ആശ്വാസ ദിനം; ബുധനാഴ്ച കോവിഡ് സ്ഥിരീകരിച്ചത് ഒരാൾക്ക് മാത്രം
text_fieldsതിരുവനന്തപുരം: ബുധനാഴ്ച സംസ്ഥാനത്ത് കോവിഡ് സ്ഥിരീകരിച്ചത് ഒരാള്ക്ക് മാത്രമാണെന്ന് മുഖ്യമന്ത്രി പിണറാ യി വിജയന് വാർത്തസമ്മേളനത്തിൽ അറിയിച്ചു. കണ്ണൂര് ജില്ലയിലെ ആള്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഏഴുപേര് കൂടി ഇന്ന് രോഗമുക്തി നേടി.
കാസർകോട് ജില്ലയില് നിന്നുള്ള നാലുപേരുടെയും കോഴിക്കോട് ജില്ലയില് നിന്നുള്ള രണ്ട് പേരുടെയും കൊല്ലം ജില്ലയിലെ ഒരാളുടെയും പരിശോധനാ ഫലമാണ് നെഗറ്റീവായത്. നിലവില് 167 പേരാണ് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്. 218 പേർ ഇതുവരെ കോവിഡില്നിന്ന് രോഗമുക്തി നേടി.
സംസ്ഥാനത്തെ വിവിധ ജില്ലകളിലായി 97,464 പേര് നിരീക്ഷണത്തിലാണ്. ഇവരില് 96,942 പേര് വീടുകളിലും 522 പേര് ആശുപത്രികളിലും നിരീക്ഷണത്തിലുണ്ട്. 86 പേരെയാണ് ബുധനാഴ്ച ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 16,745 വ്യക്തികളുടെ സാമ്പിള് പരിശോധനക്ക് അയച്ചിട്ടുണ്ട്. ഇതില് ലഭ്യമായ 16,002 സാമ്പിളുകളുടെ പരിശോധനാ ഫലം നെഗറ്റീവ് ആണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.