ആന ചവിട്ടിക്കൊന്ന സംഭവം: മേപ്പാടി പഞ്ചായത്തിലെ റിസോർട്ടുകൾ അടച്ചുപൂട്ടാൻ നിർ​ദേശം

മേപ്പാടി: എളമ്പിലേരിയിലെ റിസോർട്ടിലെ ടെൻറിൽ താമസിക്കാനെത്തിയ കോളജ്​ അധ്യാപിക കണ്ണൂർ സ്വദേശിനി ഷഹാനയെ കാട്ടാന ചവിട്ടിക്കൊന്ന പശ്ചാത്തലത്തിൽ മേപ്പാടി ഗ്രാമപഞ്ചായത്ത്​ പരിധിയിലെ മുഴുവൻ റിസോർട്ടുകളും താൽക്കാലികമായി അടച്ചുപൂട്ടാൻ ഗ്രാമപഞ്ചായത്ത്​ ഭരണസമിതി തീരുമാനം.

15 ദിവസത്തിനകം റിസോർട്ടുകളുടെ അനുമതി രേഖകൾ പരിശോധിക്കാനും തീരുമാനിച്ചു. പല റിസോർട്ടുകൾക്കും ലൈസൻസോ മറ്റു രേഖകളോ ഇല്ലെന്നാണ്​ അധികൃതർ പറയുന്നത്​. 100ലേറെ റിസോർട്ടുകൾ പഞ്ചായത്തിൽ മാത്രം അനധികൃതമായി വർഷങ്ങളായി പ്രവർത്തിക്കുന്നുണ്ട്​.