ടൂറിസം സ്‌പോട്ടില്‍ ‘ഇടംനേടി’ മാലിന്യം; കൊറ്റില്ലം സംരക്ഷിക്കാന്‍ നടപടികളില്ല

നേ​മം: ജി​ല്ല​യി​ലെ പ്ര​ധാ​ന ടൂ​റി​സം സ്‌​പോ​ട്ടു​ക​ളി​ല്‍ ഒ​ന്നാ​യ വെ​ള്ളാ​യ​ണി​യി​ല്‍ മാ​ലി​ന്യ പ്ര​ശ്‌​ന​ത്തി​ന് അ​റു​തി​യി​ല്ല. വെ​ള്ളാ​യ​ണി കാ​യ​ലി​ന്​ സ​മീ​പം പ​ണി​പൂ​ര്‍ത്തി​യാ​ക്കി​യ കൊ​റ്റി​ല്ല​ത്തി​ന​ടു​ത്താ​ണ് മാ​ലി​ന്യം കു​ന്നു​കൂ​ടു​ന്ന​ത്. മാ​ലി​ന്യം ശേ​ഖ​രി​ക്കാ​ൻ ഇ​വി​ടെ ബി​ന്‍ സ്ഥാ​പി​ച്ചെ​ങ്കി​ലും അ​ത്​ നി​റ​ഞ്ഞ് ക​വി​ഞ്ഞ നി​ല​യി​ലാ​ണ്. പ്ലാ​സ്റ്റി​ക് കു​പ്പി​ക​ള്‍, ക​വ​റു​ക​ള്‍, ചാ​ക്കു​ക​ള്‍, ഒ​ഴി​ഞ്ഞ ടി​ന്നു​ക​ള്‍, പേ​പ്പ​റു​ക​ള്‍, ക്യാ​രി​ബാ​ഗു​ക​ള്‍, ആ​ഹാ​രാ​വ​ശി​ഷ്ട​ങ്ങ​ള്‍ തു​ട​ങ്ങി​യ മാ​ലി​ന്യ​ങ്ങ​ളാ​ണ് കൊ​റ്റി​ല്ല​ത്തി​നു​ള്ളി​ലും പ​രി​സ​ര​ത്തും ദു​ര്‍ഗ​ന്ധം പ​ര​ത്തു​ന്ന​ത്.

ജൈ​വ​വൈ​വി​ധ്യ ബോ​ര്‍ഡും ക​ല്ലി​യൂ​ര്‍ പ​ഞ്ചാ​യ​ത്തും ചേ​ര്‍ന്ന്​ ജൈ​വ​സം​ര​ക്ഷ​ണം ല​ക്ഷ്യ​മി​ട്ടാ​ണ് കൊ​റ്റി​ല്ലം ഒ​രു​ക്കി​യ​ത്. മൂ​ന്നു​വ​ര്‍ഷം​മു​മ്പ് കൊ​റ്റി​ല്ലം സാ​മൂ​ഹി​ക​വി​രു​ദ്ധ​ര്‍ ക​ത്തി​ച്ചി​രു​ന്നു. അ​ടു​ത്ത​കാ​ല​ത്താ​ണ് വീ​ണ്ടും ഫ​ണ്ട് വി​നി​യോ​ഗി​ച്ച് പു​നഃ​സ്ഥാ​പി​ച്ച​ത്. മു​ള, ഈ​റ എ​ന്നി​വ ഉ​പ​യോ​ഗി​ച്ചു​ള്ള കൂ​ര​യും പു​ല്ലു​പ​യോ​ഗി​ച്ച് മേ​ല്‍ക്കൂ​ര​യും നി​ർ​മി​ച്ച​ശേ​ഷം ഇ​രി​പ്പി​ട​ങ്ങ​ളും ത​യാ​റാ​ക്കി. ജൈ​വ​വൈ​വി​ധ്യ​ത്തെ അ​ടു​ത്ത​റി​യു​ന്ന​തി​നൊ​പ്പം വെ​ള്ളാ​യ​ണി​ക്കാ​യ​ലി​ന്റെ സൗ​ന്ദ​ര്യം ആ​സ്വ​ദി​ക്കാ​നും ല​ക്ഷ്യ​മി​ട്ടാ​യി​രു​ന്നു കൊ​റ്റി​ല്ല നി​ർ​മാ​ണം.

വൈ​കു​ന്നേ​ര​ങ്ങ​ളി​ല്‍ നൂ​റു​ക​ണ​ക്കി​ന് ആ​ള്‍ക്കാ​രാ​ണ് വെ​ള്ളാ​യ​ണി​ക്കാ​യ​ലി​ന്റെ സൗ​ന്ദ​ര്യം നു​ക​രാ​നെ​ത്തു​ന്ന​ത്. അ​വ​ര്‍ക്ക് പ്ര​യോ​ജ​ന​പ്പെ​ടു​ത്താ​നാ​കാ​ത്ത വി​ധം ദു​ര്‍ഗ​ന്ധം വ​മി​ക്കു​ന്ന നി​ല​യി​ലാ​ണ് കൊ​റ്റി​ല്ലം. ക​ല്ലി​യൂ​ര്‍ പ​ഞ്ചാ​യ​ത്ത് അ​ധി​കൃ​ത​ര്‍ ഇ​ക്കാ​ര്യ​ത്തി​ല്‍ ഊ​ര്‍ജി​ത ഇ​ട​പെ​ട​ല്‍ ന​ട​ത്ത​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.