ഓർത്തഡോക്സ് സഭ വൈദികർ നാളെ കീഴടങ്ങിയേക്കും
text_fieldsതിരുവല്ല: വിവാഹിതയായ യുവതിയെ പീഡിപ്പിച്ച കേസിൽ ഒളിവിൽപോയ ഓർത്തഡോക്സ് സഭ വൈദികർ ബുധനാഴ്ച കീഴടങ്ങിയേക്കുമെന്ന് സൂചന. കേസിൽ ഉൾപ്പെട്ട എബ്രഹാം വർഗീസ്, ജോബ് മാത്യു, ജയ്സ് കെ. ജോർജ്, ജോൺസൺ പി. മാത്യു എന്നിവർ ഹൈകോടതിയിൽ നൽകിയ മുൻകൂർ ജാമ്യ ഹരജിയിൽ വിധി പറയുന്നത് ബുധനാഴ്ചത്തേക്ക് മാറ്റിയ സാഹചര്യത്തിലാണിത്.
കോടതി തീരുമാനത്തിന് കാക്കുകയാണ് ഇവർ. വിധി പ്രതികൂലമായാൽ തിരുവല്ല ക്രൈംബ്രാഞ്ച് ഓഫിസിലോ ഒന്നാം ക്ലാസ് ജുഡീഷ്യൽ മജിസ്ട്രേറ്റ് മുമ്പാകെയോ ആവും കീഴടങ്ങൽ. വൈദികരുടെ ജാമ്യ ഹരജി തിങ്കളാഴ്ച ഹൈകോടതി പരിഗണിച്ചിരുന്നു. ഹരജി തള്ളിയാൽ തിങ്കളാഴ്ച ഉച്ചയോടെ കീഴടങ്ങിയേക്കുമെന്ന അഭ്യൂഹം പരന്നിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
