തെരഞ്ഞെടുപ്പിൽ ശരിദൂരം; ശബരിമല വിഷയത്തിൽ കേന്ദ്രസർക്കാർ ഒന്നും ചെയ്​തില്ല -എൻ.എസ്​.എസ്​

തിരുവനന്തപുരം: അഞ്ച്​ നിയമസഭാ മണ്ഡലങ്ങളിലേക്ക്​ നടക്കുന്ന ഉപതെരഞ്ഞെടുപ്പിൽ ശരിദൂരമായിരിക്കും ഔദ്യോഗിക നിലപാടെന്ന്​ എൻ.എസ്​.എസ്​. വിശ്വാസികൾക്കൊപ്പമാണ്​ എൻ.എസ്​.എസ്​ നിലകൊള്ളുക. ശബരിമല വിഷയത്തിൽ കേന്ദ്രസർക്കാറും ഒന്നും ചെയ്​തില്ലെന്ന്​ എൻ.എസ്​.എസ്​ കുറ്റപ്പെടുത്തി.

നവോത്ഥാനമെന്ന പേരിൽ ജാതീയ വേർതിരിവുണ്ടാക്കാനാണ് സംസ്ഥാന​ സർക്കാർ ശ്രമിച്ചത്​. രാഷ്​ട്രീയ നേട്ടത്തിനായി ജനങ്ങളിൽ സവർണ-അവർണ വേർതിരിവുണ്ടാക്കുകയാണ്​ സംസ്ഥാന സർക്കാറെന്നും എൻ.എസ്​.എസ് ജനറൽ സെക്രട്ടറി സുകുമാരൻ നായർ​ പറഞ്ഞു. മുന്നാക്ക സമുദായങ്ങളിലെ പാവങ്ങൾക്ക്​ മുമ്പ്​ ലഭിച്ചിരുന്ന ആനുകൂല്യങ്ങൾ പോലും ഇപ്പോൾ കിട്ടുന്നില്ലെന്നും അദ്ദേഹം കൂട്ടിച്ചേർത്തു.

ഇയൊരു സാഹചര്യത്തിൽ സമദൂരത്ത്​ നിന്ന്​ മാറി ശരി ദൂരം സ്വീകരിക്കുകയാണെന്നും എൻ.എസ്​.എസ്​ വ്യക്​തമാക്കി.