മതിയായ ട്രെയിനില്ല; ഓണക്കാലത്തും തത്​കാൽ കൊള്ളക്ക്​ റെയിൽവേ

തി​രു​വ​ന​ന്ത​പു​രം: തി​ര​ക്ക്​ ക​ണ​ക്കി​ലെ​ടു​ത്ത്​ കേ​ര​ള​ത്തി​ന്​ മ​തി​യാ​യ സ്പെ​ഷ​ൽ ട്രെ​യി​ൻ അ​നു​വ​ദി​ക്കാ​​തെ ഓ​ണ​ക്കാ​ല​ത്തും റെ​യി​ൽ​വേ ത​ത്​​കാ​ൽ കൊ​ള്ള​ക്ക്. എ​റ​ണാ​കു​ളം-​ചെ​​ന്നൈ റൂ​ട്ടി​ലും കൊ​ച്ചു​വേ​ളി-​ബം​ഗ​ളൂ​രു റൂ​ട്ടി​ലും മൂ​ന്നു ​ട്രെ​യി​ൻ വീ​ത​മാ​ണ്​ ഇ​തു​വ​രെ അ​നു​വ​ദി​ച്ച​ത്. ജൂ​ലൈ 30ന്​ ​റി​സ​ർ​വേ​ഷ​ൻ ആ​രം​ഭി​ച്ച ഇ​വ​യി​ലെ​ല്ലാം ടി​ക്ക​റ്റ്​ കാ​ലി​യാ​യി​ക്ക​ഴി​ഞ്ഞു. ബം​ഗ​ളൂ​രു, ചെ​ന്നൈ, മും​ബൈ എ​ന്നി​വി​ട​ങ്ങ​ളി​ൽ​നി​ന്ന​ട​ക്കം ആ​യി​ര​ക്ക​ണ​ക്കി​ന്​ യാ​ത്ര​ക്കാ​രാ​ണ്​ ഓ​ണ​ക്കാ​ല​ത്ത്​ നാ​ട്ടി​ലേ​ക്ക്​ മ​ട​ങ്ങാ​ൻ ടി​ക്ക​റ്റി​ന്​ കാ​ത്തു​നി​ൽ​ക്കു​ന്ന​ത്.

സ്ഥി​രം ട്രെ​യി​നു​ക​ളി​ൽ ഈ ​ദി​വ​സ​ങ്ങ​ളി​ലെ ടി​ക്ക​റ്റ്​ നേ​ര​ത്തേ ത​ന്നെ ‘വെ​യി​റ്റി​ങ്​ ലി​സ്റ്റി​ൽ’ ആ​യി​ക്ക​ഴി​ഞ്ഞു. ഓ​ണ​ക്കാ​ല തി​ര​ക്കി​ൽ ക​ണ്ണു​വെ​ച്ച്​ ടി​ക്ക​റ്റ്​ ച​വി​ട്ടി​പ്പി​ടി​ച്ചു​ള്ള ഓ​ൺ​ലൈ​ൻ പൂ​ഴ്ത്തി​വെ​പ്പാ​ണ്​ ഇ​തി​നു പി​ന്നി​ലെ​ന്ന ആ​രോ​പ​ണം ശ​ക്ത​മാ​ണ്. ത​ത്​​കാ​ൽ ദി​വ​സ​ങ്ങ​ളി​ലേ​തി​നെ​ക്കാ​ൾ കൂ​ടു​ത​ൽ വി​ല​ക്ക്​​ ഓ​ണ​ക്കാ​ല​ത്ത്​ ടി​ക്ക​റ്റ്​ വി​ൽ​ക്കാ​മെ​ന്ന​താ​ണ്​ കാ​ര​ണം. ത​ത്​​കാ​ലി​നാ​യി നീ​ക്കി​വെ​ക്കു​ന്ന​തി​ൽ ത​ന്നെ 50 ശ​ത​മാ​നം സാ​ദാ ത​ത്​​കാ​ലും ബാ​ക്കി പ്രീ​മി​യം ത​ത്​​കാ​ലു​മാ​ണ്. പ്രീ​മി​യം ത​ത്​​കാ​ലി​ൽ വി​മാ​ന ടി​ക്ക​റ്റു​ക​ളു​ടേ​ത്​ മാ​തൃ​ക​യി​ൽ ഓ​രോ 10​ ശ​ത​മാ​നം ക​ഴി​യും തോ​റും നി​ര​ക്ക്​ വ​ർ​ധി​ക്കും.

