പെ​ട്ടി​മു​ടി ദു​ര​ന്ത​ത്തി​ല്‍ മ​രി​ച്ച ആൺകുട്ടിയുടെ മൃ​ത​ദേ​ഹം ക​ണ്ടെ​ത്തി

മൂ​ന്നാ​ര്‍: പെട്ടിമുടിയിൽ ഇന്ന് നടത്തിയ തിരച്ചിലിൽ ഒരു ആൺകുട്ടിയുടെ മൃതദേഹം കണ്ടെടുത്തു. ആറുവയസ്സുകാരനായ അശ്വന്ത് രാജിനെ ഗ്രേവൽ ബങ്ക് ഭാഗത്ത് നിന്നാണ് കണ്ടെടുത്തത്. ഭരത് രാജിന്‍റെ മകനാണ് അശ്വന്ത് രാജ്.

ഇ​തോ​ടെ മ​രി​ച്ച​വ​രു​ടെ എ​ണ്ണം 59 ആ​യി. തിങ്കളാഴ്ച മൃതദേഹങ്ങൾ ലഭിച്ചിരുന്നില്ല. ഞാ​യ​റാ​ഴ്ച ലഭിച്ച രണ്ട് മൃതദേഹങ്ങളും അഴുകിയ നിലയിലാ‍യിരുന്നു. ഗ്രേ​വ​ല്‍ ബാ​ങ്കി​ല്‍നി​ന്ന്​ അ​ക​ലെ നാ​ല്‍പാ​ല​ത്തി​ന്​ സ​മീ​പ​ത്ത് നിന്നാണ് മൃതദേഹങ്ങൾ ക​ണ്ടെ​ത്തി​യ​ത്. ഇ​നി 11 പേ​രെ കൂ​ടി ക​ണ്ട​ത്തേ​ണ്ട​തു​ണ്ട്.

പെ​ട്ടി​മു​ടി​യി​ൽ ഉ​രു​ൾ​പൊ​ട്ട​ലി​ല്‍ കാ​ണാ​താ​യ​വ​രെ ക​ണ്ടെ​ത്താ​ന്‍ നായകളുടെ സേവനം ഉപയോഗപ്പെടുത്തുന്നുണ്ട്. പു​ഴ​യു​ടെ തീ​ര​ങ്ങ​ളി​ല്‍ നി​രീ​ക്ഷ​ണ​ത്തി​ന് സാ​ധ്യ​ത​യു​ള്ള മേ​ഖ​ല​ക​ളി​ലൊ​ക്കെ തി​ര​ച്ചി​ല്‍ പൂ​ര്‍ത്തി​യാ​യ സാ​ഹ​ച​ര്യ​ത്തി​ലാണ്​ വി​ദ​ഗ്​​ധ​പ​രി​ശീ​ല​നം നേ​ടി​യ നാ​യ്ക്ക​ളു​ടെ സേ​വ​നം പ്ര​യോ​ജ​ന​പ്പെ​ടു​ത്താ​ന്‍ തീ​രു​മാ​നി​ച്ച​ത്. ക​ഴി​ഞ്ഞ​ദി​വ​സം പെ​ട്ടി​മു​ടി​യി​ലെ വ​ള​ര്‍ത്തു​നാ​യ്​ ഒ​രു​മൃ​ത​ദേ​ഹം ക​ണ്ടെ​ത്താ​ന്‍ സ​ഹാ​യി​ച്ച​തും നാ​യ്ക്ക​ളെ തി​ര​ച്ചി​ലി​ന് ഉ​പ​യോ​ഗി​ക്കു​ന്ന​തി​ന് പ്ര​ചോ​ദ​ന​മാ​യി. അ​ഞ്ചു​നാ​യ്ക്ക​ളെ തി​ര​ച്ചി​ലി​ന്​ എ​ത്തി​ച്ചി​ട്ടു​ണ്ട്. അ​തി​ല്‍ ഇ​ടു​ക്കി പൊ​ലീ​സ് സേ​ന​യു​ടെ മൂ​ന്നും എ​റ​ണാ​കു​ളം ജി​ല്ല പൊ​ലീ​സ് സം​ഘ​ത്തി​െൻറ പ​രി​ശീ​ല​നം ല​ഭി​ച്ച ര​ണ്ട്​ നാ​യ്ക്ക​ളു​മു​ണ്ട്.

