പു​ന​രു​പ​യോ​ഗ ഊ​ർ​ജ ച​ട്ട ഭേ​ദ​ഗ​തിയിൽ എതിർപ്പ്; ഇ​ന്ന്​ സോ​ളാ​ർ ബന്ദ്

തി​രു​വ​ന​ന്ത​പു​രം: സം​സ്ഥാ​ന​ത്തെ സോ​ളാ​ർ വൈ​ദ്യു​തോ​ൽ​പാ​ദ​ന​വു​മാ​യി ബ​ന്ധ​പ്പെ​ട്ട വ​ലി​യ മാ​റ്റ​ങ്ങ​ൾ നി​ർ​ദേ​ശി​ക്കു​ന്ന പു​ന​രു​പ​യോ​ഗ ഊ​ർ​ജ ച​ട്ട ഭേ​ദ​ഗ​തി​യു​ടെ ക​ര​ടു​മാ​യി ബ​ന്ധ​പ്പെ​ട്ട്​ വാ​ദ​പ്ര​തി​വാ​ദം പു​തി​യ ത​ല​ത്തി​ലേ​ക്ക്. ​ച​ട്ട ഭേ​ദ​ഗ​തി​ക്കെ​തി​രെ രം​ഗ​ത്തു​ള്ള സോ​ള​ർ ഉ​ൽ​പാ​ദ​ക​രു​ടെ കൂ​ട്ടാ​യ്മ​ക​ൾ പ്ര​തി​ഷേ​ധ​ത്തി​നി​റ​ങ്ങാ​നു​ള്ള തീ​രു​മാ​ന​ത്തി​ലാ​ണ്. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്നെ​ത്തു​ന്ന സൗ​രോ​ർ​ജ ഉ​ൽ​പാ​ദ​ക​ർ ബു​ധ​നാ​ഴ്ച റെ​ഗു​ലേ​റ്റ​റി ക​മീ​ഷ​ൻ ആ​സ്ഥാ​ന​ത്തേ​ക്ക്​ മാ​ർ​ച്ചും ഓ​ഫി​സി​ന്​​ മു​ന്നി​ൽ ധ​ർ​ണ​യും ന​ട​ത്തും. നാ​ടി​നെ ഇ​രു​ട്ടി​ലാ​ക്കു​ന്ന​താ​ണ്​ ക​മീ​ഷ​ന്‍റെ ക​ര​ട്​ ന​യ​മെ​ന്ന മു​ദ്രാ​വാ​ക്യ​മു​ന്ന​യി​ച്ചാ​ണ്​ പ്ര​തി​ഷേ​ധം.

അ​തേ​സ​മ​യം ക​ര​ട്​ ന​യ​ത്തെ അ​നു​കൂ​ലി​ച്ചു​ള്ള വി​ഡി​യോ മ​ന്ത്രി കെ. ​കൃ​ഷ്ണ​ൻ​കു​ട്ടി ​ഫേ​സ്​​ബു​ക്ക്​ പേ​ജി​ൽ പ​ങ്കു​വെ​ച്ചു. എ​ന്നാ​ൽ, മ​ന്ത്രി​യു​ടെ പേ​ജി​ൽ ക​ര​ടി​നെ​തി​രെ രൂ​ക്ഷ വി​മ​ർ​ശ​ന​മാ​ണ്​ പു​ര​പ്പു​റ സോ​ള​ർ പ്ലാ​ന്‍റു​ക​ൾ സ്ഥാ​പി​ച്ച​വ​രും ഈ ​രം​ഗ​ത്ത്​ പ്ര​വ​ർ​ത്തി​ക്കു​ന്ന ക​മ്പ​നി​ക​ളു​ടെ പ്ര​തി​നി​ധി​ക​ളും ഉ​ന്ന​യി​ക്കു​ന്ന​ത്.

