ഏത്​ പൗരനും ഭേദഗതി നിർദേശിക്കാൻ പദ്ധതി ആവിഷ്​കരിച്ചതും സ്​പീക്കർ അനുസ്​മരിച്ചു.

ഗതാഗത മന്ത്രി എ.കെ. ശശീന്ദ്രൻ അധ്യക്ഷത വഹിച്ചു. ജില്ലയിലെ മുൻ സാമാജികരായ സിറിയക്​ ജോൺ, പി. ശങ്കരൻ, ഇ. നാരായണൻ നായർ, എ.കെ. പത്മനാഭൻ, എൻ.കെ. രാധ, വി.എം. ഉമ്മർ മാസ്​റ്റർ, സി. മോയിൻകുട്ടി, എം.കെ. പ്രേംനാഥ്​, പി.എം.എ. സലാം, യു.സി. രാമൻ, ടി.പി.എം. സാഹിർ എന്നിവരെയും സ്വാതന്ത്ര്യ സമര സേനാനികളെയും സ്​പീക്കർ ആദരിച്ചു. മൺമറഞ്ഞ നിയമസഭ സാമാജികർക്ക്​ എ. പ്രദീപ്​കുമാർ എം.എൽ.എ ശ്രദ്ധാഞ്​ജലിയർപ്പിച്ചു. മേയർ തോട്ടത്തിൽ രവീന്ദ്രൻ, എം.എൽ.എമാരായ സി.കെ. നാണു, ഇ.കെ. വിജയൻ, വി.കെ.സി. മമ്മദ്​​ കോയ, കാരാട്ട്​ റസാഖ്​, ജില്ല കലക്​ടർ യു.വി. ജോസ്​ എന്നിവർ സംസാരിച്ചു. ഡോ. എം.കെ. മുനീർ എം.എൽ.എ സ്വാഗതവും നിയമസഭ  സെക്രട്ടറി വി.കെ. ബാബുപ്രകാശ്​ നന്ദിയും പറഞ്ഞു. പിന്നണി ഗായകരായ ബി. വസന്ത, സുനിൽകുമാർ എന്നിവർ നയിച്ച  ഗാനവിരുന്നുമുണ്ടായിരുന്നു.