മന്ത്രി മേഴ്സിക്കുട്ടിയമ്മക്കെതിരെ അബ്​ദുറബ്ബ്​ എം.എൽ.എയുടെ അവകാശ ലംഘന നോട്ടീസ്​

തിരുവനന്തപു​രം: പരപ്പനങ്ങാടി ഫിഷിങ്​​ ഹാർബർ വിഷയത്തിൽ മന്ത്രി മേഴ്​സിക്കുട്ടിയമ്മക്കെതിരെ പി.കെ. അബ്​ദുറബ് ബ്​ എം.എൽ.എ അവകാശ ലംഘനത്തിന്​ നോട്ടീസ്​ നൽകി. ഇക്കഴിഞ്ഞ 30ന്​ നിയമസഭയിൽ നൽകിയ മറുപടി വസ്​തുതാവിരുദ്ധവും സഭയെ തെറ്റിദ്ധരിപ്പിക്കുന്നതുമാണെന്നാണ്​​ ആരോപണം​.

പരപ്പനങ്ങാടി ഹാർബറിന്​ 50വർഷം മുമ്പ്​ അവുക്കാദർ കുട്ടി നഹ തറക്കല്ലിട്ടുവെന്നും പിന്നീട്​ 2004 വരെ ഒരു നടപടിയും ഉണ്ടായില്ലെന്നുമാണ്​ മന്ത്രി പറഞ്ഞത്​. അവുക്കാദർകുട്ടി നഹ ഇങ്ങനെയൊരു പദ്ധതിക്ക്​ തറക്കല്ലിട്ടില്ലെന്നും അന്ന്​ ഹാർബർ എന്ന ആവശ്യം ഉയർന്നിരുന്നില്ലെന്നും നോട്ടീസിൽ പറയുന്നു