ശബരിമലയിലെ സാഹചര്യം മാറി; നിലവിൽ പ്രശ്‌നങ്ങളില്ലെന്ന് ഹൈകോടതി

കൊച്ചി: ശബരിമലയിലെ സാഹചര്യം മാറിയിട്ടുണ്ടെന്നും നിലവില്‍ പ്രശ്‌നങ്ങളില്ലെന്നും ഹൈകോടതി. നേരത്തേയുണ്ടായ പ ്രത്യേക സാഹചര്യത്തിലായിരുന്നു നിയന്ത്രണം. ഇപ്പോള്‍ പ്രശ്‌നങ്ങളൊന്നുമില്ലെങ്കിലും ശബരിമലയിൽ പ്രതിഷേധങ്ങള് ‍ ഉണ്ടാവരുതെന്ന് മാത്രമാണ് കോടതിയുടെ ആഗ്രഹമെന്ന്​ ജസ്​റ്റിസ്​ പി.ആർ. രാമച​ന്ദ്രമേനോൻ, ജസ്​റ്റിസ്​ എൻ. അനിൽകുമാർ എന്നിവരടങ്ങുന്ന ഡിവിഷൻബെഞ്ച്​ വാക്കാൽ വ്യക്​തമാക്കി. ശബരിമല ദർശനത്തിനെത്തിയ തങ്ങളെ ബി.ജെ.പി പ്രവർത്തകരാണെന്ന പേരിൽ തടഞ്ഞെന്നാരോപിച്ച്​ കൊടകര സ്വദേശികളായ കെ.വി. വിബിന്‍ അടക്കം മൂന്നുപേർ നൽകിയ ഹരജിയാണ്​ കോടതി പരിഗണിച്ചത്​.

ശബരിമല ദർശനത്തിന്​ തിരിച്ച 35​ പേരടങ്ങുന്ന സംഘത്തെ കഴിഞ്ഞ മാസം 29ന് പമ്പയില്‍ പൊലീസ്​ തടയുകയായിരുന്നെന്ന്​ ഹരജിയിൽ പറയുന്നു. വാഹനം തടഞ്ഞ്​ ആർ.എസ്​.എസ​ുകാരുണ്ടോയെന്ന്​ ചോദിച്ചപ്പോൾ ഹരജിക്കാരായ തങ്ങൾ ഉണ്ടെന്ന്​ മറുപടി നൽകി. മറ്റുള്ളവരെ പോകാൻ അനുവദിച്ച പൊലീസ്​ തങ്ങളെ മണിക്കൂറുകളോളം തടഞ്ഞുവെച്ച ശേഷം ചില കടലാസുകളിൽ ഒപ്പുവെപ്പിച്ച്​ വീട്ടിലേക്ക്​ മടക്കി അയക്കുകയായിരുന്നെന്ന്​ ഹരജിയിൽ പറയുന്നു.

ശബരിമലയില്‍ സംഘര്‍ഷമുണ്ടാക്കുകയെന്ന ലക്ഷ്യത്തോടെ ഒരു പാർട്ടി ഇറക്കിയ സര്‍ക്കുലറി​​​െൻറ ഭാഗമായാണ് മൂന്നു പേരും മല കയറാനെത്തിയതെന്ന് പൊലീസ് കോടതിയെ അറിയിച്ചു. ഒന്നാം ഹരജിക്കാരന്‍ ഏഴു ക്രിമിനല്‍ കേസുകളിലും മൂന്നാം ഹരജിക്കാരന്‍ രണ്ടു കേസുകളിലും പ്രതിയാണ്. മല കയറാനെന്ന പേരിലെത്തിയ ഇവർ പൊലീസിനോട്​ സഹകരിക്കാൻ തയാറായില്ല. ഇൗ സാഹചര്യത്തിലാണ്​ ത​ടയേണ്ടിവന്നത്​. ഇനി ഇവര്‍ക്ക് മല കയറുന്നതില്‍ തടസ്സങ്ങളില്ലെന്നും പൊലീസ്​ വ്യക്തമാക്കി. തുടർന്നാണ്​ ശബരിമലയില്‍ ഇപ്പോൾ പ്രശ്‌നങ്ങളൊന്നുമില്ലെന്ന്​ നിരീക്ഷിച്ചത്​. പൊലീസി​​​െൻറ വിശദീകരണം രേഖപ്പെടുത്തിയ കോടതി തുടർന്ന്​ ഹരജി തീർപ്പാക്കി.