നിപ ബാധിച്ച്​ കോഴിക്കോട്​ ​ രണ്ട് പേർ കൂടി​ മരിച്ചു

കോഴിക്കോട്​: നിപ വൈറസ്​ ബാധിച്ച്​ രണ്ടുപേർ കൂടി മരിച്ചു. കോഴിക്കോട്​ ജില്ല കോടതി സീനിയർ സൂപ്രണ്ട്​ പാലാഴി റോഡ്​ കെ.ടി. താഴം വടക്കുഴിയിൽ പറമ്പ്​ ‘ഡിവൈനി’ൽ ടി.പി. മധുസൂദനൻ​ (56), ലോറി ​ൈ​​​ഡ്രവറായ കാരശ്ശേരി നെല്ലിക്കാപ്പറമ്പ്​ മാട്ടുമുറി കോളനിയിൽ അഖിൽ (28) എന്നിവരാണ്​ മരിച്ചത്​. 
മധുസൂദനൻ ബുധനാഴ്​ച രാത്രി ഒമ്പതോടെ ബേബി മെമ്മോറിയൽ ആശുപത്രിയിലും അഖിൽ 11 ഒാടെ മെഡിക്കൽ കോളജ്​ ആശുപത്രിയിലുമാണ്​ മരിച്ചത്​. ഇതോടെ സംസ്​ഥാനത്ത്​ നിപ മരണം 15 ആയി. 

17ന്​ ആശുപത്രിയിൽ പ്രവേശിപ്പിച്ച മധുസൂദനന്​ ഞായറാഴ്​ചയാണ്​ രോഗം സ്​ഥിരീകരിച്ചത്​. ചൊവ്വാഴ്​ച മെഡിക്കൽ കോളജിൽ പ്രവേശിപ്പിച്ച അഖിലിന്​ ബുധനാഴ്​ചയാണ്​ രോഗം സ്​ഥിരീകരിച്ചത്​. ഇദ്ദേഹം പേരാ​മ്പ്രയിലും സുഹൃത്തി​​​​െൻറ ചികിത്സാർഥം മെഡിക്കൽ കോളജിലും പോയിരുന്നതായാണ്​ വിവരം. ബുധനാഴ്​ച 12 പേരുടെ സാമ്പിൾ പരിശോധിച്ചപ്പോഴാണ്​ അഖിലിന്​​​  രോഗബാധ കണ്ടെത്തിയത്​. 

നിലവിൽ രോഗം സ്​ഥിരീകരിച്ച രണ്ടുപേരാണ്​ മെഡിക്കൽ കോളജിലുള്ളത്​. ഇന്നലെ സംശയത്തെ തുടർന്ന്​ രണ്ടുപേരെ കൂടി മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചതേ​ാടെ ഇവിടെ നിരീക്ഷണത്തിലുള്ളത്​ ഒമ്പതു പേരായി. മൊത്തം1353 പേരാണ്​  ആരോഗ്യവകുപ്പി​​​​െൻറ നിരീക്ഷണത്തിലുള്ളത്​. ആസ്​ട്രേലിയയിൽനിന്നുള്ള മരുന്ന്​ രണ്ടു ദിവസത്തിനകം എത്തുമെന്നാണ്​ പ്രതീക്ഷയെന്ന്​ ആരോഗ്യ വകുപ്പ്​ സെക്രട്ടറി ഡോ. ആർ.എൽ. സരിത അറിയിച്ചു​. മരുന്ന്​ എത്തിക്കുന്നതിനുവേണ്ട രേഖക​ളെല്ലാം കൈമാറിയിട്ടുണ്ട്​. 

നേരത്തേ ബംഗ്ലാദേശിൽ റിപ്പോർട്ട്​ ചെയ്​ത ​ൈവറസി​​​​െൻറ ജനിതക സ്വഭാവത്തോടുകൂടിയതാണ്​ കേരളത്തിൽ കണ്ടെത്തിയത്​ എന്നാണ്​ പ്രാഥമിക നിഗമനം. പേരാ​മ്പ്രയാണ്​ വൈറസ്​ ബാധയുടെ  ഉറവിടമെന്നാണ്​ ഇതുവരെയുള്ള പരിശോധനയിൽ വ്യക്​തമായതെന്നും അവർ കൂട്ടിച്ചേർത്തു. മുൻ കോടതി ജീവനക്കാരൻ  രാമൻ നായരാണ്​ മധുസൂദന​​​​െൻറ പിതാവ്​. ഭാര്യ: വി.കെ. ബീന (കെ.ഡി.സി  ബാങ്ക്​ -കിണാശ്ശേരി). മക്കൾ: ദ്യുതികർ, ധീരജ്​ (ഇരുവരും എൻജിനീയറിങ്​ വിദ്യാർഥികൾ). 

ശിവാനന്ദൻ, അനിത ദമ്പതികളുടെ മകനാണ്​ അഖിൽ. ഭാര്യ: സജിത. സഹോദരങ്ങൾ: നിഖിൽ,  അനന്ദു. ഇരുവരുടെയും മൃത​േദഹം മാവൂർ റോഡ്​ ശ്​മശാനത്തിൽ സംസ്​കരിച്ചു.

അ​ഴി​യൂ​രി​ല്‍ ജ​പ്പാ​ന്‍ ജ്വ​രം ബാ​ധി​ച്ച് സ്ത്രീ ​മ​രി​ച്ചു

വ​ട​ക​ര: അ​ഴി​യൂ​രി​ല്‍ ജ​പ്പാ​ന്‍ ജ്വ​രം ബാ​ധി​ച്ച് ചി​കി​ത്സ​യി​ലാ​യി​രു​ന്ന സ്ത്രീ ​മ​രി​ച്ചു. വെ​ള്ള​ച്ചാ​ലി​ല്‍ ദേ​വീ​കൃ​പ​യി​ല്‍ പ​ത്മി​നി (62) ആ​ണ് മ​രി​ച്ച​ത്. ക​ഴി​ഞ്ഞ ദി​വ​സ​മാ​ണ് പ​ത്മി​നി​യെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ പ്ര​വേ​ശി​പ്പി​ച്ച​ത്. മം​ഗ​ലാ​പു​രം വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് ഇ​വ​ര്‍ക്ക് ജ​പ്പാ​ന്‍ ജ്വ​ര​മാ​ണെ​ന്ന് മ​ന​സ്സി​ലാ​യ​ത്. ജ​പ്പാ​ന്‍ജ്വ​രം ക​െ​ണ്ട​ത്തി​യ​തി​നെ തു​ട​ര്‍ന്ന്‍ ആ​രോ​ഗ്യ​വ​കു​പ്പും, ഗ്രാ​മ​പ​ഞ്ചാ​യ​ത്തും പ്ര​തി​രോ​ധ​പ്ര​വ​ര്‍ത്ത​നം ഊ​ർ​ജി​ത​മാ​ക്കി​യി​രു​ന്നു. 

ഭ​ര്‍ത്താ​വ്: പ​രേ​ത​നാ​യ വി​ശ്വ​ന്‍. മ​ക​ന്‍: വി​നോ​ദ​ന്‍ എ​ല്‍.​ഐ.​സി ഏ​ജ​ൻ​റ്. മ​രു​മ​ക​ള്‍: ഷി​ജി​ല.