അശരണരിലേക്ക്​ പടർന്നുകയറിയ ജനസമ്പർക്ക വഴികൾ

തി​രു​വ​ന​ന്ത​പു​രം: ജ​ന​ക്കൂ​ട്ട​ത്തെ ജീ​വ​ശ്വാ​സ​മാ​യി കൊ​ണ്ടു​ന​ട​ന്ന നേ​താ​വി​ന്‍റെ അ​ധി​കാ​ര​കാ​ല​വും അ​വ​ർ​ക്കൊ​പ്പം ചെ​ല​വ​ഴി​ച്ച​തി​ന്‍റെ ച​രി​​ത്ര​സാ​ക്ഷ്യ​മാ​യി​രു​ന്നു ഉ​മ്മ​ൻ ചാ​ണ്ടി മു​ഖ്യ​മ​ന്ത്രി​യാ​യി​രി​ക്കെ ന​ട​ത്തി​യ ജ​ന​സ​മ്പ​ർ​ക്ക പ​രി​പാ​ടി​ക​ൾ. ഒ​രു മു​ഖ്യ​മ​ന്ത്രി പ്രാ​യാ​ധി​ക്യ​വും ഔ​ദ്യോ​ഗി​ക തി​ര​ക്കു​ക​ളു​മെ​ല്ലാം മാ​റ്റി​വെ​ച്ച്​ ജ​ന​സ​ഞ്ച​യ​ങ്ങ​ളു​ടെ വേ​ദ​ന​ക​ൾ​ക്കൊ​പ്പം നി​ന്ന മ​ണി​ക്കൂ​റു​ക​ൾ കേ​ര​ള​പ്പി​റ​വി​ക്ക്​​ ശേ​ഷം ഉ​മ്മ​ൻ ചാ​ണ്ടി എ​ന്ന പേ​രി​നൊ​പ്പം മാ​ത്രം കാ​ണു​ന്ന അ​ത്ഭു​ത​മാ​ണ്. 2011 ന​വം​ബ​റി​ലും ഡി​സം​ബ​റി​ലു​മാ​യി ആ​ദ്യ​ഘ​ട്ട​വും 2013 ഒ​ക്​​ടോ​ബ​റി​ലും ന​വം​ബ​റി​ലും ഡി​സം​ബ​റി​ലു​മാ​യി ര​ണ്ടാം ഘ​ട്ട​വു​മാ​യി ജ​ന​ങ്ങ​ളി​ലേ​ക്കി​റ​ങ്ങി​യ സ​മാ​ന​ത​ക​ളി​ല്ലാ​ത്ത ആ ​പ​രി​പാ​ടി​യി​ലൂ​ടെ 2013ൽ ​യു.​എ​ന്നി​ന്‍റെ പ​ബ്ലി​ക്​ സ​ർ​വി​സ്​ പു​ര​സ്കാ​ര​വും അ​ദ്ദേ​ഹ​ത്തെ തേ​ടി​യെ​ത്തി. ഏ​ഷ്യ പ​സ​ഫി​ക്​ മേ​ഖ​ല​യി​ൽ ഈ ​പു​ര​സ്​​കാ​ര​ത്തി​ന്​ അ​ർ​ഹ​നാ​കു​ന്ന ആ​ദ്യ വ്യ​ക്​​തി എ​ന്ന ബ​ഹു​മ​തി​യും ഉ​മ്മ​ൻ ചാ​ണ്ടി​ക്കാ​യി.

