റിക്രൂട്ട്​മെന്‍റ്​ ബോർഡ്​ നോക്കുകുത്തി; കെയ്​കോ മാനേജിങ്​ ഡയറക്ടറെ പുനർനിയമിക്കാൻ​ ചട്ടം ലംഘിച്ച്​ ശിപാർശ

കൊ​ച്ചി: പൊ​തു​മേ​ഖ​ല സ്ഥാ​പ​ന​മാ​യ കേ​ര​ള അ​ഗ്രോ ഇ​ൻ​ഡ​സ്ട്രീ​സ് കോ​ർ​പ​റേ​ഷ​ൻ (കെ​യ്​​കോ) മാ​നേ​ജി​ങ് ഡ​യ​റ​ക്ട​ർ​ക്ക്​ ച​ട്ടം ലം​ഘി​ച്ച്​ പു​റം​വാ​തി​ലി​ലൂ​ടെ കാ​ലാ​വ​ധി നീ​ട്ടി ന​ൽ​കാ​ൻ സ​ർ​ക്കാ​ർ നീ​ക്കം. പൊ​തു​മേ​ഖ​ല സ്ഥാ​പ​ന​ങ്ങ​ളി​ലെ എം.​ഡി​മാ​ര​ട​ക്കം ഉ​ദ്യോ​ഗ​സ്ഥ​രെ റി​ക്രൂ​ട്ട്​ ചെ​യ്യാ​ൻ രൂ​പ​വ​ത്​​ക​രി​ച്ച പ​ബ്ലി​ക്​ സെ​ക്ട​ർ സെ​ല​ക്ഷ​ൻ ആ​ൻ​ഡ്​ റി​ക്രൂ​ട്ട്​​മെ​ന്‍റ്​ ബോ​ർ​ഡി​നെ നോ​ക്കു​കു​ത്തി​യാ​ക്കി കൃ​ഷി​വ​കു​പ്പ്​ സെ​ക്ര​ട്ട​റി​യാ​ണ്​ നി​ല​വി​​ലെ മാ​നേ​ജി​ങ്​ ഡ​യ​റ​ക്ട​ർ പ്ര​താ​പ്​​രാ​ജി​നെ തു​ട​രാ​ൻ അ​നു​വ​ദി​ക്ക​ണ​മെ​ന്ന്​ സ​ർ​ക്കാ​റി​ന്​ ശി​പാ​ർ​ശ ന​ൽ​കി​യ​ത്.

വാ​ർ​ഷി​ക ഓ​ഡി​റ്റ്​ ന​ട​ക്കാ​ത്ത സ്ഥാ​പ​ന​ങ്ങ​ളി​ലെ മേ​ധാ​വി​ക​ൾ​ക്ക്​ കാ​ലാ​വ​ധി പു​തു​ക്കി ന​ൽ​കി​ല്ലെ​ന്ന സ​ർ​ക്കാ​ർ ഉ​ത്ത​ര​വ് നി​ല​വി​ലു​ള്ള​പ്പോ​ഴാ​ണ്​ 2018-19 മു​ത​ലു​ള്ള വ​ർ​ഷ​ങ്ങ​ളി​ലെ ഓ​ഡി​റ്റ് പൂ​ർ​ത്തി​യാ​ക്കി ന​ൽ​കി​യി​ട്ടി​ല്ലാ​ത്ത അ​ഗ്രോ ഇ​ൻ​ഡ​സ്​​ട്രീ​സ്​ കോ​ർ​പ​റേ​ഷ​നി​ൽ വ​ഴി​വി​ട്ട നീ​ക്കം. ക​ഴി​ഞ്ഞ ത​വ​ണ ഇ​ത്​ പ​രി​ഗ​ണി​ക്കാ​തെ​ എം.​ഡി​യെ തു​ട​രാ​ൻ അ​നു​വ​ദി​ക്കു​ക​യാ​യി​രു​ന്നു.

ഓ​ഡി​റ്റ്​ ന​ട​ക്കാ​ത്ത​ത്​ ചൂ​ണ്ടി​ക്കാ​ട്ടി ഇ​ത്ത​രം മേ​ധാ​വി​ക​ളെ അ​നു​വ​ദി​ക്ക​രു​തെ​ന്ന്​ ചീ​ഫ്​ സെ​ക്ര​ട്ട​റി​യു​ടെ മീ​റ്റി​ങ്ങി​ൽ നി​ല​പാ​ട്​ ക​ടു​പ്പി​ച്ച കൃ​ഷി വ​കു​പ്പ്​ സെ​ക്ര​ട്ട​റി​യാ​ണ്​ ഇ​ദ്ദേ​ഹ​ത്തി​ന്‍റെ കാ​ര്യ​ത്തി​ൽ ഇ​പ്പോ​ൾ വീ​ണ്ടും ശി​പാ​ർ​ശ ന​ൽ​കി​യ​​തെ​ന്ന​താ​ണ്​ കൗ​തു​കം. ചീ​ഫ് സെ​ക്ര​ട്ട​റി​യു​ടെ​യും മ​റ്റും സ​ർ​ക്കു​ല​ർ മ​റി​ക​ട​ന്നു​മാ​ണ്​ ശി​പാ​ർ​ശ.

