ഇടുക്കിയിൽ ഒരാൾക്ക് കൂടി കോവിഡ്

തൊടുപുഴ: ഇടുക്കിയിൽ ഒരാൾക്ക് കൂടി കോവിഡ് 19 സ്ഥിരീകരിച്ചു. നേരത്തെ കോവിഡ് സ്ഥിരീകരിച്ച പൊതുപ്രവർത്തകനുമായി ഇട പഴകിയ ചെറുതോണി സ്വദേശിക്കാണ് വൈറസ് ബാധ സ്ഥിരീകരിച്ചത്. ഇതോടെ സംസ്ഥാനത്ത് ഇന്ന് കോവിഡ് സ്ഥിരീകരിച്ചവരുടെ എണ്ണം 21 ആയി.

ഇടുക്കി ജില്ലയിൽ കൊറോണ വൈറസ് വ്യാപനം തടയുന്നതിന്‍റെ ഭാഗമായി നിരീക്ഷണത്തിൽ കഴിയുന്നവരുടെ എണ്ണം 2000 കവിഞ്ഞു. ഇന്ന് മാത്രം മൂന്ന് പേരെ ആശുപത്രിയിലും 338 പേരെ വീടുകളിലും നിരീക്ഷണത്തിലാക്കി.