Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightദക്ഷിണ കൊറിയയിൽ...

ദക്ഷിണ കൊറിയയിൽ ഉള്ളികൃഷി: കൂട്ടമായെത്തി ഉദ്യോഗാർഥികൾ

text_fields
bookmark_border
onion farming in south korea
cancel
camera_alt

‘ഉത്തര കൊറിയയിലേക്ക് ഉള്ളികൃഷി’ സംബന്ധിച്ച ഒഡെപെക് സെമിനാറിൽ പങ്കെടുക്കാൻ എറണാകുളം ടൗൺഹാളിൽ എത്തിയവർ

കൊച്ചി: ദക്ഷിണ കൊറിയയിൽ ഉള്ളികൃഷിക്ക്​ സന്നദ്ധരായി നൂറുകണക്കിന്​ പേർ. സംസ്ഥാന സർക്കാറിന്​ കീഴിലെ റിക്രൂട്ടിങ്​ ഏജൻസിയായ ഒഡെപെക്​ വഴി വന്ന ​വിദേശ തൊഴിലവസരത്തിന്​ വെള്ളിയാഴ്​ച എറണാകുളം ടൗൺ ഹാളിലാണ്​ സെമിനാർ നടന്നത്​. രാവിലെ 10 മുതൽ ഉച്ചക്ക്​ 12.30 വരെ നടന്ന പരിപാടിയിൽ പ​ങ്കെടുക്കാൻ ഇതര ജില്ലകളിൽനിന്നടക്കം ഏറെപേർ നേര​േത്തതന്നെ എത്തിയിരുന്നു.

ദക്ഷിണ കൊറിയയിലെ കാർഷിക കമ്പനിയാണ്​ കേരളത്തിൽനിന്ന്​ തൊഴിലാളികളെ തേടിയത്​. 10ാം ക്ലാസും കാർഷികമേഖലയിലെ പരിചയവും മാത്രമായിരുന്നു യോഗ്യത. ആൺ-പെൺ വ്യത്യാസമില്ലാതെ തെരഞ്ഞെടുക്കപ്പെടുന്നവർക്ക്​ 74,000 മുതൽ 1,12,000 രൂപ വരെ ശമ്പളവും നൽകുമെന്നായിരുന്നു അറിയിപ്പ്​. സർക്കാർ സംവിധാനത്തിലൂടെ വന്ന തൊഴിലവസരമായതിനാൽ ഉയർന്ന വിദ്യാഭ്യാസമുള്ളവർപോലും അപേക്ഷിച്ചിട്ടുണ്ട്​.

അപേക്ഷകരുടെ എണ്ണം 5000 കവിഞ്ഞതോടെ രജിസ്​ട്രേഷൻ നിർത്തി​. തുടർന്ന്​ തിരുവനന്തപുരത്തും എറണാകുളത്തുമായി അപേക്ഷകർക്ക്​ ദക്ഷിണ കൊറിയയിലേക്കുള്ള റിക്രൂട്ട്​മെൻറ്​ വിശദാംശങ്ങൾ അടങ്ങിയ സെമിനാർ തീരുമാനിച്ചിരുന്നു. വെള്ളിയാഴ്​ച രാവിലെ മുതൽ എറണാകുളം ടൗൺ ഹാൾ പരിസരം സെമിനാറിൽ പ​​ങ്കെടുക്കാൻ എത്തിയവരെകൊണ്ട്​ നിറഞ്ഞു.

രജിസ്​ട്രേഷൻ നടത്താൻ കഴിയാത്തവരും രജിസ്​റ്റർ ചെയ്​തിട്ട്​ സെമിനാറിൽ പ​ങ്കെടുക്കാൻ അറിയിപ്പ്​ ലഭിക്കാത്തവരും ഉൾപ്പെടെ എത്തിയതോടെ ടൗൺ ഹാൾ വളപ്പിനകത്ത്​ വലിയ ജനക്കൂട്ടമായി. ഇതോടെ പൊലീസ്​ എത്തി കവാടം അടച്ചു. തുടർന്ന്​ നീണ്ട ക്യൂവിൽ നിർത്തിയാണ്​ തൊഴിലന്വേഷകരെ ഹാളിനകത്തേക്ക്​ കടത്തിവിട്ടത്​.

Show Full Article
TAGS:South Korea 
News Summary - Onion cultivation in South Korea: Candidates flock
Next Story