മെ​ഡി​ക്ക​ൽ കോ​ള​ജ് ആശുപത്രിയിൽനിന്ന് രോഗികളെ പുറത്തിറക്കാൻ ഒരു വഴിമാത്രം

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജ് അ​ത്യാ​ഹി​ത വി​ഭാ​ഗ​ത്തി​ൽ പൊ​ട്ടി​ത്തെ​റി​യോ​ടെ പു​ക പ​ട​ർ​ന്ന​തോ​ടെ പ​രി​ഭ്രാ​ന്ത​രാ​യി ജ​നം. ഏ​റ്റ​വും കൂ​ടു​ത​ൽ രോ​ഗി​ക​ൾ തി​ങ്ങി​നി​റ​ഞ്ഞു നി​ൽ​ക്കു​ന്ന റെ​ഡ് ഏ​രി​യ​ക്ക് സ​മീ​പ​മാ​ണ് പു​ക​യു​യ​ർ​ന്ന യു.​പി.​എ​സ് റൂം. ​ശ​ബ്ദ​വും പു​ക​യു​മു​യ​ർ​ന്ന​തോ​ടെ ഈ ​ഭാ​ഗ​ത്തു​ള്ള രോ​ഗി​ക​ളും കൂ​ട്ടി​രി​പ്പു​കാ​രും പു​റ​ത്തേ​ക്കി​റ​ങ്ങാ​ൻ തി​ടു​ക്കം കൂ​ട്ടു​ക​യാ​യി​രു​ന്നു.

സ​ന്ന​ദ്ധ​പ്ര​വ​ർ​ത്ത​ക​ർ ഓ​ടി​യെ​ത്തി​യാ​ണ് ര​ക്ഷാ​പ്ര​വ​ർ​ത്ത​നം ഊ​ർ​ജി​ത​മാ​ക്കി​യ​ത്. ഇ​താ​ണ് വ​ലി​യ അ​ത്യാ​ഹി​തം ഒ​ഴി​വാ​കാ​ൻ സ​ഹാ​യി​ച്ച​ത്. എ​ന്നാ​ൽ, കെ​ട്ടി​ട​നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യും ശു​ചീ​ക​ര​ണ​മ​ട​ക്ക​മു​ള്ള​വ​യി​ലെ കെ​ടു​കാ​ര്യ​സ്ഥ​ത​യും ര​ക്ഷാ​പ്ര​വ​ർ​ത്ത​ന​ത്തി​ൽ പ്ര​തി​സ​ന്ധി​യാ​യ​താ​യി ആ​രോ​പ​ണ​മു​ണ്ട്.

ആ​ശു​പ​ത്രി​യി​ൽ​നി​ന്ന് രോ​ഗി​ക​ളെ പു​റ​ത്തി​റ​ക്കാ​ൻ ഒ​രു വ​ഴി മാ​ത്ര​മേ ഉ​ണ്ടാ​യി​രു​ന്നു​ള്ളൂ. സു​ര​ക്ഷ​യു​ടെ ഭാ​ഗ​മാ​യി മ​റ്റ് വ​ഴി​ക​ൾ അ​ട​ച്ചു​പൂ​ട്ടി​യി​ട്ടി​രി​ക്കു​ക​യാ​യി​രു​ന്നു. സെ​ൻ​ട്ര​ലൈ​സ്ഡ് എ.​സി പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ൽ പു​ക പു​റ​ത്തു​പോ​കാ​ൻ ആ​വ​ശ്യ​ത്തി​ന് ജ​ന​ലു​ക​ളും കെ​ട്ടി​ട​ത്തി​നി​ല്ല. ആ​ശു​പ​ത്രി​യി​ലേ​ക്ക് വാ​ഹ​ന​ങ്ങ​ൾ​ക്ക് പ്ര​വേ​ശി​ക്കാ​നും പു​റ​ത്തി​റ​ങ്ങാ​നും ഒ​റ്റ​വ​ഴി മാ​ത്ര​മേ​യൂ​ള്ളൂ എ​ന്ന​തും ത​ല​വേ​ദ​ന​യാ​യി.

