You are here

ലീവിന്​ നാട്ടിലെത്തിയ പ്രവാസി​ നെടുമ്പാശ്ശേരി വിമാനത്താവളത്തില്‍ കുഴഞ്ഞ് വീണ് മരിച്ചു

18:35 PM
17/02/2019
mhd-shamsuddheen

അങ്കമാലി: റിയാദില്‍ നിന്ന് ലീവിന് നാട്ടിലേക്ക് വരുകയായിരുന്ന പ്രവാസി നെടുമ്പാശ്ശേരി വിമാനത്താവളത്തില്‍ കുഴഞ്ഞ് വീണ് മരിച്ചു. മലപ്പുറം ചേളാരി പറമ്പില്‍ പീടിക അറക്കല്‍ വീട്ടില്‍ അബ്ദുല്ലത്തീഫി​​െൻറയും, സാറാബീവിയുടെയും മകന്‍ മുഹമ്മദ് ഷംസുദ്ദീനാണ് (43) മരിച്ചത്. 

ഞായറാഴ്ച ഉച്ചക്ക് 12മണിയോടെ ശ്രീലങ്കന്‍ എയര്‍ലൈന്‍സിലാണ് നെടുമ്പാശ്ശേരിയിലെത്തിയത്. തുടര്‍ന്ന് ലഗേജുമായി എയര്‍പോര്‍ട്ടില്‍ നിന്ന് കോഴിക്കോട്ടേക്കുള്ള കെ.എസ്.ആര്‍.ടി.സി ലോ ഫ്ളോര്‍ ബസില്‍ കയറിയ ഉടനെയാണ് കുഴഞ്ഞ് വീണത്. 

ഉടനെ എയര്‍പോര്‍ട്ടി​​െൻറ ആംബുലന്‍സില്‍ അങ്കമാലി എല്‍.എഫ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മൃതദേഹം അങ്കമാലി ജുമാമസ്ജിദില്‍ കുളിപ്പിച്ചശേഷം ബന്ധുക്ക​െളത്തെി സന്ധ്യയോടെ നാട്ടിലേക്ക് കൊണ്ട് പോകും. ദമാമിലുള്ള മാതാപിതാക്കള്‍ എത്തിയ ശേഷം ഖബറടക്കം തിങ്കളാഴ്ച രാവിലെ പറമ്പില്‍ പീടിക കുന്നത്ത് ജുമാമസ്ജിദ് ഖബര്‍സ്ഥാനില്‍ നടക്കും. ഭാര്യ: സലീന. മക്കള്‍: ഷമാസ് അഹമ്മദ്, ഷൈമ ജുമാന.

Loading...
COMMENTS