ഇവിടെ ​കരോൾ ഗാനങ്ങളില്ല,  ഉയരു​ന്നത്​ ആധിയുടെ നെഞ്ചിടിപ്പുകൾ

തി​രു​വ​ന​ന്ത​പു​രം: പു​ല്‍ക്കൂ​ടും ക്രി​സ്മ​സ് മ​ര​ങ്ങ​ളും ക​രോ​ള്‍ ഗാ​ന​ങ്ങ​ളു​മൊ​ന്നും ഇ​വി​ടെ​യി​ല്ല, ഉ​യ​ർ​ന്നു കേ​ൾ​ക്കു​ന്ന​ത്​ ആ​ധി നി​റ​ഞ്ഞ നെ​ഞ്ചി​ടി​പ്പു​ക​ൾ. ക​ട​ൽ​ക്ക​ലി​യി​ൽ കാ​ണാ​മ​റ​യ​ത്താ​യ പ്രി​യ​പ്പെ​ട്ട​വ​ർ​ക്കാ​യു​ള്ള കാ​ത്തി​രി​പ്പു​ക​ൾ​ക്കി​ട​യി​ൽ ഇ​വ​ർ​ക്ക്​ ആ​ഘോ​ഷി​ക്കാ​നാ​വി​ല്ല. പ​തി​വാ​യി ക്രി​സ്​​മ​സി​ന്​ വ​ർ​ണ​ദീ​പ​ങ്ങ​ളാ​ൽ അ​ണി​ഞ്ഞൊ​രു​ങ്ങു​ന്ന തീ​ര​ത്തെ നി​ര​ത്തു​ക​ളി​ൽ ഇ​പ്പോ​ൾ ക​നം തൂ​ങ്ങു​ന്ന നി​ശ്ശ​ബ്​​ദ​ത മാ​ത്രം. 

കു​ടി​ലു​ക​ളി​ലാ​ക​െ​ട്ട അ​ട​ക്കി​പ്പി​ടി​ച്ച തേ​ങ്ങ​ലു​ക​ളും. നാ​സി​ക്​ ധോ​ൾ മു​ഴ​ക്കി ന​ക്ഷ​ത്ര​വി​ള​ക്കു​ക​ളു​ടെ അ​ക​മ്പ​ടി​യി​ൽ വീ​ടു​ക​ൾ തോ​റു​മെ​ത്തി​യി​രു​ന്ന കു​ഞ്ഞു​സാ​ന്ത​മാ​രെ​യും ഇ​ക്കു​റി കാ​ണാ​നി​ല്ല. ക​ണ്ണീ​ര​ട​ങ്ങാ​ത്ത വീ​ടു​ക​ളി​ൽ അ​മ്മ​മാ​രെ ആ​​ശ്വ​സി​പ്പി​ച്ച്​ അ​വ​രും ഒ​തു​ങ്ങി​ക്കൂ​ടി. വി​ല​പ്പെ​ട്ട ഉ​യി​രി​​െൻറ നേ​ർ​പ്പാ​തി ക​ട​ലി​ലാ​ണ്. ഒ​പ്പം ക​ട​ലെ​ടു​ത്ത ജീ​വ​നു​ക​ളെ​യോ​ർ​ത്തു​ള്ള പ്രി​യ​പ്പെ​ട്ട​വ​രു​ടെ വി​ലാ​പ​ങ്ങ​ളും. 

