പി. ഗഗാറിൻ സി.പി.എം വയനാട് ജില്ലാ സെക്രട്ടറി

കൽപറ്റ: പി. ഗഗാറിനെ സി.പി.എം. വയനാട് ജില്ല സെക്രട്ടറിയായി തെരഞ്ഞെടുത്തു. തൊഴിലാളി സംഘടനാ രംഗത്തെപ്രവർത്തനപരിചയവുമായാണ് സി.പി.എം. ജില്ല കമ്മിറ്റിയംഗമായ ഗഗാറിൻ ജില്ല സെക്രട്ടറി സ്ഥാനത്ത് എത്തുന്നത്.  മുൻ വൈത്തിരി ഗ്രാമപഞ്ചായത്ത് പ്രസിഡൻറായിരുന്നു.

1973- മുതൽ സി.പി.എം. വയനാട്  ജില്ല കമ്മിറ്റിയംഗമായിരുന്ന പി. കുഞ്ഞിക്കണ്ണ ​​െൻറ മകനാണ് ഗഗാറിൻ. വയനാട് എസ്​റ്റേറ്റ് ലേബർ യൂനിയൻ ജില്ല സെക്രട്ടറിയായി പ്രവർത്തിച്ചുവരികയായിരുന്നു. ഭാര്യ ഉഷ അംഗൻവാടി വർക്കേഴ്സ് ആൻഡ് ഹെൽപ്പേഴ്സ് യൂനിയൻ (സി.ഐ.ടി.യു). ജില്ല സെക്രട്ടറിയാണ്.