പൊലീസ് മേധാവിയാകാത്തതില്‍ നിരാശയില്ല -ബി. സന്ധ്യ

തി​രു​വ​ന​ന്ത​പു​രം: പൊ​ലീ​സ് മേ​ധാ​വി​യാ​കാ​ത്ത​തി​ല്‍ നി​രാ​ശ​യി​ല്ലെ​ന്ന് ഡി.​ജി.​പി ബി. ​സ​ന്ധ്യ. എ​ന്തു​കൊ​ണ്ട് പൊ​ലീ​സ് മേ​ധാ​വി​യാ​ക്കി​യി​ല്ലെ​ന്ന​തി​ന് മ​റു​പ​ടി പ​റ​യേ​ണ്ട​ത് ഉ​ത്ത​ര​വാ​ദി​ത്ത​പ്പെ​ട്ട​വ​രാ​ണെ​ന്നും വ​നി​ത എ​ന്ന നി​ല​യി​ല്‍ സേ​ന​യി​ല്‍ വി​വേ​ച​നം നേ​രി​ട്ടി​ട്ടി​ല്ലെ​ന്നും ബു​ധ​നാ​ഴ്ച വി​ര​മി​ച്ച അ​വ​ർ പ​റ​ഞ്ഞു. ​ബ്ര​ഹ്മ​പു​ര​ത്തു​ണ്ടാ​യ തീ​പി​ടി​ത്തം, മെ​ഡി​ക്ക​ല്‍ സ​ർ​വി​സ് കോ​ർ​പ​റേ​ഷ​ന്റെ ഗോ​ഡൗ​ണു​ക​ളി​ല്‍ അ​ടി​ക്ക​ടി​യു​ണ്ടാ​യ തീ​പി​ടി​ത്തം, താ​നൂ​ര്‍ ബോ​ട്ട​പ​ക​ടം എ​ന്നി​വ ഫ​യ​ര്‍ഫോ​ഴ്‌​സ് മേ​ധാ​വി​യാ​യി​രി​ക്കെ നേ​രി​ട്ട​ത് വ​ലി​യ വെ​ല്ലു​വി​ളി​യാ​യി​രു​ന്നു.

ബ്ര​ഹ്മ​പു​ര​ത്തെ തീ ​കെ​ടു​ത്താ​ന്‍ ക​ഴി​ഞ്ഞ​ത് വ​ലി​യ നേ​ട്ട​മാ​യാ​ണ് കാ​ണു​ന്ന​ത്. സൗ​മ്യ കൊ​ല​ക്കേ​സി​ലെ പ്ര​തി ഗോ​വി​ന്ദ​ച്ചാ​മി​യു​ടെ വ​ധ​ശി​ക്ഷ റ​ദ്ദാ​ക്കി​യ​ത് കു​റ്റ​പ​ത്ര​ത്തി​ലെ അ​പാ​ക​ത കൊ​ണ്ട​ല്ല. ജി​ഷ കൊ​ല​ക്കേ​സ് അ​ന്വേ​ഷ​ണം, ന​ടി​യെ ആ​ക്ര​മി​ച്ച കേ​സ് എ​ന്നി​വ​യി​ല്‍ പ്ര​തി​ക​ര​ണ​ത്തി​നി​ല്ല.

ക്ര​മ​സ​മാ​ധാ​ന ചു​മ​ത​ല​യു​ള്ള സം​സ്ഥാ​ന​​ത്തെ ആ​ദ്യ വ​നി​ത ഡി.​ജി.​പി​യാ​കു​മെ​ന്ന്​ പൊ​തു​വി​ൽ പ്ര​തീ​ക്ഷി​ച്ചി​രു​ന്നു. ഐ.​പി.​എ​സ് ഉ​ദ്യോ​ഗ​സ്ഥ​യെ​ന്ന​തി​ലു​പ​രി എ​ഴു​ത്തു​കാ​രി കൂ​ടി​യാ​ണ് ഇ​വ​ർ. ഇ​നി എ​ഴു​ത്തു ജീ​വി​ത​ത്തി​ല്‍ കൂ​ടു​ത​ല്‍ ശ്ര​ദ്ധ കേ​ന്ദ്രീ​ക​രി​ക്കാ​നാ​ണ് തീ​രു​മാ​നം. 34 വ​ര്‍ഷ​ത്തെ സേ​വ​ന​ത്തി​നി​ടെ, ക്ര​മ​സ​മാ​ധാ​ന ചു​മ​ത​ല, ക്രൈം​ബ്രാ​ഞ്ച്, ട്രെ​യി​നി​ങ്​ തു​ട​ങ്ങി നി​ര​വ​ധി മേ​ഖ​ല​യി​ല്‍ വ്യ​ക്തി​മു​ദ്ര പ​തി​പ്പി​ച്ചാ​ണ് പ​ടി​യി​റ​ക്കം.