Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവിവാദങ്ങളിൽ...

വിവാദങ്ങളിൽ കുലുങ്ങാതെ...

text_fields
bookmark_border
വിവാദങ്ങളിൽ കുലുങ്ങാതെ...
cancel

വി​വാ​ദ​ങ്ങ​ളി​ല്‍ അ​ച​ഞ്ച​ല​നാ​യി ഭ​ര​ണ​ക​ര്‍ത്താ​വെ​ന്ന നി​ല​യി​ല്‍ നി​ര​വ​ധി പ​രീ​ക്ഷ​ണ​ങ്ങ​ളി​ലൂ​ടെ ക​ട​ന്നു ​പോ​കേ​ണ്ട അ​വ​സ്ഥ ഉ​മ്മ​ന്‍ ചാ​ണ്ടി​ക്കു​ണ്ടാ​യി. 2011 മു​ത​ല്‍ 2016 വ​രെ​യു​ള്ള ര​ണ്ടാം ഉ​മ്മ​ന്‍ ചാ​ണ്ടി മ​ന്ത്രി​സ​ഭ തു​ട​ക്കം മു​ത​ല്‍ ഒ​ടു​ക്കം വ​രെ വി​വാ​ദ​ങ്ങ​ളു​ടെ ഈ​റ്റി​ല്ല​മാ​യി​രു​ന്നു. ഉ​മ്മ​ന്‍ ചാ​ണ്ടി അ​ധി​കാ​ര​ത്തി​ലേ​റി​യ​തു​ത​ന്നെ വെ​റും 72 അം​ഗ​ങ്ങ​ളു​ടെ ബ​ല​ത്തി​ലാ​ണ്.

എ​പ്പോ​ള്‍ വേ​ണ​മെ​ങ്കി​ലും ആ ​വ​ഞ്ചി മ​റി​യാ​മെ​ന്ന ആ​ശ​ങ്ക​യി​ലാ​യി​രു​ന്നു ​മ​ന്ത്രി​സ​ഭ​യു​ടെ സ​ഞ്ചാ​രം. എ​ന്നാ​ല്‍, അ​ഞ്ചു​വ​ര്‍ഷം തി​ക​ച്ചു എ​ന്ന​തു​മാ​ത്ര​മ​ല്ല ഒ​രു ഘ​ട്ടം ക​ഴി​ഞ്ഞ​പ്പോ​ള്‍ 72ല്‍ ​നി​ന്ന് 74ലേ​ക്ക് ഭൂ​രി​പ​ക്ഷം ഉ​യ​ര്‍ത്താ​നും ഉ​മ്മ​ന്‍ ചാ​ണ്ടി​യു​ടെ ത​ന്ത്ര​ങ്ങ​ള്‍ക്ക് ക​ഴി​ഞ്ഞു.

മു​സ്​​ലിം ലീ​ഗി​ന് അ​ഞ്ചാം മ​ന്ത്രി​സ്ഥാ​ന​മെ​ന്ന ച​ര്‍ച്ച​യി​ല്‍ കു​ടു​ങ്ങി മ​ന്ത്രി​സ​ഭ ന​ട്ടം​തി​രി​ഞ്ഞ​തും അ​തേ കാ​ല​ത്ത് ത​ന്നെ. അ​തി​നെ അ​തി​വി​ദ​ഗ്ധ​മാ​യി പ​രി​ഹ​രി​ക്കാ​ന്‍ ഉ​മ്മ​ന്‍ ചാ​ണ്ടി​ക്ക് ക​ഴി​ഞ്ഞു. എ​ൻ.​എ​സ്എ​സ് ഇ​ട​ച്ചി​ലും മ​റ്റൊ​രു പ്ര​തി​സ​ന്ധി​യാ​യി​രു​ന്നു.

