ഒാഖി: നിരവധി പേർ ഇനിയും കടലിൽ തന്നെ

തിരുവനന്തപുരം: ഒാഖി ചുഴലിക്കാറ്റിനെ തുടർന്ന്​ കടലിൽ കാണാതായ ബോട്ടുകളിൽ പലതും ഇനിയും കണ്ടെത്താനായിട്ടില്ല. തിരുവനന്തപുരത്ത്​ നിന്നു മാത്രംഎ 102 പേർ ഇനിയും തിരിച്ചത്താനുണ്ട്​. പൂന്തുറയിൽ നിന്ന്​ കടലിൽ പോയ 17 ബോട്ടുകൾ കണ്ടെത്തിയിട്ടില്ല. ഇവയിലുണ്ടായിരുന്ന 37 തൊഴിലാളികളെയും കണ്ടെത്താനായിട്ടില്ലെന്ന്​ അധികൃതർ അറിയിച്ചു. 

കൊല്ലത്തു നിന്നുപോയ 25ഒാളം വള്ളങ്ങൾ എഞ്ചിൻ കേടായി കടലിൽ തന്നെ കുടുങ്ങിയിരിക്കുകയാണെന്ന്​ രക്ഷപ്പെട്ട മത്​സ്യത്തൊഴിലാളികളുടെ ആരോപണം. ആലുപ്പുഴയിൽ നിന്നു പോയ ജോയൽ എന്ന ​േബാട്ടും തിരിച്ചെത്തിയിട്ടില്ലെന്നും തൊഴിലാളികൾ പറഞ്ഞു. 

രാജു, ലേലദിമ, ലോവിതൻ, ജോൺപോൾ, സുരേഷ്​, ഡെൻസൺ, സെൽവരാജ്​, സിൽവപ്പിള്ള, അലക്​സാണ്ടർ, ജോൺസൺ, പനിയാദിമ, സെൽവൺ, മർലെൻ, ജോസഫ്​,  മോസസ്​ അൽക്കൂസ്​, ജെയിംസ്​, വിനീഷ്​, സാബു, ലാസർ, സ്​റ്റീഫൻ, ഡേവിഡ്​സൺ, സേവിയർ, അരോഗ്യദാസ്​, ജെയ്​സൺ, ആൻറണി, ബേബിയാൻസ്​, മർസിലൻ, ഡെൻസൺ, മിശിഹ, ഫ്രാൻസിസ്, സേതു, ലോറൻസ്​ ബെർണാഡ്​, ലോറൻസ്​ ആൻറണി, ദേവദാസൻ, ജോസഫ്​, സെൽവൻ, സിസിൽ എന്നിവരയൊണ്​ കണ്ടെത്താനുള്ളത്​. 

നാവിക വ്യോമസേനകളുടെ തെരച്ചിലിൽ തിരുവനന്തപുരത്ത്​ ഇന്ന്​ ഏഴുപേ​െര കണ്ടെത്തിയതായും വാർത്തകളുണ്ട്​.  ഇവരെ കരയിലെത്തിക്കാനുള്ള ശ്രമങ്ങൾ നടക്കുന്നു. നാലു മത്​സ്യത്തൊഴിലാളികളെ നീണ്ടകരയിലെത്തിച്ചിട്ടുണ്ട്​. ഇവരെ മെഡിക്കൽ കോളജ്​ ആശുപത്രിയിലേക്ക്​ മാറ്റി. 

അതേസമയം, നാട്ടുകാർ സ്വന്തം നിലക്ക്​ രക്ഷാ പ്രവർത്തനത്തിന്​ ഇറങ്ങരുതെന്ന്​ ജില്ലാ ഭരണകൂടം മുന്നറിയിപ്പ്​ നൽകി. രക്ഷാ പ്രവർത്തനത്തിന്​ ഇറങ്ങുന്നവർ പേരു വിവരങ്ങൾ അധികൃതരെ അറിയിക്കണം. 

അതിനിടെ കോഴിക്കോട്​ വെള്ളയിൽ നിന്നും പുതിയാപ്പയിൽ നിന്നും മത്​സ്യബന്ധനത്തിനു പോയി കാണാതായ ബോട്ടുകൾ തിരിച്ചെത്തി. മലപ്പുറം താനൂരിൽ നിന്ന്​ പോയ ബോട്ടും പുതിയാപ്പയിൽ തിരിച്ചെത്തിയിട്ടുണ്ട്​.