സദ്യയുണ്ട് അവർ മടങ്ങി,  പ്രളയം മൂടിയ വീടു വീണ്ടെടുക്കാൻ

ക​രൂ​പ്പ​ട​ന്ന (തൃശൂർ): പൂ​ക്ക​ള​മി​ട്ട്, ഓ​ണ​പ്പാ​ട്ട് പാ​ടി, ഓ​ണ​സ​ദ്യ​യു​ണ്ട് അ​വ​ർ മ​ട​ങ്ങി, അ​വി​സ്മ​ര​ണീ​യ ഓ​ർ​മ​ക​ളു​മാ​യി. വെ​ള്ളാ​ങ്ങ​ല്ലൂ​ര്‍ മ​ഹ​ല്ല് ജ​മാ​അ​ത്തി​​​െൻറ കീ​ഴി​ലു​ള്ള ക​രൂ​പ്പ​ട​ന്ന പ​ള്ളി​ന​ട മ​ന്‍സി​ലു​ല്‍ ഹു​ദ മ​ദ്​​റ​സ​യി​ലെ പ്ര​ള​യ ദു​രി​താ​ശ്വാ​സ ക്യാ​മ്പി​ലു​ണ്ടാ​യി​രു​ന്ന മു​ന്നൂ​റോ​ളം പേ​രാ​ണ് ഓ​ണാ​ഘോ​ഷം ക​ഴി​ഞ്ഞ് വീ​ടു​ക​ളി​ലേ​ക്ക് മ​ട​ങ്ങി​യ​ത്. 

പ്ര​ള​യം മൂ​ടി​യ വെ​ള്ളാ​ങ്ങ​ല്ലൂ​ര്‍ പ​ഞ്ചാ​യ​ത്തി​ലെ വ​ള്ളി​വ​ട്ടം കോ​ഴി​ക്കാ​ട്, അ​ന്നി​ക്ക​ര, വ​ലി​യ​പാ​ടം പ്ര​ദേ​ശ​ത്തു​ള്ള​വ​രാ​ണ്​ ക്യാ​മ്പി​ല്‍ ഉ​ണ്ടാ​യി​രു​ന്ന​ത്. പു​രു​ഷ​ന്മാ​ര്‍ക്കും സ്ത്രീ​ക​ള്‍ക്കും താ​മ​സി​ക്കാ​ന്‍ പ്ര​ത്യേ​ക കെ​ട്ടി​ട​വും സ​ര്‍വ മ​ത​സ്​​ഥ​ർ​ക്കും പ്രാ​ർ​ഥ​ന ന​ട​ത്താ​നു​ള്ള സൗ​ക​ര്യ​വും മ​ഹ​ല്ല് ജ​മാ​അ​ത്ത് ക​മ്മി​റ്റി ഏ​ര്‍പ്പെ​ടു​ത്തി​യി​രു​ന്നു.അ​ത്ത​പ്പൂ​ക്ക​ള​മി​ട്ട്, മു​ത്ത​ശ്ശി​മാ​രും കു​ട്ടി​ക​ളും ഓ​ണ​പ്പാ​ട്ടു​ക​ള്‍ പാ​ടി. വി​ഭ​വ സ​മൃ​ദ്ധ​മാ​യ സ​ദ്യ ക​ഴി​ച്ച ശേ​ഷം സം​ഘാ​ട​ക​ര്‍ ന​ല്‍കി​യ അ​രി​യും അ​വ​ശ്യ​സാ​ധ​ന​ങ്ങ​ളും അ​ട​ങ്ങി​യ കി​റ്റു​മാ​യാ​ണ് അ​വ​ര്‍ മ​ട​ങ്ങി​യ​ത്.

ക്യാ​മ്പി​​​െൻറ പ്ര​വ​ര്‍ത്ത​ന​ങ്ങ​ള്‍ക്ക് തെ​ക്കും​ക​ര വി​ല്ലേ​ജ് ഓ​ഫി​സ​ര്‍ ജ​മീ​ല, ഗ്രാ​മ​പ​ഞ്ചാ​യ​ത്ത് അം​ഗം ക​ദീ​ജ അ​ല​വി, മ​ഹ​ല്ല് ഭാ​ര​വാ​ഹി​ക​ളും പൊ​തു​പ്ര​വ​ര്‍ത്ത​ക​രു​മാ​യ എം.​എ​സ്. മു​ഹ​മ്മ​ദാ​ലി, കെ.​എ. മു​ഹ​മ്മ​ദ്, അ​യ്യൂ​ബ് ക​രൂ​പ്പ​ട​ന്ന, പി.​എം. അ​ബ്​​ദു​ൽ​ഗ​ഫൂ​ര്‍, എ.​എം. ഷാ​ജ​ഹാ​ന്‍, ടി.​കെ. കു​ഞ്ഞു​മോ​ന്‍, സി.​ഇ. അ​ബൂ​ബ​ക്ക​ര്‍, റി​യാ​സ് റ​സാ​ഖ് എ​ന്നി​വ​ര്‍ നേ​തൃ​ത്വം ന​ൽ​കി. സെ​ക്ര​ട്ട​റി എം.​എ​സ്. മു​ഹ​മ്മ​ദാ​ലി​യു​ടെ നേ​തൃ​ത്വ​ത്തി​ൽ മ​ഹ​ല്ല് ഭാ​ര​വാ​ഹി​ക​ൾ മു​ഴു​വ​ൻ സ​മ​യ​വും ക്യാ​മ്പി​ൽ ഉ​ണ്ടാ​യി​രു​ന്നു. സ​മീ​പ ക്യാ​മ്പു​ക​ൾ പെ​രു​ന്നാ​ൾ ദി​വ​സം അ​വ​സാ​നി​പ്പി​ച്ചെ​ങ്കി​ലും ഇ​വി​ടെ തി​രു​വോ​ണം വ​രെ തു​ട​രു​ക​യാ​യി​രു​ന്നു.