65 വ​യ​സ്സ്​ ക​ഴി​ഞ്ഞ​വ​രെ എം.​ഡി സ്ഥാ​ന​ത്തേ​ക്ക്​ പ​രി​ഗ​ണി​ക്ക​രു​തെ​ന്ന നി​ർ​ദേ​ശ​വും ക​ണ​ക്കി​ലെ​ടു​ക്കാ​തെ​യാ​ണ്​ മെ​യ്​​മാ​സം ഈ ​പ്രാ​യം ക​ട​ക്കു​ന്ന വ്യ​ക്തി​ക്കു​വേ​ണ്ടി ഇ​ത്ത​ര​ത്തി​ൽ ച​ട്ട​വി​രു​ദ്ധ​മാ​യ ഇ​ട​പെ​ട​ൽ എ​ന്നും പ​രാ​തി​യു​ണ്ട്. റി​ക്രൂ​ട്ട്​​മെ​ന്‍റ്​ ബോ​ർ​ഡ്​ വ​ഴി​യാ​യാ​ൽ പ്രാ​യ​പ​രി​ധി 62 വ​യ​സ്സാ​ണ്. നി​യ​മ​നം സം​ബ​ന്ധി​ച്ച ഫ​യ​ൽ (7949849/2024/AGRI(PU) നി​ല​വി​ൽ കൃ​ഷി​മ​ന്ത്രി​യു​ടെ പ​രി​ഗ​ണ​ന​യി​ലാ​ണു​ള്ള​ത്.

ര​ണ്ടു​വ​ർ​ഷ​മാ​യി പ്ര​താ​പ്​​രാ​ജാ​ണ്​ സ്ഥാ​പ​ന​ത്തി​ന്‍റെ മാ​നേ​ജി​ങ്​ ഡ​യ​റ​ക്ട​ർ. സ്ഥാ​പ​നം ഗു​രു​ത​ര പ്ര​തി​സ​ന്ധി​യി​​ലാ​യ​തി​ന്‍റെ ഉ​ത്ത​ര​വാ​ദി​ത്തം ഇ​ദ്ദേ​ഹ​ത്തി​ന്​ കൂ​ടി​യാ​​​ണെ​ന്നും​ ആ​രോ​പ​ണ​മു​ണ്ട്. കാ​ർ​ഷി​ക ഉ​പ​ക​ര​ണ​ങ്ങ​ളും അ​നു​ബ​ന്ധ സാ​മ​ഗ്രി​ക​ളും വി​ത്തും വ​ള​വും വ​രെ വി​ൽ​ക്കു​ന്ന കോ​ർ​പ​റേ​ഷ​ൻ സ്ഥാ​പ​ന​ങ്ങ​ളി​ൽ വി​റ്റു​വ​ര​വ്​ ഇ​ടി​ഞ്ഞ​തോ​ടെ വി​ത​ര​ണ​ക്കാ​ർ​ക്ക് ഒ​ന്ന​ര​ക്കോ​ടി രൂ​പ​യി​ല​ധി​കം കു​ടി​ശ്ശി​ക​യാ​ണ്.

ജീ​വ​ന​ക്കാ​രു​ടെ ശ​മ്പ​ളം നാ​ലു​മാ​സം വ​രെ​യാ​ണ്​ കു​ടി​ശ്ശി​ക. യൂ​നി​റ്റു​ക​ൾ തി​രി​ച്ചും ത​വ​ണ​ക​​ളാ​യു​മൊ​ക്കെ​യാ​ണ്​ ശ​മ്പ​ള വി​ത​ര​ണം. ജീ​വ​ന​ക്കാ​രു​ടെ പ്രോ​വി​ഡ​ന്‍റ് ഫ​ണ്ട്​ ര​ണ്ടു​കോ​ടി രൂ​പ അ​ട​ക്കാ​നു​ണ്ട്. പി​രി​ഞ്ഞു​പോ​യ​വ​ർ​ക്ക്​ ന​ൽ​കേ​ണ്ട ഗ്രാ​റ്റ്വി​റ്റി കു​ടി​ശ്ശി​ക മാ​ത്ര​മു​ണ്ട്​ 01.90 കോ​ടി. സ​ർ​ക്കാ​റി​ന്‍റെ ക​രാ​ർ ജോ​ലി​ക​ൾ ടെ​ൻ​ഡ​ർ കൂ​ടാ​തെ ഏ​റ്റെ​ടു​ത്ത്​ ന​ട​ത്താ​ൻ അ​നു​മ​തി കി​ട്ടി വ​ർ​ഷം ഒ​ന്നാ​യി​ട്ടും ഫ​ല​പ്ര​ദ​മാ​യി ഉ​പ​യോ​ഗ​പ്പെ​ടു​ത്താ​നാ​കാ​ത്ത​ത​ട​ക്കം കാ​ര​ണ​ങ്ങ​ളും കോ​ർ​പ​റേ​ഷ​ന്​ വി​ന​യാ​യി.