അഞ്ചുവർഷത്തിനിടെ സംസ്ഥാനത്തെ ജയിലുകളിൽ 21 മരണമെന്ന്​ സർക്കാർ 

കൊ​ച്ചി: അ​ഞ്ചു​വ​ർ​ഷ​ത്തി​നി​ടെ സം​സ്ഥാ​ന​ത്തെ വി​വി​ധ ജ​യി​ലു​ക​ളി​ൽ 21പേ​ര്‍ മ​രി​ച്ച​താ​യി സം​സ്ഥാ​ന സ​ര്‍ക്കാ​ര്‍ ഹൈ​കോ​ട​തി​യെ അ​റി​യി​ച്ചു. സു​പ്രീം​കോ​ട​തി​യു​ടെ ജ​യി​ൽ​പ​രി​ഷ്‌​ക​ര​ണ നി​ർ​ദേ​ശ​ങ്ങ​ൾ ക​ണ​ക്കി​ലെ​ടു​ത്ത് ഹൈ​കോ​ട​തി സ്വ​മേ​ധ​യാ പ​രി​ഗ​ണി​ച്ച പൊ​തു​താ​ൽ​പ​ര്യ​ഹ​ര​ജി​യി​ലാ​ണ്​ 2011 മു​ത​ല്‍ 2016 വ​രെ കാ​ല​യ​ള​വി​ൽ​​ മ​രി​ച്ച​വ​രു​ടെ എ​ണ്ണം അ​റി​യി​ച്ച​ത്. 
അ​സ്വാ​ഭാ​വി​ക മ​ര​ണ​മാ​യാ​ണ്​ എ​ല്ലാം ​ര​ജി​സ്​​റ്റ​ർ ചെ​യ്​​ത​ത്. മ​രി​ച്ച​വ​രി​ൽ ചി​ല​രു​ടെ ബ​ന്ധു​ക്ക​ൾ​ക്ക്​ ന​ഷ്​​ട​പ​രി​ഹാ​രം ന​ൽ​കി​യ​താ​യും സ​ർ​ക്കാ​ർ അ​ഭി​ഭാ​ഷ​ക​ൻ വ്യ​ക്​​ത​മാ​ക്കി. ഇ​ക്കാ​ര്യ​ങ്ങ​ൾ​കൂ​ടി ഉ​ൾ​പ്പെ​ടു​ത്തി പ​ത്ത്​ ദി​വ​സ​ത്തി​ന​കം വി​ശ​ദ സ​ത്യ​വാ​ങ്മൂ​ലം സ​മ​ർ​പ്പി​ക്കാ​ൻ​ സ​ർ​ക്കാ​റി​നോ​ട്​ നി​ർ​ദേ​ശി​ച്ചു. 

2012 മു​ത​ലു​ള്ള കാ​ല​യ​ള​വി​ൽ ത​ട​വി​ൽ ക​ഴി​യ​വെ അ​സ്വാ​ഭാ​വി​ക മ​ര​ണം സം​ഭ​വി​ച്ച​വ​രു​ടെ ഉ​റ്റ​വ​രെ ക​ണ്ടെ​ത്തി ന​ഷ്​​ട​പ​രി​ഹാ​രം ന​ൽ​കാ​ൻ ഹൈ​കോ​ട​തി​ക​ൾ സ്വ​മേ​ധ​യാ ന​ട​പ​ടി​യെ​ടു​ക്ക​ണ​മെ​ന്ന് സു​പ്രീം​കോ​ട​തി നി​ർ​ദേ​ശി​ച്ചി​രു​ന്നു. ഇ​തി​​​െൻറ അ​ടി​സ്ഥാ​ന​ത്തി​ലാ​ണ് ചീ​ഫ് സെ​ക്ര​ട്ട​റി, ആ​ഭ്യ​ന്ത​ര​വ​കു​പ്പ് അ​ഡീ​ഷ​ന​ൽ ചീ​ഫ് സെ​ക്ര​ട്ട​റി, സാ​മൂ​ഹി​ക​നീ​തി വ​കു​പ്പ് സ്പെ​ഷ​ൽ സെ​ക്ര​ട്ട​റി, ഡ​യ​റ​ക്ട​ർ, ഡി.​ജി.​പി, ജ​യി​ൽ ഡി.​ജി.​പി എ​ന്നി​വ​രെ എ​തി​ർ​ക​ക്ഷി​ക​ളാ​ക്കി ഹൈ​കോ​ട​തി വി​ഷ​യം പ​രി​ഗ​ണി​ക്കു​ന്ന​ത്. 

പൊ​ലീ​സ് അ​തി​ക്ര​മം, ക​സ്​​റ്റ​ഡി മ​ര​ണം തു​ട​ങ്ങി​യ​വ ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് സു​പ്രീം​കോ​ട​തി മു​ൻ ചീ​ഫ് ജ​സ്​​റ്റി​സ് ആ​ർ.​സി. ല​ഹോ​ട്ടി എ​ഴു​തി​യ ക​ത്ത് പൊ​തു​താ​ൽ​പ​ര്യ​ഹ​ര​ജി​യാ​യി പ​രി​ഗ​ണി​ച്ചാ​ണ് ന​ട​പ​ടി​യെ​ടു​ക്കാ​ൻ സു​പ്രീം​കോ​ട​തി നി​ർ​ദേ​ശി​ച്ച​ത്.