രഞ്ജിത്ത് വധക്കേസ്: ഒരാള്‍ കൂടി പിടിയില്‍

ആലപ്പുഴ: ബി.ജെ.പി ഒ.ബി.സി മോര്‍ച്ച സംസ്ഥാന സെക്രട്ടറി അഡ്വ. രഞ്ജിത് ശ്രീനിവാസന്‍ വധക്കേസില്‍ ഒരാള്‍കൂടി പിടിയിലായി. എസ്.ഡി.പി.ഐ മുനിസിപ്പല്‍ ഏരിയ പ്രസിഡന്റ് ഷെര്‍ണാസ് ആണ് പിടിയിലായത്. ഇതോടെ കേസില്‍ പിടിയിലായവരുടെ എണ്ണം 19 ആയി.

കുറ്റകൃത്യത്തിന് ശേഷം പ്രതികള്‍ ഒളിപ്പിച്ച ആയുധം കഴിഞ്ഞ ദിവസം കണ്ടെത്തിയിരുന്നു. ഇരവുകാട് ഭാഗത്തെ പറമ്പില്‍നിന്നും സമീപത്തെ തോട്ടില്‍നിന്നുമാണ് രണ്ട് വടിവാളുകള്‍ കണ്ടെത്തിയത്.

ഡിസംബര്‍ 19ന് ആറു ബൈക്കുകളിലായി എത്തിയ 12 അംഗം സംഘമാണ് രഞ്ജിത്തിനെ കൊലപ്പെടുത്തിയത്. കൊലപാതകത്തില്‍ നേരിട്ട് പങ്കെടുത്ത ആറു പേരെയാണ് ഇതുവരെ പിടികൂടാനായത്. കേസില്‍ അന്വേഷണം അവസാനഘട്ടത്തിലാണെന്നാണ് സൂചന.