കന്യാസ്​ത്രീയു​െട കൈത്തണ്ട മുറിഞ്ഞ നിലയിൽ; അസ്വാഭാവിക മരണത്തിന്​ കേസെടുത്തു

പത്തനാപുരം: മൗണ്ട് താബോര്‍ ദയറയിലെ കന്യാസ്ത്രീയെ കോണ്‍വൻറിലെ കിണറ്റില്‍ മരിച്ചനിലയില്‍ കണ്ടെത്തിയ കന്യാസ്ത്രീ സിസ്​റ്റർ സൂസമ്മ (54)യുടെ മൃതദേഹം പുറത്തെടുത്ത്​ പോസ്റ്റുമോർട്ടം നടപടികൾ ആരംഭിച്ചു. തിരുവനന്തപുരം മെഡിക്കൽ കോളജിലാണ്​ പോസ്​റ്റ്​ മോർട്ടം നടക്കുക. കന്യാസ്​ത്രീയുടെ കൈത്തണ്ട മുറിഞ്ഞ നിലയിലാണ്.​ സംഭവത്തിൽ അസ്വാഭാവിക മരണത്തിന്​ പൊലീസ്​ കേസെടുത്തു. പത്തനാപുരം സി.​െഎയും പുനലൂർ ഡി.വൈ.എസ്​.പിയും കേസന്വേഷിക്കും.

ദയറയുടെ നിയന്ത്രണത്തിലുള്ള കന്യാസ്ത്രീ ഹോസ്​റ്റലിലാണ് ഇവര്‍ താമസിച്ചിരുന്നത്. കോണ്‍വൻറിലെ മാർത്തോമാ ഡയനീഷ്യസ് മെമ്മോറിയല്‍ ഓള്‍ഡ് ഏജ് ഹോം കെട്ടിടത്തിന് പിന്‍ഭാഗത്തെ കിണറ്റിൽ രാവിലെ പത്തോടെ ഹോസ്​റ്റല്‍ ജീവനക്കാരാണ് മൃതദേഹം കണ്ടത്​.

രണ്ടാഴ്ചയായി സൂസമ്മ പരുമല ആശുപത്രിയില്‍ ചികിത്സയിലായിരുന്നു. ആഗസ്​റ്റ്​ 14 നാണ് വീട്ടില്‍ പോയി വന്നത്. വീട്ടിൽ പോയപ്പോള്‍ കൊല്ലത്തെ സ്വകാര്യ ആശുപത്രിയിലും ചികിത്സ തേടി. 16നു തിരികെ എത്തിയശേഷം തിരുവല്ല പുഷ്പഗിരി ആശുപത്രിയിലും ചികിത്സക്ക്​ ​േപായിരുന്നതായി ഇവരുടെ സഹോദരങ്ങള്‍ പറഞ്ഞു. കഴിഞ്ഞ ദിവസം രാത്രി 9.30 ന് ഫോണിലൂടെ സഹോദരങ്ങളുമായി സംസാരിച്ചിരുന്നു. പനിയാണെന്നും ശാരീരിക ബുദ്ധിമുട്ടുകള്‍ ഉണ്ടെന്നുമാണ്​ ബന്ധുക്കളോട് പറഞ്ഞത്​. നിരവധി ശാരീരിക ബുദ്ധിമുട്ടുകള്‍ സൂസമ്മക്ക് ഉണ്ടായിരുന്നതായും അതില്‍ മനംനൊന്ത് ആത്മഹത്യ ചെയ്തതാകാമെന്നുമാണ് ഹോസ്​റ്റല്‍ അധികൃതരുടെ വിശദീകരണം.

എന്നാല്‍, ഹോസ്​റ്റല്‍ മുറിയിലും കെട്ടിടത്തി​​​​െൻറ സമീപത്തും മൃതദേഹം കണ്ട കിണറി​​​​െൻറ തൂണുകളിലും കാണപ്പെട്ട രക്തക്കറകള്‍ സംശയത്തിന് ഇടയാക്കിയിട്ടുണ്ട്​. തലമുടി മുറിച്ചനിലയിലുമാണ്​. രണ്ടുകൈത്തണ്ടയിലും മുറിവുമുണ്ട്​. ഫിസിക്കല്‍ സയന്‍സ് അധ്യാപികയായിരുന്ന സൂസമ്മ അടുത്ത വര്‍ഷം സര്‍വിസില്‍നിന്ന് വിരമിക്കാനിരിക്കുകയായിരുന്നു‍. അഡീഷനല്‍ ജില്ല മജിസ്‌ട്രേറ്റ് ശശികുമാറി​​​​​​െൻറയും റൂറല്‍ എസ്.പി ബി. അശോക​​​​​​െൻറയും സാന്നിധ്യത്തില്‍ ഞായറാഴ്ച വൈകീട്ട് മൂന്നോടെ ഫയർഫോഴ്​സാണ്​ കിണറ്റിൽ നിന്ന്​ മൃതദേഹം പുറത്തെടുത്തത്.

കൊല്ലം കല്ലട കൊടുവിള ചിറ്റൂർ വീട്ടില്‍ കോശി ഈട്ടി-റാഹേലമ്മ ദമ്പതികളുടെ മകള്‍ സിസ്​റ്റര്‍ സൂസമ്മ സി.ഇ. സഹോദരങ്ങൾ: മറിയാമ്മ, പരേതനായ കോശി, കുഞ്ഞമ്മ, ബോസ്, മോളമ്മ, ലാലി.