ഓപ്പറേഷൻ തൂഫാന്റെ പേരില്‍ കൊച്ചിയില്‍ ഒരു യോഗവും വിളിച്ചിട്ടില്ല, ചുമതല പൊലീസിനെന്ന് ആഭ്യന്തരമന്ത്രി

തിരുവനന്തപുരം: ഓപ്പറേഷൻ തൂഫാന്റെ പേരില്‍ കൊച്ചിയില്‍ ഒരു യോഗവും വിളിച്ചിട്ടില്ലെന്നും തൂഫാന്റെ ചുമതല പൊലീസിനാണെന്നും ആഭ്യന്തരമന്ത്രി രമേശ് ചെന്നിത്തല. ഓപ്പറേഷന്‍ തൂഫാനുമായി ബന്ധപ്പെട്ട് കെ. സുധാകരൻ വിളിച്ച യോഗത്തെ കുറിച്ചുള്ള ചോദ്യങ്ങളോട് പ്രതികരിക്കുകയായിരുന്നു അദ്ദേഹം. ഓപ്പറേഷൻ തൂഫാനുമായി ബന്ധപ്പെട്ട് കെ. സുധാകരൻ വിളിച്ച യോഗത്തെ തള്ളി ആഭ്യന്തരമന്ത്രി. പദ്ധതിയുമായി ബന്ധപ്പെട്ട് യോഗം വിളിക്കാനുള്ള ചുമതല പൊലീസിനാണെന്നും മന്ത്രി പറഞ്ഞു.

ഓപ്പറേഷന്‍ തൂഫാന്റെ പേരില്‍ കൊച്ചിയില്‍ കെ. സുധാകരന്‍ വിളിച്ച യോഗം ഗുണ്ടാ സംഘങ്ങളുടെ ഒത്തുചേരലായിരുന്നുവെന്ന വിമര്‍ശനത്തിനും വിവാദത്തിനും പിന്നാലെയാണ് രമേശ് ചെന്നിത്തല പ്രതികരണം നടത്തിയത്. കൊച്ചിയില്‍ അത്തരത്തില്‍ ഒരു യോഗവും വിളിച്ചിട്ടില്ല, അതിൽ ആരെല്ലാം പങ്കെടുത്തുവെന്ന് അറിയില്ലെന്നും പറഞ്ഞ ആഭ്യന്തരമന്ത്രി, പൊലീസിനല്ലാതെ മറ്റാര്‍ക്കും അത്തരം ചുമതല നല്‍കിയിട്ടില്ലെന്നും വ്യക്തമാക്കി. കൊച്ചിയില്‍ തൂഫാന്റെ പേരില്‍ ഒരു യോഗവും വിളിച്ചിട്ടില്ല. ചില മാധ്യമ വാര്‍ത്തകളില്‍ പറയുന്ന യോഗത്തെക്കുറിച്ച് ഞാൻ അറിഞ്ഞിട്ടില്ല. തൂഫാൻ യോഗങ്ങള്‍ പൊലീസ് ഉദ്യോഗസ്ഥരാണ് വിളിച്ചുചേര്‍ക്കുന്നത്. സര്‍ക്കാരിന്റെ ലഹരി വിരുദ്ധ പ്രവര്‍ത്തനമായ ഓപ്പറേഷന്‍ തൂഫാനെ തകര്‍ക്കാൻ ആരു വിചാരിച്ചാലും സാധിക്കില്ലെന്നും മന്ത്രി മാധ്യമങ്ങളോട് വ്യക്തമാക്കി.

അതിനിടെ, ലഹരിക്കെതിരെ പോരാടാൻ കെ. സുധാകരൻ വിളിച്ച യോഗത്തിൽ പങ്കെടുത്ത കൊച്ചങ്ങാടി സ്വദേശി ഷിബു എന്ന മുഹമ്മദ് റിസയെ വധശ്രമത്തിന് പൊലീസ് അറസ്റ്റ് ചെയ്തു. മട്ടാഞ്ചേരിയിലെ ബാറില്‍ മദ്യപിക്കുന്നതിനിടെ വയോധികനുമായുള്ള തര്‍ക്കം മര്‍ദനത്തിലേക്ക് എത്തുകയായിരുന്നു. ഷിബുവിനൊപ്പം സംഭവത്തിലേര്‍പ്പെട്ട ഇയാളുടെ സുഹൃത്തുക്കളും പിടിയിലായി. കെ. സുധാകരൻ വിളിച്ച യോഗത്തിൽ പങ്കെടുത്ത് ശ്രദ്ധ നേടിയതിന് പിന്നാലെയാണ് മട്ടാഞ്ചേരിയിലെ സംഭവം.

