മരിച്ചവരുടെ കുടുംബത്തിന്​ 20 ലക്ഷം ധനസഹായം

തിരുവനന്തപുരം: ഒാഖി ചുഴലിക്കാറ്റി​ലെ  ദുരന്തബാധിതർക്ക്​ സർക്കാർ 150 കോടി രൂപയ​ുടെ ആശ്വാസ പാക്കേജ്​   പ്ര​ഖ്യാപിച്ചു. ​മരിച്ച മത്സ്യത്തൊഴിലാളികളുടെ കുടുംബങ്ങൾക്ക്​ നൽകുന്ന​​ ധനസഹായം 20 ലക്ഷം രൂപയായി ഉയർത്താൻ മന്ത്രിസഭ യോഗം തീരുമാനിച്ചു. ഒരാഴ്​ചത്തെ സൗജന്യ റേഷൻ ഒരു മാസത്തേക്ക്​ നീട്ടി. ദേശീയ ദുരന്തമായി പ്രഖ്യാപിച്ച്​ പ്രത്യേക പാക്കേജ്​ അനുവദിക്കണമെന്ന്​ കേന്ദ്ര സർക്കാറിനോട്​ ആവശ്യപ്പെടുമെന്നും മന്ത്രിസഭ തീരുമാനം വിശദീകരിച്ച്​ മുഖ്യമന്ത്രി പിണറായി വിജയൻ വാർത്തസമ്മേളനത്തിൽ അറിയിച്ചു.

ഏഴ്​ ദിവസം മീൻപിടിക്കാൻ പോകാതിരുന്ന മത്സ്യത്തൊഴിലാളികൾക്ക്​ ഏഴ്​ ദിവസത്തേക്ക്​ സഹായധനം നൽകും. മുതിർന്നവർക്ക്​ 60 രൂപയും കുട്ടികൾക്ക്​ 45 രൂപയുമാണ്​ നൽകുക. ഒരു കുടുംബത്തിന്​ ഒരുദിവസം പരമാവധി 300 രൂപ നൽകും. 1,41000 കുടുംബങ്ങൾക്ക്​ ഗുണം കിട്ടും. ഇതിന്​ 31 കോടി രൂപ വേണ്ടിവരും. ബാക്കി തുകയാണ്​ നഷ്​ടപരിഹാരം അടക്കം നടപടികൾക്കായി മാറ്റിെവക്കുന്നത്​. നഷ്​ടത്തി​​െൻറ അന്തിമകണക്ക്​ വന്നാൽ കൂടുതൽ തുക അനുവദിക്കും. മരിച്ച മത്സ്യത്തൊഴിലാളികളുടെ കുടുംബങ്ങൾക്ക്​  നേരത്തേ പ്രഖ്യാപിച്ച 10 ലക്ഷത്തിനു​ പുറമേ, മത്സ്യത്തൊഴിലാളി ക്ഷേമ ബോർഡിൽനിന്ന്​ അഞ്ചു​ ലക്ഷവും ബദൽ ജീവനോപാധിക്കായി ഫീഷറീസ്​ വകുപ്പിൽനിന്ന്​ അഞ്ചുലക്ഷവും വീതമാണ്​ പുതുതായി അനുവദിച്ചത്​. 