സാ​ധാ​ര​ണ ക്രി​സ്​​മ​സ്​ തീ​ര​ത്തി​​െൻറ ഉ​ത്സ​വ​മാ​ണ്. ക്ല​ബു​ക​ളും സാം​സ്​​കാ​രി​ക വേ​ദി​ക​ളു​മെ​ല്ലാം ക​ലാ​പ​രി​പാ​ടി​ക​ളു​മാ​യി സ​ജീ​വ​മാ​കു​ന്ന ദി​ന​ങ്ങ​ൾ. എ​ന്നാ​ൽ, ഇ​ക്കു​റി അ​തെ​ല്ലാം മാ​റ്റി​െ​വ​ച്ച്​ പ്രാ​ർ​ഥ​ന​യി​ൽ മാ​ത്രം ച​ട​ങ്ങു​ക​ൾ പ​രി​മി​ത​പ്പെ​ടു​ത്തു​ക​യാ​ണ്​ എ​ല്ലാ​വ​രും. ചി​രി​ക്കാ​ൻ പോ​ലും മ​റ​ന്നു​പോ​യ​വ​ർ​ക്ക്​ മു​ന്നി​ൽ മ​റ്റു​ള്ള​വ​രു​ം ആ​ഘോ​ഷ​ങ്ങ​ൾ ഒ​ഴി​വാ​ക്കു​ക​യാ​ണ്. ആ​ഘോ​ഷ​ങ്ങ​െ​ളാ​ന്നും ഇ​ത്ത​വ​ണ വേ​െ​ണ്ട​ന്നാ​ണ് അ​ടി​മ​ല​ത്തു​റ, പൂ​വാ​ർ, വി​ഴി​ഞ്ഞം ഇ​ട​വ​ക​ക​ളു​ടെ തീ​രു​മാ​നം. പ​ക​രം ക്രി​സ്​​മ​സ് ദി​ന​ത്തി​ൽ ഓ​ഖി ദു​ര​ന്ത​ബാ​ധി​ത​രാ​യ കു​ടും​ബ​ങ്ങ​ൾ​ക്കൊ​പ്പം പ്രാ​ർ​ഥ​ന​ക​ളി​ൽ മു​ഴു​കി അ​വ​രു​ടെ ദുഃ​ഖ​ത്തി​ൽ പ​ങ്കു​ചേ​രും. പൂ​ന്തു​റ​യി​ലും സ്ഥി​തി വ്യ​ത്യ​സ്ത​​മ​ല്ല. 28 പേ​രാ​ണ്​ ഇ​വി​ടെ മ​ട​ങ്ങി​യെ​ത്താ​നു​ള്ള​ത്. ഇ​വ​രു​ടെ വ​ലി​യ ചി​ത്ര​ങ്ങ​ൾ​ക്കു​ മു​ന്നി​ൽ വാ​വി​ട്ട്​ ക​ര​യു​ന്ന​വ​രാ​ണ് ക്രി​സ്​​മ​സ്​ ദി​വ​സ​ങ്ങ​ളി​ലെ​യും ക​ണ്ണീ​ർ​ക്കാ​ഴ്​​ച.

ക​ട​ൽ​ക്ക​ലി​യോ​ർ​മ​ക​ൾ ര​ണ്ടാ​ഴ്​​ച​യി​ലേ​ക്ക്​ ക​ട​ക്ക​ു​േ​മ്പാ​ഴും മ​ു​ന്ന​റി​യി​പ്പ്​ ത​ർ​ക്ക​ങ്ങ​ൾ​ക്കും ക​ണ​ക്കു​ക​ളി​ലെ അ​വ്യ​ക്​​ത​ത​ക​ൾ​ക്കു​മ​പ്പ​​ു​റം അ​നി​ശ്ചി​ത​ത്വ​ത്തി​​െൻറ ജീ​വി​ത​ക്ക​ട​ലി​ൽ പ​ക​ച്ചു​നി​ൽ​ക്കു​ക​യാ​ണ് തീ​ര​ജീ​വി​ത​ങ്ങ​ൾ.- തി​രി​ച്ചെ​ത്താ​നു​ള്ള​വ​രു​ടെ എ​ണ്ണ​ത്തി​ൽ അ​ധി​കൃ​ത​രു​ടെ പ​ട്ടി​ക​യി​ൽ​ത​ന്നെ പ​ല​യ​ക്ക​ങ്ങ​ളാ​ണ്. ഇ​വ​ർ ജീ​വ​നോ​ടെ അ​വ​ശേ​ഷി​ക്കു​ന്നോ എ​ന്ന​തി​ൽ ആ​ർ​ക്കും ഒ​രു​റ​പ്പു​മി​ല്ല. വ​ലി​യ ബോ​ട്ടി​ൽ പോ​കു​ന്ന​വ​ർ 20-35 ദി​വ​സം വ​രെ ക​ട​ലി​ൽ ത​ങ്ങു​മെ​ന്നും ഇ​വ​ർ ക്രി​സ്​​മ​സോ​ടെ തി​രി​ച്ചെ​ത്തു​മെ​ന്നാ​ണ്​ പ്ര​തീ​ക്ഷ.