ആരും ഭീഷണിപ്പെടുത്തിയിട്ടില്ല -ജിഫ്​രി തങ്ങൾ

മലപ്പുറം: തനിക്ക് ആരിൽനിന്നും വധഭീഷണി ഉണ്ടായിട്ടില്ലെന്ന് സമസ്ത പ്രസിഡന്‍റ്​ മുഹമ്മദ്‌ ജിഫ്​രി മുത്തുക്കോയ തങ്ങൾ. ഒരു പരിപാടിയിൽ പ്രസംഗിക്കവെ എന്തുതരം ഭീഷണി ഉണ്ടായാലും പിന്മാറരുതെന്ന്​ പ്രവർത്തകരെ ഉണർത്തുകയായിരുന്നു. അതാണ് വധഭീഷണിയെന്നൊക്കെ പറഞ്ഞ് പ്രചരിപ്പിക്കുന്നത്.

ആർക്കെതിരെയും പരാതി കൊടുത്തിട്ടില്ല. സ്വയം ആളാവാൻ വേണ്ടി ഒന്നും ചെയ്യാറില്ല. അങ്ങനെ ആരെങ്കിലും ചിന്തിക്കുന്നെങ്കിൽ ആ ധാരണ മാറ്റാം. സമസ്തക്ക് വേണ്ടി പ്രവർത്തിക്കുന്നതുമൂലം തനിക്കെതിരെ വരുന്ന വ്യക്തിപരമായ അധിക്ഷേപങ്ങൾക്ക് പുല്ലുവില കൽപിക്കുന്നതായും സമസ്ത മലപ്പുറം ജില്ല സുവർണ ജൂബിലി സമ്മേളനം ഉദ്ഘാടനം ചെയ്യവെ അദ്ദേഹം വ്യക്തമാക്കി.