അതേസമയം, ഇ​ടു​ക്കി പെ​ട്ടി​മു​ടി ദേ​ശീ​യ ഭൗ​മ​ശാ​സ്ത്ര പ​ഠ​ന​കേ​ന്ദ്രം ത​യാ​റാ​ക്കി​യ മ​ണ്ണി​ടി​ച്ചി​ൽ സാ​ധ്യ​ത​ഭൂ​പ​ട​ത്തി​ൽ ഉ​ൾ​പ്പെ​ട്ടി​രു​ന്നി​ല്ലെ​ന്ന്​ സ​ർ​ക്കാ​ർ ഹൈ​കോ​ട​തി​യി​ൽ പറഞ്ഞു. 1974 മു​ത​ൽ ഇ​വി​ടെ ല​യ​ങ്ങ​ളു​ണ്ട്. ജി​യോ​ള​ജി​ക്ക​ൽ സ​ർ​വേ ഒാ​ഫ് ഇ​ന്ത്യ ഇ​ടു​ക്കി ഒ​ഴി​കെ​യു​ള്ള ജി​ല്ല​ക​ളി​ലെ മ​ണ്ണി​ടി​ച്ചി​ൽ സാ​ധ്യ​ത​ഭൂ​പ​ടം ത​യാ​റാ​ക്കി​ന​ൽ​കി​യി​ട്ടു​ണ്ടെ​ന്നും പ്ര​ള​യ​ഭൂ​പ​ടം ഉ​ണ്ടാ​ക്കാ​ൻ കേ​ന്ദ്ര ജ​ല​ക​മീ​ഷ​നോ​ട്​ വീ​ണ്ടും ആ​വ​ശ്യ​പ്പെ​ട്ടെ​ങ്കി​ലും ഉ​ട​ൻ ല​ഭി​ക്കി​ല്ലെ​ന്നും സ​ർ​ക്കാ​റി​െൻറ വി​ദ​ശീ​ക​ര​ണ​പ​ത്രി​ക​യി​ൽ പ​റ​യു​ന്നു. പു​റ​മ്പോ​ക്കി​ലും കോ​ള​നി​ക​ളി​ലും പു​ഴ​ക്ക​ര​യി​ലും വ​യ​ലു​ക​ൾ​ക്ക​രി​കി​ലും മ​ല​ഞ്ച​രി​വു​ക​ളി​ലും താ​മ​സി​ക്കു​ന്ന​വ​രാ​ണ്​ പ്ര​ധാ​ന​മാ​യും പ്ര​ള​യ​ഭീ​ഷ​ണി നേ​രി​ടു​ന്ന​ത്. ക​ഴി​ഞ്ഞ​ത​വ​ണ പ്ര​ള​യം ബാ​ധി​ച്ച മേ​ഖ​ല​ക​ളി​ൽ താ​മ​സി​ക്കു​ന്ന​വ​രും ഈ ​ഗ​ണ​ത്തി​ൽ​വ​രും. പ്ര​ള​യ​വു​മാ​യി ബ​ന്ധ​പ്പെ​ട്ട മാ​ർ​ഗ​നി​ർ​ദേ​ശ​ങ്ങ​ൾ ഉ​ൾ​പ്പെ​ടു​ത്തി ഒാ​റ​ഞ്ച് ബു​ക്ക് സ​ർ​ക്കാ​ർ പ്ര​സി​ദ്ധീ​ക​രി​ച്ചി​ട്ടു​ണ്ടെന്നും വി​ശ​ദീ​ക​ര​ണ​ത്തി​ൽ പ​റ​യു​ന്നു.