Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവാങ്ങിയത്​​​ ​1400...

വാങ്ങിയത്​​​ ​1400 രൂപയുടെ പവർ ബാങ്ക്; കിട്ടിയത്​ 8000 രൂപയുടെ ഫോൺ, എടുത്തോളൂ​​വെന്ന്​ ആമസോൺ

text_fields
bookmark_border
വാങ്ങിയത്​​​ ​1400 രൂപയുടെ പവർ ബാങ്ക്; കിട്ടിയത്​ 8000 രൂപയുടെ ഫോൺ, എടുത്തോളൂ​​വെന്ന്​ ആമസോൺ
cancel

മലപ്പുറം: ഓൺലൈനിൽ ഫോൺ ഓർഡർ ചെയ്​തവർക്ക്​ കരിങ്കല്ലും ഇഷ്​ടികയുമൊക്കെ പാർസൽ ലഭിച്ച സംഭവങ്ങൾ നിരവധിയുണ്ട്​. എന്നാൽ, 1,400രൂപയുടെ പവർ ബാങ്ക്​ ഓർഡർ ചെയ്​തപ്പോൾ 8,000 രൂപ വിലമതിക്കുന്ന ഫോൺ ലഭിച്ച കാര്യമാണ്​ മലപ്പുറം കോട്ടക്കൽ എടരിക്കോട്​ സ്വദേശി നബീൽ നാഷിദിന്​ പറയാനുള്ളത്​.

അബദ്ധം കെയോടെ തന്നെ ഓൺലൈൻ വിൽപനക്കാരായ ആമസോണിനെ അറിയിച്ചപ്പോൾ സത്യസന്ധതയെ അവർ അഭിനന്ദിച്ചു. ഒപ്പം, ആ ഫോൺ താങ്കൾ തന്നെ ഉപയോഗി​​േച്ചാളൂ എന്ന ട്വീറ്റും മറുപടിയായി നൽകി.


പവർ ബാങ്കിന്​​ പകരം ലഭിച്ച ഫോണുമായി നബീൽ നാഷിദ്​

ആഗസ്​ത്​ 10 നാണ്​ ഷവോമിയുടെ 1,400രൂപ വിലയുള്ള 20,000 എം.എ.എച്ച്​ പവർ ബാങ്കിന്​ നബീൽ ബുക്ക്​ ചെയ്​തത്​. ആഗസ്​ത്​ 15ന്​ പാഴ്​സലായി സാധനം എത്തി. പെട്ടി പൊളിച്ചപ്പോൾ നബീൽ ഞെട്ടി. ഷവോമിയുടെ തന്നെ 8,000 രൂപ വിലമതിക്കുന്ന റെഡ്​ മി എട്ട്​ എ ഡ്യുവൽ എന്ന ഫോണായിരുന്നു അത്​. സ്വാതന്ത്ര്യ ദിനത്തിൽ ലഭിച്ച അപ്രതീക്ഷിത 'സമ്മാന'ത്തി​െൻെറ ഫോ​ട്ടോ എടുത്ത്​ ഉടൻ തന്നെ ട്വിറ്ററിൽ പോസ്​റ്റ്​ ചെയ്​തു. ട്വീറ്റിൽ ആമസോണിനെ ടാഗ്​ ​ചെയ്യുകയും ചെയ്​തു.

തെറ്റ്​ പറ്റിയതിൽ ക്ഷമാപണം നടത്തിയ ആമസോൺ, പാർസൽ തിരിച്ചു നൽകാനുള്ള റി​ട്ടേൺ പോളിസി ലിങ്ക്​ ട്വീറ്റ്​ ചെയ്​തു. ഫോൺ​ താങ്കൾക്ക്​ തന്നെ ഉപയോഗിക്കുകയോ മറ്റാർക്കെങ്കിലും സംഭാവനചെയ്യുകയോ ചെയ്യാമെന്ന ട്വീറ്റും പിന്നാലെ​യെത്തി.

Show Full Article
TAGS:amazone amazone prime edarikod kottakkal malappuram 
Next Story