ഞങ്ങളാരും ഒാടു പൊളിച്ച്​ വന്നതല്ല; മുഖ്യമന്ത്രിയോട്​ രമേശ്​ ചെന്നിത്തല 

തിരുവനന്തപുരം: സംസ്​ഥാനത്ത്​ നടക്കുന്ന നിഷ്​ഠൂരമായ സംഭവങ്ങൾ സഭയിൽ ഉന്നയിക്കാൻ അനുവദിക്കില്ലെങ്കിൽ എന്തിനാണ്​ സഭയിൽ വരുന്നതെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. വരാപ്പുഴയി​െല കസ്​റ്റഡി മരണത്തിൽ അന്വേഷണം സ്​തംഭിച്ചിരിക്കുന്നത്​ ചർച്ച ചെയ്യാൻ പ്രതിപക്ഷം നൽകിയ അടിയന്തര പ്രമേയ നോട്ടീസിന്​ സഭയിൽ അവതരണാനുമതി ലഭിച്ചില്ല. ​കേസ്​ കോടതിയുടെ പരിഗണനയിലിരിക്കുന്നതാണെന്ന്​ പറഞ്ഞാണ്​ അനുമതി നിഷേധിച്ചത്​.  

 കോടതി പരിഗണനയിലുള്ള എത്രയോ വിഷയങ്ങൾ സഭയിൽ വന്ന കീഴ്​വഴക്കങ്ങൾ ഉണ്ടായിട്ടുണ്ട്​. ബാർ കോഴ, സോളാർ വിഷയങ്ങൾ തുടങ്ങി പലതും ഇങ്ങനെ കോടതി പരിഗണനയിലിരിക്കു​​േമ്പാഴാണ്​ ചർച്ചയിൽ വന്നത്​. ഇൗ സർക്കാർ വന്നപ്പോഴും സെൻകുമാറി​​​െൻറ വിഷയവും, സ്വാശ്രയ വിഷയവും തുടങ്ങി പലതും കോടതി പരിഗണനയിലിരി​െക്കയാണ്​ ചർച്ച ​െചയ്​തത്​. ഇൗ കേസിന്​ മാത്രം എന്താണ്​ പ്രശ്​നമെന്നും ചെന്നത്തില ചോദിച്ചു. 

ഇക്കാര്യത്തിൽ സർക്കാറിന്​ എന്താണ്​ മറച്ചുവെക്കാനുള്ളത്​. വിഷയം ചർച്ചക്കെടുക്കുന്നതിൽ എന്തിനാണ്​ സർക്കാറിന്​ ഇത്ര അസ്വസ്​ഥത. കേസിൽ പ്രതിയായ എസ്​.പി​െയ സംരക്ഷിക്കുന്ന തരത്തിലാണ്​ മുഖ്യമന്ത്രി ചോദ്യത്തിന്​ മറുപടി നൽകിയത്​. എസ്​.പി​െക്കതിരെ കേസെടുത്താൽ അടുത്ത കേസ്​ സി.പി.എം നേതൃത്വത്തിനെതിരെയാണ്​. ഇൗ കേസ്​ സഭയിൽ ചർച്ച ചെയ്​താൽ സർക്കാറി​​​െൻറ വിളറിയ മുഖം വെളിവാകും എന്ന്​ പേടിയുള്ളത്​ കൊണ്ടാണ്​ ചർച്ച അനുവദിക്കാതിരുന്നത് എന്നും ചെന്നിത്തല ആരോപിച്ചു. 

ഞങ്ങളാരും ഒാടു ​െപാളിച്ച്​ വന്നതല്ല, ജനങ്ങൾ തെരഞ്ഞെടുത്ത്​ വന്നത്​ തന്നെയാണ്​. ഒരു തെരഞ്ഞെടുപ്പിൽ ജയിച്ചതു​െകാണ്ട്​ ഭരണപക്ഷം അഹങ്കരിക്കുകയാണ്​. സഭയിൽ പ്രതിപക്ഷത്തി​​​െൻറ അവകാശങ്ങളെ അടിച്ചമർത്താമെന്ന്​ മുഖ്യമന്ത്രി ധരിക്കേണ്ട.  പ്രതിപക്ഷത്തേയും മാധ്യമങ്ങളെയും അടിച്ചോടിച്ച്​ ഇരുമ്പ്​ മറക്കുള്ളിൽ ഒളിച്ചിരിക്കാമെന്ന്​ മുഖ്യമന്ത്രി കരുതേണ്ടെന്നും ചെന്നിത്തല പറഞ്ഞു.