കാസർകോട് ​തേനീച്ച കുത്തേറ്റ് ഒരാൾ മരിച്ചു

കാസർകോട്: കാസർകോട് തേനീച്ച കുത്തേറ്റ് ഒരാൾ മരിച്ചു. ബ്ളാലിൽ മരുതോത്തെ താമരത്ത് വീട്ടിൽ നാരായണനാണ് മരിച്ചത്.

വീടിന് സമീപം ഈറ്റ ശേഖരിക്കാൻ പോയപ്പോഴാണ് സംഭവം. ഉടൻ കൂടങ്കല്ലിലുള്ള താലൂക്ക് ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ഇന്ന് രാവിലെ 11 മണിയോടെയായിരുന്നു തേനീച്ചയുടെ കുത്തേറ്റത്. പോസ്റ്റ്മാർട്ടത്തിന് ശേഷം മൃതദേഹം നാളെ ബന്ധുക്കൾക്ക് വിട്ടുനൽകും.