‘ഓപറേഷന് റേഞ്ചര്’ സക്സസ്; 198 പിടികിട്ടാപ്പുള്ളികൾ അറസ്റ്റിൽ
text_fieldsതൃശൂര്: കുറ്റവാളികളെ കുടുക്കുന്നതിനും ക്രിമിനല് സ്വഭാവമുള്ളവരെ നിയന്ത്രിക്കു ന്നതിനും പൊലീസ് ആരംഭിച്ച ‘ഓപറേഷന് റേഞ്ചര്’ വിജയകരം. ഈ മാസം ഒന്നിനാരംഭിച്ച പദ്ധ തിയുടെ ഭാഗമായി നിരവധി പേരാണ് കുടുങ്ങിയതെന്ന് ഡി.ഐ.ജി സുരേന്ദ്രന് വാർത്തസമ്മേളന ത്തില് അറിയിച്ചു.
വര്ഷങ്ങളായി പിടികിട്ടാപ്പുള്ളികളുടെ പട്ടികയില് ഉള്പ്പെട്ട 198 പേരെയും വാറൻറ് കേസുകളിലെ 948 പേരെയും അറസ്റ്റ് ചെയ്തു. 165 കുറ്റവാളികളുടെ പേരില് മു ന്കരുതല് നടപടിയും 38 ആളുകളുടെ പേരില് ഗുണ്ടാ നിയമ നടപടികളും സ്വീകരിച്ചു. മലപ്പുറം, പാലക്കാട്, തൃശൂര് ജില്ലകളുൾപ്പെട്ട തൃശൂർ റേഞ്ചിലെ പിടികിട്ടാപ്പുള്ളികളുടെ പട്ടികയില് ഉള്പ്പെട്ടിരുന്നവരെയും വാറൻറ് കേസ് പ്രതികളെയുമാണ് അറസ്റ്റ് ചെയ്തത്.
പദ്ധതി ഇങ്ങനെ:
•സ്റ്റേഷന് പരിധിയിലെ എല്ലാ കുറ്റവാളികളെയും തിരിച്ചറിയാൻ നടപടി.
•ഓരോ കുറ്റവാളിയുടെയും പേരില് പ്രത്യേക ഫയല്.
•ജില്ലയിലെ കുറ്റവാളികളുടെ- പ്രത്യേകിച്ച് കഞ്ചാവ്, മയക്കുമരുന്ന്, മദ്യക്കടത്ത്, മണ്ണ്, മണല് കടത്ത്, കൊള്ളപ്പലിശക്കാര്- നീക്കം നിരീക്ഷിക്കുന്നതിന് ജില്ല പൊലീസ് മേധാവിമാരുടെ മേല്നോട്ടത്തില് സംവിധാനം.
•അന്വേഷണത്തിലിരിക്കുന്ന കേസുകളിലെ പ്രതികളെ പിടികൂടാന് പ്രത്യേക പൊലീസ് സംഘം.
•പിടികിട്ടാപ്പുള്ളികളുടെയും അറസ്റ്റ് വാറൻറുള്ളവരുടെയും പട്ടിക തയാറാക്കി.
•കുറ്റവാളി ജാമ്യത്തിലിറങ്ങിയാല് നിരീക്ഷിക്കാന് സംഘം.
•അവസാന പത്തുവര്ഷത്തിനുള്ളില് മയക്കുമരുന്ന്, മണ്ണ്, മണല്കടത്ത്, മദ്യക്കടത്ത്, അസാന്മാര്ഗിക കേസുകള് എന്നിവയിലുള്ള കുറ്റവാളികളുടെ പട്ടിക തയാറാക്കി.
•അന്യസംസ്ഥാന തൊഴിലാളികളുടെ ഡാറ്റാബാങ്ക് തയാറാക്കല്.
•വര്ഗീയ കേസുകളില്പെട്ടവരുടെയും തീവ്രവാദ പ്രവര്ത്തനങ്ങളിൽ പങ്കാളികളായവരുടെയും പട്ടിക തയാറാക്കല്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.