വനിത സ്ഥാനാർഥികളില്ലാതെ മൂന്നിലൊന്നു മണ്ഡലങ്ങൾ

കോ​ഴി​ക്കോ​ട്: സം​സ്ഥാ​ന​ത്തെ മൂ​ന്നി​ലൊ​ന്ന് മ​ണ്ഡ​ല​ത്തി​ലും പേ​രി​നു​പോ​ലു​മി​ല്ല വ​നി​ത സ്ഥാ​നാ​ർ​ഥി​ക​ൾ. 20 ലോ​ക്സ​ഭ മ​ണ്ഡ​ല​ത്തി​ൽ ആ​റെ​ണ്ണ​ത്തി​ലും വ​നി​ത സ്ഥാ​നാ​ർ​ഥി​ക​ളി​ല്ല. 13 സ്ഥാ​നാ​ർ​ഥി​ക​ൾ മ​ത്സ​രി​ക്കു​ന്ന ക​ണ്ണൂ​രി​ലും 14 പേ​ർ മ​ത്സ​രി​ക്കു​ന്ന കോ​ട്ട​യ​ത്തും എ​ട്ടു​പേ​ർ മ​ത്സ​രി​ക്കു​ന്ന മ​ല​പ്പു​റ​ത്തും ഏ​ഴു​പേ​ർ മ​ത്സ​രി​ക്കു​ന്ന മാ​വേ​ലി​ക്ക​ര​യി​ലും എ​ട്ടു​പേ​ർ മ​ത്സ​രി​ക്കു​ന്ന പ​ത്ത​നം​തി​ട്ട​യി​ലും ഒ​മ്പ​തു​പേ​ർ മ​ത്സ​രി​ക്കു​ന്ന തൃ​ശൂ​രി​ലു​മാ​ണ് വ​നി​ത സ്ഥാ​നാ​ർ​ഥി​ക​ൾ ഒ​രാ​ൾ പോ​ലു​മി​ല്ലാ​ത്ത​ത്.

195 പു​രു​ഷ സ്ഥാ​നാ​ർ​ഥി​ക​ൾ മ​ത്സ​രി​ക്കു​മ്പോ​ൾ വെ​റും 24 വ​നി​ത സ്ഥാ​നാ​ർ​ഥി​ക​ളാ​ണ് 14 മ​ണ്ഡ​ല​ങ്ങ​ളി​ൽ മ​ത്സ​രി​ക്കു​ന്ന​ത്. കെ.​കെ. ശൈ​ല​ജ മ​ത്സ​രി​ക്കു​ന്ന വ​ട​ക​ര​യി​ലാ​ണ് ഏ​റ്റ​വും കൂ​ടു​ത​ൽ വ​നി​ത സ്ഥാ​നാ​ർ​ഥി​ക​ൾ. ശൈ​ല​ജ യു​ടെ അ​പ​ര​ക​ളാ​യി മൂ​ന്ന് സ്വ​ത​ന്ത്ര വ​നി​ത​ക​ളു​ണ്ട്. 10 പേ​ർ മ​ത്സ​രി​ക്കു​ന്ന കാ​സ​ർ​കോ​ട്ട് മൂ​ന്നു വ​നി​ത സ്ഥാ​നാ​ർ​ഥി​ക​ളു​ണ്ട്. വ​ട​ക​ര​യി​ലേ​തു​പോ​ലെ ഇ​വ​ർ അ​പ​ര​ക​ള​ല്ലെ​ന്ന​താ​ണ് കൗ​തു​കം.

പൊ​ന്നാ​നി​യി​ലും വ​യ​നാ​ട്ടി​ലും കൊ​ല്ല​ത്തും ര​ണ്ടു വ​നി​ത​ക​ൾ മ​ത്സ​രി​ക്കു​ന്നു​ണ്ട്. ആ​ല​പ്പു​ഴ​യി​ലും ആ​ല​ത്തൂ​രി​ലും എ​റ​ണാ​കു​ള​ത്തും ചാ​ല​ക്കു​ടി​യി​ലും കോ​ഴി​ക്കോ​ടും തി​രു​വ​ന​ന്ത​പു​ര​ത്തും ഓ​രോ വ​നി​ത സ്ഥാ​നാ​ർ​ഥി​ക​ളാ​ണ് മ​ത്സ​രി​ക്കു​ന്ന​ത്. ആ​റ്റി​ങ്ങ​ലി​ൽ മ​ത്സ​രി​ക്കു​ന്ന 37കാ​രി സു​ര​ഭി​യാ​ണ് ഏ​റ്റ​വും പ്രാ​യം​കു​റ​ഞ്ഞ വ​നി​ത സ്ഥാ​നാ​ർ​ഥി. കൊ​ല്ല​ത്തു​നി​ന്നു മ​ത്സ​രി​ക്കു​ന്ന എ​ഴു​പ​ത്തി​മൂ​ന്നു​കാ​രി​യാ​യ പി. ​കൃ​ഷ്ണ​മ്മാ​ൾ ആ​ണ് ഏ​റ്റ​വും മു​തി​ർ​ന്ന വ​നി​ത സ്ഥാ​നാ​ർ​ഥി.

