ബി.ജെ.പിയിലേക്കോ സി.പി.എമ്മിലേക്കോ ഇല്ല- കെ.സുധാകരൻ

കണ്ണൂർ: രാഷ്​ട്രീയത്തിൽ എന്തുസംഭവിച്ചാലും ബി.ജെ.പിയിലും സി.പി.എമ്മിലും പോകില്ലെന്ന്​ കോണ്‍ഗ്രസ് രാഷ്​ട്രീയകാര്യ സമിതിയംഗം കെ. സുധാകരന്‍. ഇക്കാര്യത്തിൽ  ആർക്കെങ്കിലും ആശങ്കയോ തെറ്റിദ്ധാരണയോ ഉണ്ടെങ്കിൽ ഇതോടെ ഇല്ലാതാക്കണമെന്നും അദ്ദേഹം വാർത്തസമ്മേളനത്തിൽ പറഞ്ഞു. 

ബി.ജെ.പിയുടെ  ദൂതന്മാർ വന്ന്​ കണ്ടുവെന്ന്​ പറഞ്ഞത്​ ത​​​െൻറ രാഷ്​ട്രീയ ആത്​മാർഥത കൊണ്ടാണ്​. വേണ​െമങ്കിൽ ആരും വന്നുകണ്ടില്ലെന്ന്​ പറയാമായിരുന്നു. ​എന്നാൽ, ബി.ജെ.പിയുടെ ഒരു നേതാവുമായും ചർച്ച നടത്തിയിട്ടില്ല. 
പൊതുയോഗങ്ങളിൽ ബി.ജെ.പിക്കെതിരെ ഏറ്റവും കൂടുതൽ സംസാരിക്കുന്ന കോൺഗ്രസ്​ നേതാക്കളിൽ ഒരാളാണ്​ താൻ. ബി.ജെ.പി ഇന്ത്യയിൽ വളർന്നാലുള്ള അപകടത്തെക്കുറിച്ച്​ കണക്കുസഹിതം സംസാരിക്കാറുണ്ട്​. വർഗീയ ഫാഷിസ്​റ്റും കാപട്യംനിറഞ്ഞ നേതാവുമാണ്​ പ്രധാനമന്ത്രി നരേന്ദ്ര മോദി​. മാധ്യമങ്ങളോട്​ സംവദിക്കാൻപോലും ത​​േൻറടമില്ലാത്ത നേതാവാണ്​ അദ്ദേഹമെന്നും കെ. സുധാകരൻ പറഞ്ഞു. 

സി.പി.എം ഫാഷിസ്​റ്റ്​ പാര്‍ട്ടിയാണ്. ഇത് ഘടകകക്ഷിയായ സി.പി.ഐ തന്നെ പറഞ്ഞിട്ടുണ്ട്. പിണറായി വിചാരിച്ചാല്‍ അക്രമം ഇല്ലാതാക്കാന്‍ കഴിയുമെന്ന എഴുത്തുകാരന്‍ എം. മുകുന്ദ​​​െൻറ അഭിപ്രായം പിണറായിയും സി.പി.എമ്മും ഫാഷിസ്​റ്റ്​ ആണെന്നാണ് ചൂണ്ടിക്കാട്ടുന്നത്. കേരളത്തില്‍ സി.പി.എമ്മും ബി.ജെ.പിയുമായി കോണ്‍ഗ്രസ് ഒരിക്കലും ചേര്‍ന്നുപ്രവര്‍ത്തിക്കില്ല. ദേശീയതലത്തില്‍ സി.പി.എമ്മുമായി സഖ്യമുണ്ടായാല്‍പോലും കേരളത്തില്‍ ഒരു സഹകരണവും ഉണ്ടാകില്ല. അത്തരത്തിലാണ് പ്രവര്‍ത്തകരുടെ വികാരം.

താൻ ബി.ജെ.പിയിലേക്ക്​ പോകുമെന്ന ആരോപണം സി.പി.എം ഉന്നയിക്കുന്നത്​  ന്യൂനപക്ഷ സംരക്ഷകരെന്നനിലയിൽ സി.പി.എമ്മും പി. ജയരാജനും കെട്ടി​പ്പൊക്കിയ സ്വയം ചമയൽ തകർന്നതി​‍​​െൻറ പരിഭ്രാന്തികാരണമാണ്​. തന്നെ സി.പി.എം ഭയപ്പെടുന്നുണ്ട്​. അതുകൊണ്ടാണ്​ ദുർബലനാക്കാൻ ശ്രമിക്കുന്നത്​. ആർ.എസ്​.എസ്​ നേതാവ്​ വത്സൻ തില്ല​േങ്കരി സമരപ്പന്തലിൽ വന്നത്​ ​െഎക്യദാർഢ്യം പ്രകടിപ്പിക്കാനായിരുന്നുവെന്ന്​ ചോദ്യത്തിന്​ ഉത്തരമായി അദ്ദേഹം പറഞ്ഞു.