ഓപറേഷൻ തണ്ടർ: 341 കേസുകൾ, 48 പേർ അറസ്റ്റിൽ

തി​രു​വ​ന​ന്ത​പു​രം: ല​ഹ​രി വ​സ്തു​ക്ക​ൾ ക​ണ്ടെ​ത്തു​ന്ന​തി​ന് സം​സ്ഥാ​ന എ​ക്സൈ​സ് വ​കു​പ്പി​ന്‍റെ ‘ഓ​പ​റേ​ഷ​ൻ ത​ണ്ട​ർ’ വ​ഴി ഒ​റ്റ ദി​വ​സം ര​ജി​സ്റ്റ​ർ ചെ​യ്ത​ത്​ 341 കേ​സു​ക​ൾ, 48 പേ​ർ പി​ടി​യി​ലാ​യി. 428 കേ​ന്ദ്ര​ങ്ങ​ളി​ലാ​യി 3,297 വാ​ഹ​ന​ങ്ങ​ളും പ​രി​ശോ​ധ​ന​ക്ക് വി​ധേ​യ​മാ​ക്കി. ര​ജി​സ്റ്റ​ർ​ചെ​യ്ത 37 കേ​സു​ക​ൾ അ​ബ്കാ​രി നി​യ​മ​പ്ര​കാ​ര​വും 20 കേ​സു​ക​ൾ മ​യ​ക്കു​മ​രു​ന്ന്​ നി​രോ​ധ​ന നി​യ​മ​പ്ര​കാ​ര​വും 284 കേ​സു​ക​ൾ പു​ക​യി​ല ഉ​ൽ​പ​ന്ന​ങ്ങ​ൾ വി​റ്റ​തി​ന്​ കോ​ട്പ പ്ര​കാ​ര​വു​മാ​ണ്. നാ​ല് അ​ബ്കാ​രി മേ​ജ​ർ കേ​സു​ക​ളും ര​ജി​സ്റ്റ​ർ ചെ​യ്തു. 32 പേ​രെ അ​ബ്കാ​രി കേ​സു​ക​ളി​ലും 16 പേ​രെ മ​യ​ക്കു​മ​രു​ന്ന്​ നി​രോ​ധ​ന നി​യ​മ കേ​സു​ക​ളി​ലു​മാ​ണ് അ​റ​സ്റ്റ് ചെ​യ്ത​ത്.

കോ​ട്പ പ്ര​കാ​രം 56,800 രൂ​പ പി​ഴ ഈ​ടാ​ക്കി. 160 ഗ്രാം ​ക​ഞ്ചാ​വ്, 204 മി​ല്ലി​ഗ്രാം ഹെ​റോ​യി​ൻ, 116 മി​ല്ലി​ഗ്രാം എം.​ഡി.​എം.​എ, 84.1 ലി​റ്റ​ർ ഐ.​എം.​എ​ഫ്.​എ​ൽ, 435 ലി​റ്റ​ർ വാ​ഷ്, മ​റ്റ് സം​സ്ഥാ​ന​ങ്ങ​ളി​ൽ നി​ന്ന് കൊ​ണ്ടു​വ​ന്ന 7.92 ലി​റ്റ​ർ മ​ദ്യം, 24.316 കി​ലോ പു​ക​യി​ല ഉ​ൽ​പ​ന്ന​ങ്ങ​ൾ എ​ന്നി​വ പി​ടി​ച്ചെ​ടു​ത്തു. എ​ൻ.​ഡി.​പി.​എ​സ് കേ​സി​ൽ ഒ​രു വാ​ഹ​ന​വും പി​ടി​ച്ചെ​ടു​ത്തി​ട്ടു​ണ്ട്. പൊ​ലീ​സി​ന്‍റെ നേ​തൃ​ത്വ​ത്തി​ൽ ന​ട​ക്കു​ന്ന ഓ​പ​റേ​ഷ​ൻ തൂ​ഫാ​ന്​ പു​റ​മെ​യാ​ണ്​ എ​ക്​​സൈ​സ്​ വ​കു​പ്പി​ന്‍റെ നേ​തൃ​ത്വ​ത്തി​ൽ ‘ഓ​പ​റേ​ഷ​ൻ ത​ണ്ട​ർ’ ന​ട​ന്നു​വ​രു​ന്ന​ത്.