തൃശൂർ റെയിൽവേ സ്റ്റേഷനിൽ ഇതര സംസ്ഥാന യുവതി പ്രസവിച്ചു

തൃശൂർ: തൃശൂർ റെയിൽവേ സ്റ്റേഷനിൽ ഇതര സംസ്ഥാന യുവതി പ്രസവിച്ചു.

ചൊവ്വാഴ്ച രാവിലെയാണ് സംഭവം. 10.30 ഓടെയാണ് യുവതിയെ അവശനിലയിൽ പ്ലാറ്റ് ഫോമിൽ കണ്ടെത്തിയത്. റെയിൽവേ പൊലീസ് എത്തിയപ്പോഴേക്കും യുവതി പ്രസവിച്ചിരുന്നു. തുടർന്ന് റെയിൽവേ പൊലീസ് ആംബുലൻസിൽ ഇവരെയും കുഞ്ഞിനെയും ജില്ല ആശുപത്രിയിൽ എത്തിക്കുകയായിരുന്നു.

സെക്കന്ദരാബാദിലേക്ക് പോകാനെത്തിയതായിരുന്നു യുവതി. കൂടെ മൂന്നു വയസ്സുള്ള കുട്ടി മാത്രമാണുണ്ടായിരുന്നത്. അമ്മയും കുഞ്ഞും സുഖമായിരിക്കുന്നുവെന്ന് ​പൊലീസ് അറിയിച്ചു.