• ഗുരുതരമായി പരിക്കേറ്റവർ, അപകടത്തെ തുടർന്ന്​ആരോഗ്യമില്ലാതായവവർ എന്നിവർക്ക്​ അഞ്ചു​ ലക്ഷം
• ബോട്ട്​, മത്സ്യബന്ധന ഉപകരണങ്ങൾക്ക്​ നഷ്​ടപരിഹാരം
• ദുരന്തത്തിൽ മരിക്കുകയോ കാണാതാവുകയോ ചെയ്​തവരുടെ മക്കൾക്ക്​ സൗജന്യ വിദ്യാഭ്യാസവും തൊഴിൽ പരിശീലനവും.
• കാണാതായവരുടെ കുടുംബത്തിന്​​ കാലതാമസം ഒഴിവാക്കി സാമ്പത്തിക സഹായം നൽകാനും നിയമപരമായ ഇളവ്​ നൽകാനും ശിപാർശ നൽകാൻ റവന്യൂ, ആഭ്യന്തരം, ഫിഷറീസ്​ സെക്രട്ടറിമാർ ഉൾപ്പെട്ട സമിതിയെ നിയോഗിച്ചു.
• ദുരന്തത്തിനിരയായ മത്സ്യത്തൊഴിലാളികൾക്ക് നൽകിവരുന്ന ആനുകൂല്യങ്ങളെ സംബന്ധിച്ച് പഠിച്ച് പരിഷ്കരിക്കുന്നതിന് ശിപാർശ നൽകാൻ റവന്യൂ വകുപ്പ് അഡീഷനൽ ചീഫ് സെക്രട്ടറി, ഫിഷറീസ്​ വകുപ്പ് പ്രിൻസിപ്പൽ സെക്രട്ടറി എന്നിവർക്ക്​ ചുമതല
• മുഴുവൻ മത്സ്യത്തൊഴിലാളികളും ഫിഷറീസ്​ വകുപ്പ് സംവിധാനത്തിൽ രജിസ്​റ്റർ ചെയ്യാനും ബോട്ടുകളിൽ ജി.പി.എസ്​ സംവിധാനവും മത്സ്യത്തൊഴിലാളികളുടെ മൊബൈൽ ഫോണുകളും സാറ്റലൈറ്റ് സംവിധാനങ്ങളും ഉപയോഗിച്ച് കാലാവസ്ഥ സംബന്ധിച്ച സന്ദേശം നൽകാനുമുള്ള ക്രമീകരണവും ഒരുക്കും. ജി.പി.എസ്​ ചെലവ്​ സർക്കാർ വഹിക്കും. 
• സംസ്ഥാന തീരദേശ പൊലീസ്​ സേനയിലേക്ക്​ മത്സ്യത്തൊഴിലാളികളിൽനിന്ന്​ 200 പേരെ നിയമിക്കും. മീൻപിടിത്തത്തിനിടെ മരിച്ച മത്സ്യത്തൊഴിലാളികളു​െട മക്കൾക്ക്​ മുൻഗണന നൽകി പ്രത്യേക റിക്രൂട്ട്​മ​െൻറ്​ നടത്തും. അഴീക്കൽ, ​േബപ്പൂർ, പൊന്നാനി, നീണ്ടകര എന്നിവിടങ്ങളിൽ പ്രത്യേക തീരദേശ പൊലീസ്​ സംവിധാനം. വിഴിഞ്ഞം, നീണ്ടകര, കൊച്ചി, പൊന്നാനി, അഴീക്കൽ തുറമുഖങ്ങളോട് ചേർന്ന് പ്രത്യേക പൊലീസ്​ സംവിധാനം ആരംഭിക്കും. 
• മറ്റു സംസ്ഥാനങ്ങളിൽ എത്തപ്പെട്ടവരെ മടക്കിക്കൊണ്ടു വരാൻ സഹായം നൽകും. ലക്ഷദ്വീപിലേക്ക്​ മെഡിക്കൽ ടീമിനെ അയക്കും. 
• ദുരന്തത്തിൽ കാണാതായ അവസാനത്തെ മത്സ്യത്തൊഴിലാളിയെയും കണ്ടെത്തുന്നതുവരെ തിര​ച്ചിൽ തുടരാൻ കോസ്​റ്റ്​ ഗാർഡ്​, നേവി, വ്യോമസേനകളോടും കേന്ദ്ര സർക്കാറിനോടും ആവശ്യപ്പെടും. 
• ദുരിതാശ്വാസ പ്രവർത്തനം ഏകോപിക്കാൻ റവന്യൂ, ഡിസാസ്​റ്റർ, ആഭ്യന്തര, ഫിഷറീസ്​ വകുപ്പുകളെ ചുമതലപ്പെടുത്തി. 
• ദുരന്തത്തോടനുബന്ധിച്ച് ഉണ്ടായ കൃഷിനാശം, വീട് നഷ്​ടപ്പെടൽ, ചികിത്സച്ചെലവ് എന്നിവക്കും ദുരിതാശ്വാസ ക്യാമ്പിൽ കഴിയുന്നവർക്കും സാമ്പത്തികസഹായം.
• ഭാവിയിൽ ദുരന്തങ്ങൾ നേരിടുന്നതിനെക്കുറിച്ച്​ പഠിച്ച്​ റിപ്പോർട്ട്​ നൽകാൻ സമിതിയെ നിയോഗിച്ചു. മുഖ്യമന്ത്രിയുടെ പൊലീസ്​ ഉപദേശകൻ രമൺ ശ്രീവാസ്​തവ, ആഭ്യന്തരം, റവന്യൂ അഡീഷനൽ ചീഫ്​ സെക്രട്ടറിമാർ, ഫിഷറീസ്​ സെക്രട്ടറി, കുസാറ്റ്​ കാലാവസ്ഥ നിരീക്ഷണ വകുപ്പിലെ അസി. പ്രഫസർ ഡോ. അഭിലാഷ്​, ഡിസാസ്​റ്റർ മാനേജ്മ​െൻറ്​ അതോറിറ്റി മെംബർ സെക്രട്ടറി എന്നിവരാണ്​ അംഗങ്ങൾ.