67 വ​യ​സ്സു​ള്ള വ​ട​ക​ര​യി​ലെ എ​ൽ.​ഡി.​എ​ഫ് സ്ഥാ​നാ​ർ​ഥി കെ.​കെ. ശൈ​ല​ജ​യാ​ണ് പ്രാ​യ​ത്തി​ലെ ര​ണ്ടാം​സ്ഥാ​ന​ക്കാ​രി. ആ​ല​ത്തൂ​രി​ലെ 64 കാ​രി ഡോ. ​ടി.​എ​ൻ. സ​ര​സു​വും വ​യ​നാ​ട്ടി​ലെ എ​ൽ.​ഡി.​എ​ഫ് സ്ഥാ​നാ​ർ​ഥി 60കാ​രി ആ​നി​രാ​ജ​യും ജ​ന​വി​ധി തേ​ടു​ന്ന മു​തി​ർ​ന്ന വ​നി​ത സ്ഥാ​നാ​ർ​ഥി​ക​ളാ​ണ്. 40 വ​യ​സ്സി​നു താ​ഴെ അ​ഞ്ചു വ​നി​ത സ്ഥാ​നാ​ർ​ഥി​ക​ൾ ജ​ന​വി​ധി തേ​ടു​ന്നു​​ണ്ട്.

55 ശ​ത​മാ​ന​വും 50 പ്ല​സ്

സ്ഥാ​നാ​ർ​ഥി​പ്പ​ട്ടി​ക​യി​ൽ 55 ശ​ത​മാ​ന​ത്തി​ല​ധി​ക​വും 50 പി​ന്നി​ട്ട​വ​ർ. സ്ഥാ​നാ​ർ​ഥി​ക​ളി​ലെ കാ​ര​ണ​വ​ർ കോ​ഴി​ക്കോ​ട് മ​ണ്ഡ​ല​ത്തി​ൽ സ്വ​ത​ന്ത്ര​നാ​യി മ​ത്സ​രി​ക്കു​ന്ന എ​ൻ. രാ​ഘ​വ​നാ​ണ്. യു.​ഡി.​എ​ഫ് സ്ഥാ​നാ​ർ​ഥി എം.​കെ. രാ​ഘ​വ​ന്റെ അ​പ​ര​നാ​യ ഇ​ദ്ദേ​ഹ​ത്തി​ന് 79 വ​യ​സ്സാ​ണ്.

ഒ​രു വ​യ​സ്സു പി​റ​കി​ലാ​ണ് തി​രു​വ​ന​ന്ത​പു​ര​ത്തെ എ​ൽ.​ഡി.​എ​ഫ് സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​ൻ. മ​ല​പ്പു​റ​ത്തെ യു.​ഡി.​എ​ഫ് സ്ഥാ​നാ​ർ​ഥി ഇ.​ടി. മു​ഹ​മ്മ​ദ് ബ​ഷീ​റാ​ണ് മൂ​ന്നാ​മ​ൻ- 77 വ​യ​സ്സ്. ക​ണ്ണൂ​രി​ലെ യു.​ഡി.​എ​ഫ് സ്ഥാ​നാ​ർ​ഥി ​75കാ​ര​നാ​യ കെ. ​സു​ധാ​ക​ര​ൻ, കാ​സ​ർ​കോ​ട്ടെ എ​ൽ.​ഡി.​എ​ഫ് സ്ഥാ​നാ​ർ​ഥി 74കാ​ര​നാ​യ എം.​വി. ബാ​ല​കൃ​ഷ്ണ​ൻ, കൊ​ല്ല​ത്തെ 73കാ​രി പി. ​കൃ​ഷ്ണ​മ്മാ​ൾ, കോ​ഴി​ക്കോ​ട് എം.​കെ. രാ​ഘ​വ​ന്റെ മ​റ്റൊ​രു അ​പ​ര​നാ​യ 73കാ​ര​ൻ രാ​ഘ​വ​ൻ എ​ന്നി​വ​രു​ൾ​പ്പെ​ടെ 16 പേ​രാ​ണ് ജ​ന​വി​ധി തേ​ടു​ന്ന 70 പ്ല​സു​കാ​ർ.

ഏ​റ്റ​വും പ്രാ​യം കു​റ​വ് എ​റ​ണാ​കു​ള​ത്തു​നി​ന്ന് ജ​ന​വി​ധി തേ​ടു​ന്ന 28കാ​ര​നാ​യ ട്വ​ന്റി ട്വ​ന്റി സ്ഥാ​നാ​ർ​ഥി അ​ഡ്വ. ആ​ന്റ​ണി ജൂ​ഡ് ആ​ണ്. മ​ല​പ്പു​റം മ​ണ്ഡ​ല​ത്തി​ൽ​നി​ന്ന് മ​ത്സ​രി​ക്കു​ന്ന 29കാ​ര​നാ​യ ന​സീ​ഫ് അ​ലി മു​ല്ല​പ്പ​ള്ളി​യും എ​റ​ണാ​കു​ള​ത്ത് ജ​ന​വി​ധി തേ​ടു​ന്ന 30 കാ​ര​നാ​യ രോ​ഹി​ത്ത് കൃ​ഷ്ണ​നു​മാ​ണ് മ​റ്റ് ഇ​ള​മു​റ​ക്കാ​ർ.