മൂ​ന്നു കി​ലോ​വാ​ട്ടി​ന് താ​ഴെ​യാ​യി നെ​റ്റ് മീ​റ്റ​റി​ങ് പ​രി​മി​ത​പ്പെ​ടു​ത്തു​ക, അ​ഞ്ചു​കി​ലോ വാ​ട്ടി​നു മു​ക​ളി​ല്‍ 30 ശ​ത​മാ​നം ബാ​റ്റ​റി സ്റ്റോ​റേ​ജ് നി​ര്‍ബ​ന്ധ​മാ​ക്കു​ക, ഓ​രോ യൂ​നി​റ്റി​നും ഒ​രു രൂ​പ അ​ധി​ക​മാ​യി ഗ്രി​ഡ് സ​പ്പോ​ര്‍ട്ട് ചാ​ര്‍ജ് ഈ​ടാ​ക്കു​ക തു​ട​ങ്ങി അ​പ്രാ​യോ​ഗി​ക​മാ​യ നി​ര​വ​ധി നി​​ർ​ദേ​ശ​ങ്ങ​ള്‍ ക​ര​ടി​ലു​ണ്ടെ​ന്നാ​ണ്​ ഉ​ൽ​പാ​ദ​ക​രു​ടെ വി​മ​ർ​ശ​നം. അ​തേ​സ​മ​യം ആ​ശ​ങ്ക​ക​ൾ​ക്ക്​ അ​ടി​സ്ഥാ​ന​മി​​ല്ലെ​ന്നും അ​നി​വാ​ര്യ​മാ​യ പ​രി​ഷ്​​കാ​ര​ങ്ങ​ൾ മാ​ത്ര​മാ​ണ്​ ക​ര​ട്​ റെ​ഗു​ലേ​ഷ​നി​ൽ ഉ​ൾ​പ്പെ​ടു​ത്തി​യ​തു​മെ​ന്ന വാ​ദം ആ​വ​ർ​ത്തി​ക്കു​ക​യാ​ണ്​ ക​മീ​ഷ​ൻ.

അതിനിടെ, ക​ര​ട് ച​ട്ട​ഭേ​ദ​ഗ​തി​യി​ലെ നി​ര്‍ദേ​ശ​ങ്ങ​ള്‍ അ​പ്രാ​യോ​ഗി​ക​വും കേ​ര​ള​ത്തി​ന്റെ വൈ​ദ്യു​തി മേ​ഖ​ല​യെ പ്ര​തി​കൂ​ല​മാ​യി ബാ​ധി​ക്കു​ന്ന​തു​മാ​ണെ​ന്ന് സൗ​രോ​ര്‍ജ മേ​ഖ​ല​യി​ല്‍ നി​ക്ഷേ​പം ന​ട​ത്തി​യ സം​രം​ഭ​ക​രു​ടെ സം​ഘ​ട​ന​യാ​യ മാ​സ്‌​റ്റേ​ഴ്‌​സ് അ​സോ​സി​യേ​ഷ​ന്‍ കു​റ്റ​പ്പെ​ടു​ത്തി.

നി​ര്‍ദേ​ശ​ങ്ങ​ളി​ല്‍ പ്ര​തി​ഷേ​ധി​ച്ച് അ​സോ​സി​യേ​ഷ​ൻ വ്യാ​ഴാ​ഴ്ച സോ​ളാ​ര്‍ ബ​ന്ദ് ആ​ച​രി​ക്കും. സോ​ളാ​ര്‍ പ്ലാ​ന്റു​ക​ളു​ടെ നി​ര്‍മാ​ണം, വി​പ​ണ​നം, ഇ​ന്‍സ്റ്റ​​ലേ​ഷ​ന്‍, സ​ര്‍വീ​സ് മേ​ഖ​ല​ക​ളി​ല്‍ കേ​ര​ള​ത്തി​ല്‍ പ്ര​വ​ര്‍ത്തി​ക്കു​ന്ന മു​ഴു​വ​ന്‍ സ്ഥാ​പ​ന​ങ്ങ​ളും ബ​ന്ദി​ന്റെ ഭാ​ഗ​മാ​യി അ​ട​ച്ചി​ടും. വെ​ള്ള​യ​മ്പ​ല​ത്തെ ഇ​ല​ക്ട്രി​സി​റ്റി റെ​ഗു​ലേ​റ്റ​റി ക​മീ​ഷ​ന്‍ ഓ​ഫി​സി​ലേ​ക്ക് മാ​ര്‍ച്ചും ധ​ർ​ണ​യും സം​ഘ​ടി​പ്പി​ക്കു​മെ​ന്നും ഭാ​ര​വാ​ഹി​ക​ള്‍ അ​റി​യി​ച്ചു.