അമിത വേഗവും സിഗ്‌നല്‍ ലംഘനവും; കാ​മ​റ​യി​ല്‍ കുടുങ്ങിയത് 1.83 ലക്ഷം വാഹനങ്ങള്‍

കോ​ഴി​ക്കോ​ട്: സം​സ്ഥാ​ന​ത്ത് ഗ​താ​ഗ​ത നി​യ​മം ലം​ഘി​ച്ച് നി​ര​ത്തു​ക​ളി​ലൂ​ടെ ചീ​റി​പ്പാ​യു​ന്ന​വ​രെ കു ​ടു​ക്കാ​ന്‍ മോ​ട്ടോ​ര്‍ വാ​ഹ​ന വ​കു​പ്പ് സ്ഥാ​പി​ച്ച കാ​മ​റ​യി​ല്‍ കു​ടു​ങ്ങി​യ​ത് 1.83 ല​ക്ഷം വാ​ഹ​ന​ങ്ങ​ള ്‍. ഇ​തി​ലൂ​ടെ പി​ഴ​യി​ന​ത്തി​ല്‍ സ​ര്‍ക്കാ​റി​ന് ല​ഭി​ക്കു​ക 7.35 കോ​ടി രൂ​പ. 2018 ജ​നു​വ​രി മു​ത​ല്‍ ന​വം​ബ​ര്‍ വ​രെ​യു​ള്ള ക​ണ​ക്കാ​ണി​ത്. ഒ​രു ദി​വ​സം 300ലേ​റെ വാ​ഹ​ന​ങ്ങ​ള്‍ നി​യ​മ ലം​ഘ​ന​ത്തി​ന് കു​ടു​ങ്ങു​ന്നു​ണ്ട്. വാ​ഹ​നം ഓ​ടി​ക്കു​മ്പോ​ള്‍ സീ​റ്റ് ബെ​ല്‍റ്റ് ഉ​പ​യോ​ഗി​ക്കാ​ത്ത​തി​നും മൊ​ബൈ​ല്‍ ഫോ​ണ്‍ ഉ​പ​യോ​ഗി​ച്ച​തി​നും ബൈ​ക്കി​ല്‍ മൂ​ന്നു​പേ​ര്‍ സ​ഞ്ച​രി​ച്ച​തി​നും നി​ര​വ​ധി പേ​രെ പി​ടി​കൂ​ടി.

ദേ​ശീ​യ​പാ​ത​ക​ളി​ലും പ്ര​ധാ​ന ജ​ങ്ഷ​നു​ക​ളി​ലും സ്ഥാ​പി​ച്ച കാ​മ​റ​ക​ളി​ലാ​ണ് വാ​ഹ​ന​ങ്ങ​ള്‍ കു​ടു​ങ്ങി​യ​ത്. സി​ഗ്‌​ന​ല്‍ ലം​ഘ​നം, അ​മി​ത വേ​ഗം എ​ന്നി​വ​യാ​ണ് പ്ര​ധാ​ന​മാ​യും ക​ണ്ടെ​ത്തി​യ​ത്. ഈ ​വാ​ഹ​ന​ങ്ങ​ള്‍ക്ക് 400 രൂ​പ വീ​തം പി​ഴ ചു​മ​ത്തി നോ​ട്ടീ​സ് അ​യ​ച്ചി​ട്ടു​ണ്ട്. ചി​ല വാ​ഹ​ന​ങ്ങ​ള്‍ക്ക് ഒ​ന്നി​ല്‍ക്കൂ​ടു​ത​ല്‍ പി​ഴ ഈ​ടാ​ക്കാ​നും നോ​ട്ടീ​സു​ണ്ട്. ര​ണ്ടു​ത​വ​ണ നോ​ട്ടീ​സ് ന​ല്‍കി​യി​ട്ടും പി​ഴ അ​ട​ക്കാ​ത്ത​വ​ര്‍ക്കെ​തി​രേ റ​വ​ന്യു റി​ക്ക​വ​റി ന​ട​പ​ടി സ്വീ​ക​രി​ക്കാ​നാ​ണ് തീ​രു​മാ​നം. ആ​ദ്യ​ത്തെ പി​ഴ അ​ട​ക്കാ​തെ വീ​ണ്ടും നി​യ​മം ലം​ഘി​ച്ചാ​ല്‍ പി​ഴ വ​ര്‍ധി​ക്കും.

സി​ഗ്‌​ന​ല്‍ അ​വ​ഗ​ണി​ച്ച്​ പോ​കു​ന്ന​വ​ര്‍ക്കാ​ണ് ഒ​ന്നി​ല്‍ക്കൂ​ടു​ത​ല്‍ ത​വ​ണ പി​ഴ അ​ട​ക്കേ​ണ്ടി​വ​ന്ന​ത്. കാ​മ​റ ദൃ​ശ്യ​ങ്ങ​ളി​ല്‍ കു​ടു​ങ്ങി​യി​ട്ടും പി​ഴ​യ​ട​ക്കാ​തെ മു​ങ്ങി ന​ട​ക്കു​ന്ന​വ​ര്‍ക്കെ​തി​രെ ശ​ക്ത​മാ​യ ന​ട​പ​ടി​യെ​ടു​ക്കും. ക​ഴി​ഞ്ഞ ഒ​ക്ടോ​ബ​ര്‍ വ​രെ മോ​ട്ടോ​ര്‍ വാ​ഹ​ന വ​കു​പ്പാ​ണ് നോ​ട്ടീ​സ് ന​ല്‍കി​യി​രു​ന്ന​തെ​ങ്കി​ൽ, ഇ​പ്പോ​ൾ കെ​ല്‍ട്രോ​ണ്‍ ആ​ണ് ഇ​ത്​ നി​ർ​വ​ഹി​ക്കു​ന്ന​ത്.

സൗ​ക​ര്യ​ക്കു​റ​വും മ​റ്റും മൂ​ലം മോ​ട്ടോ​ർ വാ​ഹ​ന വ​കു​പ്പി​ന് വ​ള​രെ കു​റ​ച്ച് ആ​ളു​ക​ള്‍ക്ക് നോ​ട്ടീ​സ് അ​യ​ക്കാ​നേ സാ​ധി​ച്ചി​രു​ന്നു​ള്ളൂ. ഇൗ ​സാ​ഹ​ച​ര്യ​ത്തി​ലാ​ണ്​ കെ​ല്‍ട്രോ​ണി​നെ ഏ​ൽ​പി​ച്ച​ത്. ഏ​താ​നും കാ​മ​റ​ക​ള്‍ മി​ഴി പൂ​ട്ടി​യ​ത് മു​ത​ലെ​ടു​ത്ത് നി​ര​ത്തി​ലൂ​ടെ പ​റ​ക്കു​ന്ന വാ​ഹ​ന​ങ്ങ​ളു​ടെ​യും ഇ​തേ​തു​ട​ര്‍ന്നു​ള്ള അ​പ​ക​ട​ങ്ങ​ളു​ടെ​യും എ​ണ്ണം വ​ർ​ധി​ച്ചി​രു​ന്നു. പ​രാ​തി​ക​ളെ തു​ട​ർ​ന്ന് ന​ഗ​ര​ങ്ങ​ളി​ലെ കാ​മ​റ​ക​ൾ പ്ര​വ​ർ​ത്ത​ന സ​ജ്ജ​മാ​ക്കി​യി​ട്ടു​ണ്ട്.