സംസ്ഥാനത്ത് ബാറുകൾ തുറക്കാൻ ഉത്തരവ്; ക്ലബ്ബുകളിലും മദ്യം വിളമ്പാം

തിരുവനന്തപുരം: ഒമ്പതു​ മാസമായി അടഞ്ഞുകിടക്കുന്ന സംസ്ഥാനത്തെ ബാറുകൾ ചൊവ്വാഴ്​ച​ തുറക്കും. കള്ളുഷാപ്പുകളും ബിയർ, വൈൻ പാർലറുകളും തുറക്കാനും തീരുമാനിച്ചു. ഇത്​ സംബന്ധിച്ച സർക്കാർ ഉത്തരവ്​ തിങ്കളാഴ്​ച രാത്രിയോടെ പുറത്തിറങ്ങി. ബിവറേജസ്​ കോർപറേഷൻ, കൺസ്യൂമർഫെഡ്​ ഒൗട്ട്​ലെറ്റുകൾ രാവിലെ 10​ മണി മുതൽ രാത്രി ഒമ്പതു​ മണി വരെ പ്രവർത്തിക്കാനും അനുമതി നൽകി​. ക്ലബുകളിൽ മദ്യം വിളമ്പാനും വിമാത്താവളങ്ങളിലെ ഒൗട്ട്​ലെറ്റുകൾ വഴി മദ്യ വിൽപനക്കും അനുമതി നൽകിയിട്ടുണ്ട്​.

ബാറുകൾ തുറക്കാനുള്ള എക്​സൈസ്​ വകുപ്പി​െൻറ ഫയൽ ശനിയാഴ്​ച മുഖ്യമന്ത്രി പിണറായി വിജയ​െൻറ പരിഗണനക്കായി കൈമാറിയിരുന്നു. ഫയൽ മുഖ്യമന്ത്രി അംഗീകരിച്ചതിനെ തുടർന്നാണ്​ തിങ്കളാഴ്​ച ചീഫ് ​സെക്രട്ടറി ഡോ. വിശ്വാസ്​ മേത്ത ഉത്തരവ്​ പുറപ്പെടുവിച്ചത്​. ക്രിസ്​മസ്​, പുതുവത്സര ആഘോഷങ്ങൾക്ക്​ മുമ്പായി സംസ്​ഥാനത്തെ ബാറുകൾ തുറക്കണമെന്ന ആവശ്യവുമായി ബാറുടമകൾ നേരത്തേ എക്​സൈസ്​ വകുപ്പിനെ സമീപിച്ചിരുന്നു.

മാർച്ചിൽ ലോക്​ഡൗൺ പ്രഖ്യാപിച്ച സാഹചര്യത്തിലാണ്​ സംസ്​ഥാനത്തെ ബാറുകളും അടച്ചത്​. പിന്നീട്​, ബാറുകൾ, ഒൗട്ട്​ലെറ്റുകൾ വഴി പാർസൽ വിതരണം മാത്രമാണ്​ ഉണ്ടായിരുന്നത്​. ബെവ്​ക്യൂ ആപ്​ വഴിയുള്ള മദ്യവിതരണം ഏറെ ആരോപണങ്ങൾക്കും കാരണമായിരുന്നു. ബാറുകൾക്ക്​ ലാഭമുണ്ടാക്കുന്ന നിലയിലാണ്​ ബെവ്​ക്യൂ ആപ്​ തയാറാക്കിയതെന്നായിരുന്നു ആക്ഷേപം. ലോക്​ഡൗൺ ഇളവുകൾ പ്രഖ്യാപിച്ച സാഹചര്യത്തിൽ ബാറുകൾ തുറക്കാൻ അനുമതി നൽകിയിരുന്നെങ്കിലും കേരളത്തിൽ ബാറുകൾ തുറന്നിരുന്നില്ല. പിന്നീട്​, കോവിഡ്​ വ്യാപനം രൂക്ഷമായ സാഹചര്യത്തിൽ മുമ്പ്​ ബാറുകൾ തുറക്കാനുള്ള നീക്കം നടന്നെങ്കിലും മുഖ്യമന്ത്രി തടഞ്ഞു.

കോവിഡ്​ മാനദണ്ഡങ്ങൾ പാലിച്ചാകും ഇന്നുമുതൽ ബാറുകൾ തുറക്കുക. ബെവ്​ക്യൂ ആപ്​ വഴിയുള്ള പാർ​​സൽ മദ്യവിതരണം ഇതോടെ നിർത്തും.