ഓറഞ്ച് എ, ബി സോണുകളിൽ ഒറ്റ-ഇരട്ട നമ്പർ ക്രമത്തിൽ വാഹനങ്ങൾ അനുവദിക്കും
text_fieldsതിരുവനന്തപുരം: സംസ്ഥാനത്ത് ലോക്ഡൗണിൽ ഇളവ് പ്രഖ്യാപിച്ച സാഹചര്യത്തിൽ ഒാറഞ്ച് എ, ബി സോണുകളിൽ സ്വകാര്യ വാഹനങ്ങ ൾ നിരത്തിലിറക്കാൻ അനുമതി. ഓറഞ്ച് എ സോണിലെ കൊല്ലം, പത്തനംതിട്ട, എറണാകുളം ജില്ലകളിൽ 24ന് ശേഷവും ഓറഞ്ച് ബി സോണിലെ തിരുവനന്തപുരം, ആലപ്പുഴ, തൃശൂർ, പാലക്കാട്, വയനാട് ജില്ലകളിൽ 20ന് ശേഷവും സ്വകാര്യ വാഹനങ്ങൾ നമ്പറടിസ്ഥാനത്തിൽ റോഡിലിറക്കാം.
ഒറ്റയക്ക നമ്പറുള്ള വാഹനങ്ങൾ തിങ്കൾ, ബുധൻ, വെള്ളി ദിവസങ്ങളിൽ അനുവദിക്കും. ചൊവ്വ, വ്യാഴം, ശനി ദിവസങ്ങളിൽ ഇരട്ടയക്ക നമ്പറുകളും അനുവദിക്കും.
നാലുചക്ര വാഹനങ്ങളിൽ ഡ്രൈവർ അടക്കം മൂന്ന് പേരെ മാത്രമേ അനുവദിക്കൂ. ഇരുചക്രവാഹനങ്ങളിൽ ഒരാൾ മാത്രമേ സഞ്ചരിക്കാവൂ. എന്നാൽ കുടുംബാംഗങ്ങളാണെങ്കിൽ രണ്ട് പേർക്ക് യാത്രചെയ്യാം. എല്ലാവരും മാസ്ക് ധരിച്ചിരിക്കണം. അത്യാവശ്യ സർവിസുകളെയും എമർജൻസി വാഹനങ്ങളെയും മാത്രമാണ് നിയന്ത്രണത്തിൽ നിന്ന് ഒഴിവാക്കിയത്.
ഓറഞ്ച് എ, ബി സോണുകളിലെ ഹോട്ട്സ്പോട്ട് മേഖലകളിൽ ഈ ഇളവുകൾ ബാധകമായിരിക്കില്ല.
ഗ്രീൻ സോണിൽ ഉൾപ്പെടുന്ന കോട്ടയം, ഇടുക്കി ജില്ലകളിൽ അന്തർജില്ല ഗതാഗതം ഒഴികെയുള്ള വാഹനഗതാഗതം അനുവദിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.