ട്രെയിനപകടത്തിൽപെട്ട തൃശൂർ അന്തിക്കാട്ടുകാരായ നാലു പേരും സുരക്ഷിതർ

അന്തിക്കാട്: ഒഡീഷയിൽ അപകടത്തിൽപെട്ട ട്രെയിനിൽ യാത്ര ചെയ്ത തൃശൂർ അന്തിക്കാട് സ്വദേശികൾ സുരക്ഷിതർ. രഘു, കിരൺ, ബിജേഷ്, വൈശാഖ് എന്നിവരാണ് ഇവർ. ക്ഷേത്ര നിർമാണത്തിൽ ഓട് പതിക്കാനായാണ് അന്തിക്കാട്ടുകാരായ ഒമ്പതുപേർ യാത്ര പോയത്.

ഇതിൽ അഞ്ചുപേർ കഴിഞ്ഞ ദിവസം നാട്ടിലെത്തി. മറ്റ് നാലുപേർ മടങ്ങുമ്പോഴാണ് ഇവർ സഞ്ചരിച്ച ട്രെയിൻ അപകടത്തിൽപെട്ടത്. ഇവരിൽ ഒരാൾക്ക് നിസാര പരിക്കേറ്റതായും നേരത്തേ നാട്ടിലെത്തിയ രതീഷ് ‘മാധ്യമ’ത്തോട് പറഞ്ഞു. ഒപ്പം യാത്ര ചെയ്ത നിരവധി പേർ മരിച്ചതായും അവിടെ നിന്നുള്ളവർ അറിയിച്ചു.

ഒ​​ഡി​​ഷ​​യി​​ലെ ബാ​​ല​​സോ​​റി​​ൽ പാ​​ളം തെ​​റ്റി​​യ യശ്വ​​ന്ത്പു​​ർ-​​ഹൗ​​റ എ​​ക്സ്പ്ര​​സി​ലേ​ക്ക് കോ​​റ​​മണ്ഡ​​ൽ എ​​ക്സ്പ്ര​​സ് ഇ​​ടി​​ച്ചു​​ക​​യ​​റി 233 പേ​​ർ മ​​രി​​ച്ചു. 900ലേ​​റെ പേ​​ർ​​ക്ക് പ​​രി​​ക്കേ​​റ്റു. വെള്ളിയാഴ്ച രാ​ത്രി ഏ​ഴ് മ​ണി​യോ​ടെ ബ​​ഹാ​​ന​​ഗ​ർ ബ​​സാ​​ർ സ്റ്റേ​​ഷ​​നി​​ലാ​​ണ് അ​​പ​​ക​​ട​​മു​​ണ്ടാ​​യ​​ത്. മ​​ര​​ണ​സം​​ഖ്യ ഉ​​യ​​രാ​​നാ​​ണ് സാ​​ധ്യ​​ത.