വാർത്താ വിലക്ക്​; രാഖുൽ കൃഷ്​ണ നിയമനടപടിക്ക്​

തിരുവനന്തപുരം: സാമ്പത്തിക തട്ടിപ്പ്​ ആരോപണമുയർന്ന ചവറ എം.എൽ.എ എന്‍.വിജയന്‍പിള്ളയുടെ മകൻ ശ്രീജിത്ത് വിജയ​നുമായി ബന്ധപ്പെട്ട വാർത്തകളെ വിലക്കിയ കോടതി നടപടിക്കെതിരെ രാഖുല്‍ കൃഷ്ണ നിയമനടപടിക്ക്. വാര്‍ത്ത വിലക്കിയ വിധി പകര്‍പ്പ് ആവശ്യപ്പെട്ട് രാഖുല്‍ ഇന്ന് അപേക്ഷ നല്‍കും. കരുനാഗപ്പള്ളി കോടതിയിലാണ് അപേക്ഷ സമര്‍പ്പിക്കുക. 

അതേസമയം, സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണ​​​​​​​െൻറ മകൻ ബിനോയ് കോടിയേരിക്കെതിരായ സാമ്പത്തിക തട്ടിപ്പ് ആരോപണത്തെക്കുറിച്ച്​  ദുബൈ ജാസ് ടൂറിസം മാനേജിങ് ഡയറക്ടർ ഹസൻ ഇസ്മാഈൽ അബ്ദുല്ല അൽ മർസൂഖി നടത്താനിരുന്ന വാർത്താസമ്മേളനം മാറ്റിവച്ചു.  ശ്രീജിത്ത് വിജയനെക്കുറിച്ച്​ പരാമർശം പാടില്ലെന്ന കോടതി ഉത്തരവിനെ തുടർന്നാണ്​ പിൻമാറ്റം.  കരുനാഗപ്പള്ളി സബ്കോടതിയാണു വിലക്കേർപ്പെടുത്തിയത്. 

സാമ്പത്തികതട്ടിപ്പ് ആരോപണം ഉന്നയിച്ച മര്‍സൂഖി  തിങ്കളാഴ്ച നാലുമണിക്കു തിരുവനന്തപുരം പ്രസ് ക്ലബിൽ വാര്‍ത്താസമ്മേളനം നടത്തുമെന്നു നേരത്തേ അറിയിച്ചിരുന്നു. ബിനോയ്​ 13 കോടിയും ശ്രീജിത്ത്​ 10 കോടിയും തട്ടിയെടുത്തെന്നായിരുന്നു മർസൂഖിയു​െട പരാതി. രേഖകൾ വാർത്താ സമ്മേളനത്തിൽ പുറത്തു വിടുമെന്നും മർസൂഖി അറിയിച്ചിരുന്നു. 

വിലക്കി​​​​​​​െൻറ പശ്ചാത്തലത്തില്‍ വാര്‍ത്താസമ്മേളനം റദ്ദാക്കി ഡൽഹിക്ക് മടങ്ങുകയാണെന്ന് കാണിച്ച് മര്‍സൂഖിയുടെ അഭിഭാഷകന്‍ പ്രസ് ക്ലബ് അധികൃതര്‍ക്ക് കത്തു നല്‍കിയിട്ടുണ്ട്.