Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപി.കൃഷ്​ണപിള്ള...

പി.കൃഷ്​ണപിള്ള സ്​മാരകം തകർത്ത കേസിൽ ​മുഴുവൻ പ്രതികളേയും വെറുതെ വിട്ടു

text_fields
bookmark_border
p-krishna-pilla-statue-accused.jpg
cancel

ആലപ്പുഴ: കണ്ണർകാട്ട്​ സ്ഥാപിച്ചിരുന്ന പി.കൃഷ്​ണപിള്ള സ്​മാരകം തീ വെച്ചു തകർത്ത കേസിലെ മുഴുവൻ പ്രതികളേയും വെറുതെ വിട്ടു. ആലപ്പുഴ ജില്ല പ്രിൻസിപ്പൽ സെഷൻസ്​ കോടതിയുടേതാണ്​ വിധി. കേസിൽ അഞ്ച്​ പ്രതികളാണ്​ ഉൾപ്പെട്ടിരുന്നത്​. എല്ലാവരും സി.പി.എം പ്രവർത്തകരാണ്​. വി.എസ്​. അച്ചുതാനന്ദ​ൻ മുഖ്യമന്ത്രിയായിരുന്നപ്പോൾ പേഴ്​സണൽ സ്റ്റാഫ്​ അംഗമായിരുന്ന ലതീഷ് ബി​ ചന്ദ്രൻ, സി.പി.എം കണ്ണർകാട്ട്​ ലോക്കൽ സെക്രട്ടറിയായിരുന്ന പി. സാബു എന്നിവരുൾപ്പെടെയുള്ളവർ പ്രതി പട്ടികയിൽ ഉണ്ടായിരുന്നു. 

കുറ്റം ചെയ്​തതിന്​ തെളിവില്ലെന്ന്​ ചൂണ്ടിക്കാട്ടിയാണ് സംഭവം നടന്ന്​ ഏഴ്​ വർഷങ്ങൾക്ക്​ ശേഷം​ കോടതി പ്രതികളെ വെറുതെ വിട്ടത്​. 2013 ഒക്​ടോബറർ 31ന്​ പുലർച്ചെ 1.30നാണ്​​ കേസിനാസ്​പദമായ സംഭവം നടന്നത്​. കണ്ണർകാ​ട്ടെ പി.കൃഷ്​ണ പിള്ള സ്​മാരകവും വീടും തകർക്കുകയായിരുന്നു. സമീപ പ്രദേശ​മായ കായിപ്പുറത്തുള്ള ഇന്ദിരാഗാന്ധി പ്രതിമയും തകർത്തിരുന്നു. ഇന്ദിരാഗാന്ധി പ്രതിമ തകർത്ത കേസിൽ കഴിഞ്ഞ വർഷം പ്രതികളെ വെറുതെ വിട്ടിരുന്നു.

സാഹചര്യ തെളിവുകളുടെ അടിസ്ഥാനത്തിലാണ്​ ക്രൈംബ്രാഞ്ച്​ കുറ്റപത്രം സമർപ്പിച്ചിരുന്നത്​. ലോക്കൽ പൊലീസ്​ അന്വേഷിച്ച കേസ്​ പിന്നീട്​ ക്രൈംബ്രാഞ്ചിന്​ കൈമാറുകയായിരുന്നു. 

വിധിയിൽ സന്തോഷമുണ്ടെന്നും തങ്ങളു​െട നിരപരാധിത്വം കോടതിക്ക്​ ബോധ്യപ്പെട്ടതിൽ കോടതിയോട്​ അങ്ങേയറ്റം ബഹുമാനമു​ണ്ടെന്നും ​കുറ്റവിമുക്തരായവർ പ്രതികരിച്ചു. തങ്ങളെ പ്രതിയാക്കാൻ ശ്രമിച്ചവരുടെ കരണത്തേറ്റ അടിയാണ്​ ഇൗ കോടതി വിധി. കെട്ടിയുണ്ടാക്കിയ മൊഴികളും സാക്ഷികളുമാണ്​ കേസിൽ പ്രോസിക്യൂഷൻ ഹാജരാക്കിയതെന്നും അവർ മാധ്യമങ്ങളോട്​ പറഞ്ഞു. 

Show Full Article
TAGS:alappuzha kerala news malayalam news 
News Summary - p krishna pilla memmorial abolition case -kerala news
Next Story