വടകരയിൽ ടെമ്പോ ട്രാവലർ താഴ്ച്ചയിലേക്ക് മറിഞ്ഞ് ഒരാൾ മരിച്ചു; 12 പേർക്ക് പരിക്ക്

വടകര : വടകര മടപ്പള്ളി കോളജ് സ്റ്റോപ്പിനടുത്ത് ട്രാവലർ വാൻ താഴ്ചയിലേക് മറിഞ്ഞ് ഒരാൾ മരിച്ചു. 12 പേർക്ക് പരിക്കുണ്ട്​. കോട്ടയം പാല സ്വദേശിനി സാലിയാണ് ( 60 ) മരിച്ചത്. ഭർത്താവ് ജോസഫിനെ ഗുരുതരാവസ്ഥയിൽ കോഴിക്കോട് മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു.

പാലായിൽ നിന്ന് വെള്ളരിക്കുണ്ടിലെ മരണ വീട്ടിലേക്ക് പുറപ്പെട്ട 12 പേരടങ്ങിയ സംഘമാണ് അപകടത്തിൽപെട്ടത്. അപകടമുണ്ടായ ഉടൻ വടകര നിന്നെത്തിയ അഗ്നിരക്ഷസേന ജീവനക്കാരാണ്​ രക്ഷാ പ്രവർത്തനം നടത്തിയത്​. പരിക്കേറ്റവരെ അഗ്നിരക്ഷ സേനയുടെ രണ്ട്​ വാഹനങ്ങളിലും 108 ആംബുലനസിലും വടകര ഗവ. ആശുപത്രിയിലും പാർക്കോ ഹോസ്പിറ്റലിലും പ്രവേശിപ്പിച്ചു.

പിന്നീട് അഞ്ച് പേരെ കോഴിക്കോട് മെഡിക്കൽ കോളേജിലേക്ക് മാറ്റി. ഗ്രേഡ് അസിസ്റ്റന്റ് സ്റ്റേഷൻ ഓഫീസർ കെ. ടി രാജീവന്റെ നേതൃത്വത്തിലാണ് രക്ഷാ പ്രവർത്തനം നടത്തിയത്.