പെരിന്തൽമണ്ണയിൽ ഒരു കോടിയുടെ നിരോധിത കറൻസിയുമായി മൂന്ന്​ പേർ പിടിയിൽ

പെരിന്തൽമണ്ണ: ഒരുകോടി രൂപയുടെ നിരോധിത കറൻസിയുമായി പെരിന്തൽമണ്ണയിൽ മൂന്നംഗ സംഘം പിടിയിലായി. സർക്കാർ നിരോധിച്ച പഴയ 500, 1000 രൂപയുടെ ശേഖരവുമായാണ്​ സംഘം പിടിയിലായത്​. പെരിന്തൽമണ്ണ മനഴി ബസ്​സ്​റ്റാൻഡിന്​ സപീപത്തുനിന്ന്​ ശനിയാഴ്​ച രാത്രിയാണ്​ പ്രതികൾ പ്രത്യേക അന്വേഷണ സംഘത്തി​​​​​െൻറ വലയിലായത്​. പെരിന്തൽമണ്ണ പൊന്ന്യാകുർശ്ശി കണ്ണംതൊടി കുഞ്ഞിമൊയ്​തീൻ (44), ​േതക്കിൻകോട്​ പത്തത്ത്​ മുഹമ്മദ്​ റംഷാദ്​ (28), പട്ടിക്കാട്​ തെക്കുംപുറത്ത്​ നിസാം (27) എന്നിവരാണ്​ പിടിയിലായത്​. 

സംഘത്തിൽനിന്ന്​ ആഡംബര കാറും പൊലീസ്​ കസ്​റ്റഡിയിലെടുത്തിട്ടുണ്ട്​. ഒരു മാസത്തിനുള്ളിൽ രണ്ടാം തവണയാണ്​ പെരിന്തൽമണ്ണയിൽനിന്ന്​ നിരോധിത കറൻസിയുടെ ശേഖരം പിടികൂടുന്നത്​. മൂന്ന്​ കോടിയുടെ കറൻസിയുമായി അഞ്ച്​ ​േപരാണ്​ മുമ്പ്​ പിടിയിലായത്​. തൂത വീട്ടിക്കാട്​ സ്വദേശിയു​െ​ടതാണ്​ പിടികൂടിയ പണമെന്ന്​ ​പ്രതികൾ സമ്മതിച്ചതായി പൊലീസ്​ പറഞ്ഞു. മലപ്പുറം, പാണ്ടിക്കാട്​, കോട്ടക്കൽ, വേങ്ങര, പെരിന്തൽമണ്ണ എന്നിവിടങ്ങളിൽ ഇടനിലക്കാരുണ്ട്​. ജില്ലയിലെ കു​ഴൽപ്പണ ഇടപാടുകാരുമായി സംഘത്തിന്​ ബന്ധമുണ്ടോ എന്ന കാര്യം അ​ന്വേഷിക്കുന്നതായും പൊലീസ്​ പറഞ്ഞു. ​

പ്ര​േത്യക അന്വേഷണ സംഘത്തലവൻ പെരിന്തൽമണ്ണ ഡിവൈ.എസ്​.പി എം.പി. മോഹനചന്ദ്രൻ, സി.​െഎ സാജു കെ. എബ്രഹാം, പെരിന്തൽമണ്ണ എസ്​.​​െഎ ​െക.സി. സുരേന്ദ്രൻ, പ്ര​േത്യക അന്വേഷണ സംഘത്തിലെ സി.പി. മുരളി, പി.എൻ.​ ​മോഹനകൃഷ്​ണൻ, എൻ.ടി. കൃഷ്​ണകുമാർ, എം. മനോജ്​ കുമാർ, ദിനേശ്​, വിനോജ്​, അനീഷ്​, അജീഷ്​, വിപിൻ, പ്രദീപ്​, ജയൻ, സുരേഷ്​, നെവിൽ പാസ്​കൽ എന്നിവരാണ്​ പ്രതികളെ പിടികൂടിയത്​.