തി​രു​വ​ഞ്ചൂ​ര്‍ രാ​ധാ​കൃ​ഷ്ണ​നെ ആ​ഭ്യ​ന്ത​ര മ​ന്ത്രി​യാ​ക്കി എ​ന്‍.​എ​സ്.​എ​സി​നെ അ​നു​ന​യി​പ്പി​ച്ച് ആ ​പ്ര​ശ്ന​ത്തിെൻറ മു​ന​യൊ​ടി​ച്ചു. മു​ന്ന​ണി രാ​ഷ്​​ട്രീ​യ​ത്തി​ലെ എ​ല്ലാം തി​ക​ഞ്ഞ ഒ​രു ക​ള​രി​യ​ഭ്യാ​സി​യെ​യാ​ണ് പി​ന്നീ​ട​ങ്ങോ​ട്ട് കേ​ര​ളം ക​ണ്ട​ത്. വ​ലി​യ വി​വാ​ദ​ങ്ങ​ളു​യ​ര്‍ത്തി​യ സോ​ളാ​ര്‍ കോ​ഴ​ക്കേ​സി​ലും പി​ന്നാ​ലെ വ​ന്ന ബാ​ര്‍ കോ​ഴ കേ​സി​ലു​മൊ​ക്കെ ഈ ​മെ​യ് വ​ഴ​ക്കം മ​ന്ത്രി​സ​ഭ​യെ പി​ടി​ച്ചു​നി​ര്‍ത്തി.

ബാ​റു​ക​ള്‍ക്ക് ലൈ​സ​ന്‍സ് അ​നു​വ​ദി​ക്കു​ന്ന കാ​ര്യ​ത്തെ ചൊ​ല്ലി ഭ​ര​ണ​പ​ക്ഷ​ത്തി​ലെ പ്ര​തി​പ​ക്ഷ​മാ​യി മാ​റി അ​ന്ന​ത്തെ കെ.​പി.​സി.​സി പ്ര​സി​ഡ​ൻ​റ് വി.​എം. സു​ധീ​ര​നു​മാ​യി നേ​രി​ട്ട് ഏ​റ്റു​മു​ട്ട​ലു​ക​ളു​ണ്ടാ​യി. എ​ന്നാ​ല്‍, അ​വ​സാ​ന​നി​മി​ഷം 418 ബാ​റു​ക​ള്‍ പൂ​ട്ടാ​ന്‍ പ​റ​ഞ്ഞ പാ​ര്‍ട്ടി നേ​തൃ​ത്വ​ത്തെ​പ്പോ​ലും ഞെ​ട്ടി​ച്ച് മു​ഴു​വ​ന്‍ ബാ​റു​ക​ളും അ​ട​ച്ചു​പൂ​ട്ടാ​ന്‍ ഉ​മ്മ​ന്‍ ചാ​ണ്ടി ഉ​ത്ത​ര​വി​ട്ടു.

അ​ദ്ദേ​ഹം അ​ധി​കാ​ര​ത്തി​ല്‍ ഉ​ണ്ടാ​യി​രു​ന്ന​പ്പോ​ള്‍ തു​ട​ങ്ങി​യ വി​വി​ധ വി​വാ​ദ​ങ്ങ​ള്‍ ഇ​പ്പോ​ഴും അ​വ​സാ​നി​ച്ചി​ട്ടി​ല്ല. പു​തു​പ്പ​ള്ളി ക​രോ​ട്ട് വ​ള്ള​ക്കാ​ലി​ല്‍ ത​റ​വാ​ട്ടി​ല്‍ കെ.​ഒ. ചാ​ണ്ടി​യു​ടെ​യും ബേ​ബി ചാ​ണ്ടി​യു​ടെ​യും മ​ക​നാ​യി 1943 ഒ​ക്ടോ​ബ​ര്‍ 31നാ​ണ് ഉ​മ്മ​ന്‍ ചാ​ണ്ടി​യു​ടെ ജ​ന​നം.

സ്കൂ​ള്‍ വി​ദ്യാ​ഭ്യാ​സ കാ​ല​ത്ത് കെ.​എ​സ്.​യു​വി​ലൂ​ടെ രാ​ഷ്്ട്രീ​യ​ത്തി​ലേ​ക്ക്. പു​തു​പ്പ​ള്ളി സെൻറ് ജോ​ര്‍ജ് ഹൈ​സ്‌​കൂ​ള്‍, കോ​ട്ട​യം സി.​എം.​എ​സ് കോ​ള​ജ്, ച​ങ്ങ​നാ​ശ്ശേ​രി എ​സ്.​ബി കോ​ള​ജ് എ​ന്നി​വി​ട​ങ്ങ​ളി​ല്‍ വി​ദ്യാ​ഭ്യാ​സം. തു​ട​ര്‍ന്ന് എ​റ​ണാ​കു​ളം ലോ ​കോ​ള​ജി​ല്‍നി​ന്ന് ബി​രു​ദം സ്വ​ന്ത​മാ​ക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Oommen ChandyPolitical CareerOommen Chandy at 50
News Summary - Oommen Chandy at 50 Years of Political Career
Next Story