Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമുഖ്യമന്ത്രിയുടെ പി.എ...

മുഖ്യമന്ത്രിയുടെ പി.എ ചമഞ്ഞ് തട്ടിപ്പ്: പി. ശശിയുടെ സഹോദരന്‍ റിമാന്‍ഡില്‍

text_fields
bookmark_border
മുഖ്യമന്ത്രിയുടെ പി.എ ചമഞ്ഞ് തട്ടിപ്പ്: പി. ശശിയുടെ സഹോദരന്‍ റിമാന്‍ഡില്‍
cancel

കോഴിക്കോട്: മുഖ്യമന്ത്രിയുടെ പേഴ്‌സനല്‍ അസിസ്​റ്റൻറ്​ ചമഞ്ഞ് തൊഴില്‍ വാഗ്ദാനം നല്‍കി ലക്ഷങ്ങള്‍ തട്ടിയ കേസില്‍ സി.പി.എം കണ്ണൂര്‍ ജില്ല മുൻ സെക്രട്ടറി പി. ശശിയുടെ സഹോദരന്‍ പി. സതീശന്‍ റിമാൻഡിൽ. നാലുപേരില്‍നിന്നായി രണ്ടര ലക്ഷത്തോളം രൂപ തട്ടിയെടുത്ത കേസില്‍ കോഴിക്കോട് ഒന്നാം ജുഡീഷ്യൽ ഫസ്​റ്റ്​ ക്ലാസ്​ മജിസ്‌ട്രേറ്റ് കോടതിയാണ് 14 ദിവസത്തേക്ക് റിമാന്‍ഡ് ചെയ്തത്. 

ഫറോക്ക്​​​ സ്വദേശികളായ പ്രതിഭ, മാധുരി, ഒളവണ്ണ സ്വദേശി അക്ഷയ്, മാത്തോട്ടം സ്വദേശി സുജിത്ത് എന്നിവരുടെ  പരാതിയിലാണ് കസബ പൊലീസ് പ്രതിയെ അറസ്​റ്റ്​ ചെയ്തത്. മുഖ്യമന്ത്രിയുടെ പേഴ്‌സനല്‍ സ്​റ്റാഫെന്ന്​ ധരിപ്പിച്ചാണ്​ ഇവരിൽനിന്ന്​ പ്രതി പണം വാങ്ങിയത്​. നേതാവി​​​െൻറ സഹോദരന്‍, പാര്‍ട്ടിയുമായി അടുത്ത ബന്ധം എന്നിവയും തട്ടിപ്പിന്​ ഉപയോഗിച്ചു. പഞ്ചായത്ത് വകുപ്പിൽ ജോലിചെയ്യവെ മരിച്ച ഭര്‍ത്താവി​​​െൻറ ആശ്രിതയെന്ന നിലയിലുള്ള നിയമനത്തിന്​ ഉത്തരവ് ശരിയാക്കിത്തരാ​മെന്ന്​ പറഞ്ഞാണ് പ്രതിഭയില്‍നിന്ന് രണ്ടര ലക്ഷം രൂപ തട്ടിയത്​. 

കണ്ണൂര്‍ വിമാനത്താവളത്തിൽ പ്ലാനിങ്​ എന്‍ജിനീയര്‍, ഓഫിസ് സ്​റ്റാഫ് ജോലികൾ വാഗ്​ദാനം ചെയ്​താണ്​  അക്ഷയ്, സുജിത് എന്നിവരെ തട്ടിപ്പിനിരയാക്കിയത്. പാര്‍ട്ടി ഫണ്ടിലേക്കെന്ന് പറഞ്ഞാണ്​ പണം കൈപ്പറ്റിയത്​. തട്ടിപ്പ് പുറത്തുവന്നതോടെ നിരവധി പേര്‍ പരാതിയുമായി എത്തുമെന്നാണ് കരുതുന്നതെന്ന് പൊലീസ് പറഞ്ഞു.

Show Full Article
TAGS:P Satheesh P Sasi fraud case kerala news malayalam news 
News Summary - P Sasi Brother P Satheesh Remanded in Fraud Case -Kerala News
Next Story