മം​ഗ​ളൂ​രു​വി​ലേ​ക്കു​ള്ള ട്രെ​യി​നു​ക​ളി​ൽ അ​ധി​ക കോ​ച്ചു​ക​ള​നു​വ​ദി​ച്ച്​ തി​ര​ക്ക്​ പ​രി​ഹ​രി​ക്ക​ണ​മെ​ന്ന ആ​വ​ശ്യ​വും പ​രി​ഗ​ണി​ച്ചി​ട്ടി​ല്ല. മു​ൻ സാ​മ്പ​ത്തി​ക വ​ർ​ഷ​ത്തെ ഓ​രോ ക്ലാ​സി​ലെ​യും താ​മ​സ സൗ​ക​ര്യ​ങ്ങ​ളു​ടെ ല​ഭ്യ​ത​യും ഉ​പ​യോ​ഗ രീ​തി​യും ക​ണ​ക്കി​ലെ​ടു​ത്ത് വി​വി​ധ ക്ലാ​സു​ക​ളി​ലെ ത​ത്കാ​ൽ ക്വോ​ട്ട അ​ത​ത്​ സോ​ണു​ക​ളാ​ണ്​ നി​ശ്ച​യി​ക്കു​ന്ന​ത്.

മ​റ്റു​ ന​ഗ​ര​ങ്ങ​ളെ അ​പേ​ക്ഷി​ച്ച്​ ബം​ഗ​ളൂ​രു​വി​ൽ​നി​ന്ന് കേ​ര​ള​ത്തി​ലേ​ക്കാ​ണ്​ യാ​​ത്ര​ക്കാ​രു​ടെ തി​ര​ക്കേ​റെ. എ​ട്ടു ല​ക്ഷ​ത്തി​ലേ​റെ മ​ല​യാ​ളി​ക​ൾ ഇ​വി​ടെ​യു​ണ്ടെ​ന്നാ​ണ്​ ക​ണ​ക്കാ​ക്കു​ന്ന​ത്. ഇ​വ​രി​ൽ കു​റ​ഞ്ഞ ശ​ത​മാ​നം പേ​ർ മാ​​ത്രം ഉ​ത്സ​വ​സീ​സ​ണു​ക​ളി​ൽ നാ​ട്ടി​ലേ​ക്ക്​ വ​ന്നു​പോ​കു​ന്ന​വ​രാ​ണ്. ഇ​വ​ർ​ക്കു​പോ​ലും യാ​ത്രാ​സൗ​ക​ര്യ​ങ്ങ​ളി​ല്ല. മാ​​ത്ര​മ​ല്ല, മു​മ്പ​ത്തെ​ക്കാ​ൾ യാ​ത്രാ ആ​വ​ശ്യ​ക​ത​യും വ​ർ​ധി​ച്ചി​ട്ടു​ണ്ട്. തി​രു​വ​ന​ന്ത​പു​രം, എ​റ​ണാ​കു​ളം എ​ന്നി​വി​ട​ങ്ങ​ളി​ൽ നി​ന്നു​ള്ള മൂ​ന്ന്​ പ്ര​തി​ദി​ന വ​ണ്ടി​ക​ള​ട​ക്കം 12 ട്രെ​യി​നാ​ണ്​ ആ​യി​ര​ക്ക​ണ​ക്കി​ന്​ യാ​ത്ര​ക്കാ​ർ​ക്ക്​ ആ​ശ്ര​യം.