പഴക്കമുള്ള കെ.എസ്.ആർ.ടി.സി ബസുകൾ പ്രത്യേക ഉത്തരവിൽ ഓടിക്കും

തി​രു​വ​ന​ന്ത​പു​രം: 15 വ​ർ​ഷ​ത്തി​ലേ​റെ പ​ഴ​ക്ക​മു​ള്ള വാ​ഹ​ന​ങ്ങ​ളു​ടെ ര​ജി​സ്ട്രേ​ഷ​ൻ റ​ദ്ദാ​ക്കാ​നു​ള്ള കേ​ന്ദ്ര തീ​രു​മാ​നം കെ.​എ​സ്.​ആ​ർ.​ടി.​സി ത​ള്ളി. പ്ര​ത്യ​ക ഉ​ത്ത​ര​വി​റ​ക്കി​യാ​ണ് പ​ഴ​ക്കം​ചെ​ന്ന വാ​ഹ​ന​ങ്ങ​ൾ ഓ​ടി​ക്കു​ന്ന​തി​ന് സ​ർ​ക്കാ​ർ ബ​ദ​ൽ വ​ഴി തു​റ​ക്കു​ക. സാ​മ്പ​ത്തി​ക പ്ര​തി​സ​ന്ധി​യും ബ​സ് ക്ഷാ​മ​വും ക​ണ​ക്കി​ലെ​ടു​ത്ത് കെ.​എ​സ്.​ആ​ർ.​ടി.​സി​ക്ക് മാ​ത്ര​മാ​ണ് ഇ​ള​വ്. 15 വ​ർ​ഷം പി​ന്നി​ട്ട മ​റ്റ് സ​ർ​ക്കാ​ർ വാ​ഹ​ന​ങ്ങ​ൾ നി​ര​ത്തി​ൽ​നി​ന്ന് പി​ൻ​വ​ലി​ക്കേ​ണ്ടി​വ​രും.

ഉ​പ​രി​ത​ല ഗ​താ​ഗ​ത​മ​ന്ത്രാ​ല​യ​ത്തി​ന്റെ നി​യ​ന്ത്ര​ണ​ത്തി​ലു​ള്ള ‘വാ​ഹ​ൻ’ സോ​ഫ്റ്റ്‌​വെ​യ​ർ ക​രി​മ്പ​ട്ടി​ക​യി​ലേ​ക്ക് മാ​റ്റി​യ​തി​ൽ 1622 കെ.​എ​സ്.​ആ​ർ.​ടി.​സി വാ​ഹ​ന​ങ്ങ​ളും 884 സ​ർ​ക്കാ​ർ വാ​ഹ​ന​ങ്ങ​ളു​മു​ണ്ട്. ഇ​വ​യു​ടെ ര​ജി​സ്ട്ര​ഷ​നും റ​ദ്ദാ​ക്കി. ഇ​തി​ൽ 245 കെ.​എ​സ്.​ആ​ർ.​ടി​സി ബ​സു​ക​ൾ നി​ല​വി​ൽ സ​ർ​വി​സ് ന​ട​ത്തു​ന്ന​വ​യാ​ണ്. ഇ​വ തു​ട​ർ​ന്നും ‌ഓ​ടി​ക്കാ​നാ​ണ് സം​സ്ഥാ​നം അ​നു​മ​തി ന​ൽ​കു​ന്ന​ത്. വാ​ഹ​ന​ങ്ങ​ളു​ടെ ര​ജി​സ്‌​ട്രേ​ഷ​ൻ സം​സ്ഥാ​ന സ​ർ​ക്കാ​റി​ന്റെ അ​ധി​കാ​ര​പ​രി​ധി​യി​ലാ​ണെ​ന്ന​താ​ണ് സം​സ്ഥാ​ന സ​ർ​ക്കാ​ർ വാ​ദം.