‘നോ​ട്ട’​യോ​ട് നോ ​പ​റ​ഞ്ഞ​വ​രേ​റെ

മലപ്പുറം: മലപ്പുറം ലോക്സഭ ഉപതെരഞ്ഞെടുപ്പിൽ ‘നോട്ട’യോട് നോ പറഞ്ഞവരേറെ. കഴിഞ്ഞ ലോക്സഭ തെരഞ്ഞെടുപ്പിനെ അപേക്ഷിച്ച് നോട്ടയിൽ കുത്തിയവരുടെ എണ്ണം ഗണ്യമായി കുറഞ്ഞു. 2014ലെ ലോക്സഭ തെരഞ്ഞെടുപ്പിൽ 21,829 പേർ നോട്ടക്കൊപ്പം നിന്നെങ്കിൽ ഉപതെരഞ്ഞെടുപ്പിലത് വെറും 4,098 ആണ്. എങ്കിലും മറ്റൊരുനേട്ടം നോട്ടക്ക് ഈ തെരഞ്ഞെടുപ്പിലും സ്വന്തം. പ്രധാന മുന്നണികൾക്ക് ലഭിച്ച വോട്ട് ഒഴിച്ചാൽ സ്വതന്ത്രന്മാരെയും അപരന്മാരെയും പിന്നിലാക്കിയത് നിഷ്പക്ഷർ തൊട്ട നോട്ടയാണ്.  മഞ്ചേരി മണ്ഡലത്തിലാണ് ഏറ്റവും കൂടുതലാളുകൾ ആർക്കും വോട്ട് നൽകാതിരുന്നത്- 642 പേർ. കുറവ് വേങ്ങരയിലാണ് -429. മിക്ക മണ്ഡലങ്ങളിലും നോട്ടയുടെ എണ്ണം 600 കടന്നു. 2016ലെ നിയമസഭ െതരഞ്ഞെടുപ്പിലും നോട്ട നേട്ടമുണ്ടാക്കിയിരുന്നു. ഏഴ് മണ്ഡലങ്ങളിലും കൂടി 4,617 വോട്ടാണ് അന്ന് നോട്ട സ്വന്തമാക്കിയത്. എൽ.ഡി.എഫ്, യു.ഡി.എഫ് സ്ഥാനാർഥികളുടെ അപരന്മാരുടെ പ്രകടനം 2,418 വോട്ടിലൊതുങ്ങി. എം.ബി. ഫൈസലി​​െൻറ അപരനായ മുഹമ്മദ് ഫൈസൽ 1,698 വോട്ട് നേടിയപ്പോൾ പി.കെ. കുഞ്ഞാലിക്കുട്ടിയുടെ അപരൻ കുഞ്ഞാലിക്കുട്ടി കുളമ്പിൽ പടിഞ്ഞാറേക്കരക്ക് 720 വോട്ടാണ് കിട്ടിയത്. മറ്റ് സ്വതന്ത്ര സ്ഥാനാർഥികൾ നേടിയ വോട്ടുകൾ ഇങ്ങനെ: പി.പി. സഗീർ --1469, എൻ. മുഹമ്മദ് മുസ്ലിയാർ -445, എ.കെ. ഷാജി -565, കെ. ഷാജിമോൻ -1027.