മസ്കത്തിലേക്ക് പോയ വിമാനം കരിപ്പൂരിൽ തിരിച്ചിറക്കി

മലപ്പുറം: കരിപ്പൂർ വിമാനത്താവളത്തിൽ നിന്ന് മസ്കത്തിലേക്ക് പുറപ്പെട്ട ഒമാൻ എയർ വിമാനം കാലാവസ്ഥ റെഡാറിലെ തകരാർ മൂലം തിരിച്ചിറക്കി. രാവിലെ ഒമ്പതു മണിക്ക് കരിപ്പൂരിൽ നിന്ന് 162 യാത്രികരുമായി പുറപ്പെട്ട ഡബ്ല്യൂ ഐ 294 നമ്പർ വിമാനം വെതർ റെഡാർ തകരാറിനെ തുടർന്നാണ് എമർജൻസി ലാൻഡിങ് നടത്തിയത്.

നിലവിൽ കാലാവസ്ഥ മുന്നറിയിപ്പ് തിരിച്ചറിയാൻ പ്രയാസമുള്ള അവസ്ഥയുണ്ട്. യന്ത്രത്തകരാർ ഇല്ല എന്നും ആശങ്കപ്പെടേണ്ട സാഹചര്യം ഇല്ല എന്നും അധികൃതർ അറിയിച്ചിരുന്നു. 11.50 ഓടെയാണ് വിമാനം എയർപോർട്ടിൽ തിരിച്ചിറങ്ങിയത്.