ആ​യി​ര​ങ്ങ​ളു​ടെ വേ​ദ​ന അ​വ​രി​ലേ​ക്കി​റ​ങ്ങി ത​ന്‍റേ​താ​ക്കി​യ ഭ​ര​ണാ​ധി​കാ​രി അ​തി​ന്​ മേ​ൽ സ​മാ​ശ്വാ​സ​ത്തി​ന്‍റെ പ്ര​തി​വി​ധി​ക​ളും ഉ​ത്ത​ര​വു​ക​ളും കു​റി​ച്ചു​ന​ൽ​കു​ന്ന ജ​ന​കീ​യ ജ​നാ​ധി​പ​ത്യ​ത്തി​ന്‍റെ സ​മാ​ന​ത​ക​ളി​ല്ലാ​ത്ത മാ​തൃ​ക​യാ​യി ജ​ന​സ​മ്പ​ർ​ക്കം. വേ​ദി​യി​ലേ​ക്ക്​ ക​യ​റാ​ൻ ക​ഴി​യാ​തെ ത​ള​ർ​ന്നു​നി​ന്ന​വ​രി​ലേ​ക്ക്​ അ​യാ​ൾ വ​ല​യ​ങ്ങ​ൾ ഭേ​ദി​ച്ചി​റ​ങ്ങി​​ച്ചെ​ന്നു. ക​ര​യു​ന്ന ക​ണ്ണു​ക​ളി​ലെ വേ​ദ​ന ഏ​റ്റു​വാ​ങ്ങി. ആ​ൾ​ക്കൂ​ട്ട​ത്തി​നി​ട​യി​ൽ നി​ന്നു​ത​ന്നെ ആ ​വേ​ദ​ന​ക്ക്​ അ​ധി​കാ​ര​വ​ഴി​യി​ലെ മ​റു​മ​രു​ന്നെ​ഴു​തി. തൊ​ഴു​കൈ​ക​ളോ​ടെ നി​ന്ന​വ​ർ​ക്ക്​ മു​ന്നി​ൽ അ​യാ​ൾ സ​മാ​ശ്വാ​സ​ത്തി​ന്‍റെ ചെ​റു​പു​ഞ്ചി​രി​യു​മാ​യെ​ത്തി.14 ജി​ല്ല​യി​ലും ഓ​ടി​യെ​ത്തി​യ ഉ​മ്മ​ൻ ചാ​ണ്ടി രാ​വി​ലെ ​ തു​ട​ങ്ങു​ന്ന പ​രാ​തി​യും വേ​ദ​ന​യും കേ​ൾ​ക്ക​ൽ പ​ല​യി​ട​ങ്ങ​ളി​ലും പൂ​ർ​ത്തി​യാ​ക്കു​മ്പോ​ൾ പി​റ്റേ​ദി​വ​സം പു​ല​ർ​ച്ച​യാ​യി​രു​ന്നു. 2013 ന​വം​ബ​ർ 26ന്​ ​കോ​ട്ട​യം നെ​ഹ്​​റു സ്​​റ്റേ​ഡി​യ​ത്തി​ൽ രാ​വി​ലെ 10ന്​ ​തു​ട​ങ്ങി​യ ജ​ന​സ​മ്പ​ർ​ക്ക പ​രി​പാ​ടി​യി​ൽ അ​വ​സാ​ന പ​രാ​തി​ക്കാ​ര​നെ​യും കേ​ട്ട്​ ഉ​മ്മ​ൻ ചാ​ണ്ടി മ​ട​ങ്ങു​മ്പോ​ൾ പി​റ്റേ​ദി​വ​സം പു​ല​ർ​ച്ച 3.45 ആ​യി​രു​ന്നു. പാ​തി​രാ​വും ക​ട​ന്നു​ള്ള ആ ​നി​ൽ​പു​ക​ളി​ൽ ഊ​ണും ഉ​റ​ക്ക​വും മ​റ​ന്നു. 2013ൽ ​ര​ണ്ടാം​ഘ​ട്ട ജ​ന​സ​മ്പ​ർ​ക്ക പ​രി​പാ​ടി​ക​ളി​ലൂ​ടെ വ​ന്ന അ​ഞ്ച​ര ല​ക്ഷം പ​രാ​തി​ക​ളി​ൽ ഉ​മ്മ​ൻ ചാ​ണ്ടി തീ​ർ​പ്പു​ക​ൽ​പി​ച്ച​ത്​ മൂ​ന്ന്​ ല​ക്ഷ​ത്തി​ലേ​റെ​യാ​യി​രു​ന്നു. ഇ​തു​വ​ഴി 22.68​ കോ​ടി രൂ​പ​യാ​ണ്​ ധ​ന​സ​ഹാ​യ​മാ​യി അ​വ​ശ​വി​ഭാ​ഗ​ങ്ങ​ളി​ലേ​ക്കൊ​ഴു​കി​യ​ത്​.

ജ​ന​ഹി​ത​ത്തി​ന്​ വ​ഴി​മു​ട​ക്കി​യ പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള എ​ണ്ണ​മ​റ്റ ഉ​ത്ത​ര​വു​ക​ളും ച​ട്ട​ങ്ങ​ളും ജ​ന​കീ​യ​ത​യു​ടെ പ​ര​കോ​ടി​ക​യ​റി​യ ആ ​നേ​താ​വ്​ മാ​റ്റി​യെ​ഴു​തി. ഇ​ട​നി​ല​ക്കാ​രി​ല്ലാ​തെ ഒ​രു മു​ഖ്യ​മ​ന്ത്രി​യി​ലേ​ക്ക്​ ജ​ന​മാ​യി​ര​ങ്ങ​ൾ ഒ​ഴു​കി​യെ​ത്തി​യ ഇ​ന്ത്യ​ൻ ജ​നാ​ധി​പ​ത്യ ച​രി​ത്ര​ത്തി​ലെ തു​ല്യ​ത​യി​ല്ലാ​ത്ത പ​രി​പാ​ടി​യാ​യി ജ​ന​സ​മ്പ​ർ​ക്ക​പ​രി​പാ​ടി മു​ദ്ര​ണം​ചെ​യ്യ​പ്പെ​ട്ടു.