വി​വ​ര​മ​റി​ഞ്ഞ് ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന് ര​ക്ഷാ​പ്ര​വ​ർ​ത്ത​ന​ത്തി​ന് ആം​ബു​ല​ൻ​സു​ക​ൾ എ​ത്തി​യ​പ്പോ​ൾ അ​ക​ത്തേ​ക്കും പു​റ​ത്തേ​ക്കു​മു​ള്ള വാ​ഹ​ന​ങ്ങ​ളും ജ​ന​ത്തി​ര​ക്കും കാ​ര​ണം പ്ര​വേ​ശ​ന ക​വാ​ട​ത്തി​ൽ ഗ​താ​ഗ​ത​ക്കു​രു​ക്കു​ണ്ടാ​യ​തും പ്ര​തി​സ​ന്ധി​യാ​യി. ഏ​റെ പ​ണി​പ്പെ​ട്ടാ​ണ് സ​ന്ന​ദ്ധ​പ്ര​വ​ർ​ത്ത​ക​രും പൊ​ലീ​സും ഇ​ത് നി​യ​ന്ത്രി​ച്ച​ത്.

മാ​ത്ര​മ​ല്ല റാ​മ്പു​ക​ളി​ൽ ഉ​പ​യോ​ഗ​ശൂ​ന്യ​മാ​യ ട്രോ​ളി​ക​ൾ, ബെ​ഡു​ക​ൾ, വീ​ൽ​ചെ​യ​ർ തു​ട​ങ്ങി​യ​വ കൂ​ട്ടി​യി​ട്ടി​രു​ന്ന​തി​നാ​ൽ മു​ക​ൾ​നി​ല​ക​ളി​ൽ​നി​ന്ന് രോ​ഗി​ക​ളെ താ​ഴെ ഇ​റ​ക്കു​ന്ന​തി​നും പ്ര​യാ​സ​മു​ണ്ടാ​യി. റാ​മ്പി​ലൂ​ടെ ത​ഴെ ഇ​റ​ങ്ങാ​ൻ ശ്ര​മി​ച്ച രോ​ഗി​ക​ളും കൂ​ട്ടി​രി​പ്പു​കാ​രും കൂ​ട്ടി​യി​ട്ട മാ​ലി​ന്യ​ത്തി​നു മു​ന്നി​ൽ നി​സ്സ​ഹാ​യ​രാ​യി. ഏ​റെ പ​ണി​പ്പെ​ട്ട് മാ​ലി​ന്യം നീ​ക്കം​ചെ​യ്ത ശേ​ഷ​മാ​ണ് റാ​മ്പി​ലൂ​ടെ രോ​ഗി​ക​ളു​മാ​യു​ള്ള വീ​ൽ ചെ​യ​റും ട്രോ​ളി​യും ഇ​റ​ക്കാ​നാ​യ​ത്.

മെഡിക്കൽ വിദ്യാഭ്യാസ ഡയറക്ടര്‍ക്ക് അന്വേഷണത്തിന് മന്ത്രി നിര്‍ദേശം നല്‍കി

ഗ​വ. മെ​ഡി​ക്ക​ല്‍ കോ​ള​ജി​ലെ യു.​പി.​എ​സ് റൂ​മി​ല്‍ പു​ക ക​ണ്ട സം​ഭ​വ​ത്തി​ല്‍ ആ​രോ​ഗ്യ​മ​ന്ത്രി വീ​ണാ ജോ​ര്‍ജ് മെ​ഡി​ക്ക​ല്‍ വി​ദ്യാ​ഭ്യാ​സ വ​കു​പ്പ് ഡ​യ​റ​ക്ട​ര്‍ക്ക് അ​ന്വേ​ഷ​ണ​ത്തി​ന് നി​ര്‍ദേ​ശം ന​ല്‍കി. രോ​ഗി​ക​ള്‍ക്ക് ബു​ദ്ധി​മു​ട്ടു​ണ്ടാ​കാ​തി​രി​ക്കാ​ന്‍ അ​വ​രെ സു​ര​ക്ഷി​ത​രാ​യി മ​റ്റ് സ്ഥ​ല​ത്തേ​ക്ക് മാ​റ്റാ​നും നി​ര്‍ദേ​ശം ന​ല്‍കി.